Hello Mummy OTT: ഹലോ മമ്മി ഒടിടിയിൽ എപ്പോഴെത്തും?

Hello Mummy OTT Release Date & Platform: തിയേറ്ററുകളിൽ വലിയ രീതിയിൽ ജനശ്രദ്ധ നേടിയ ഫാന്‍റസി കോമഡി ത്രില്ലർ ചിത്രമാണ് 'ഹലോ മമ്മി'. ഷറഫുദ്ദീനും ഐശ്വര്യ ലക്ഷ്മിയും പ്രധാന വേഷത്തിലെത്തിയ ചിത്രം നവംബർ 21നാണ്  തിയറ്ററുകളിലെത്തിയത്. 

വൈശാഖ് എലൻസ് സംവിധാനം ചെയ്ത ഈ ചിത്രം അതിന്റെ പ്രമേയം കൊണ്ടു തന്നെ വലിയ രീതിയിൽ ശ്രദ്ധ നേടിയിരുന്നു. ഹാസ്യം, പ്രണയം, ഫാന്റസി, ഹൊറർ തുടങ്ങി പ്രേക്ഷകർക്കാവശ്യമായ എല്ലാ ചേരുവകളും ചേർത്താണ് ചിത്രം അണിയിച്ചൊരുക്കിയത്. കോമഡിയ്ക്ക് കോമഡി, ആക്ഷന് ആക്ഷൻ, സസ്പെൻസിനു സസ്പെൻസ്, വൈകാരിക മുഹൂർത്തങ്ങൾ അങ്ങനെ എല്ലാം നിറഞ്ഞ ഒരു 'കംപ്ലീറ്റ് ഫൺ റൈഡ്' എന്നു തന്നെ ഹലോ മമ്മിയെ വിശേഷിപ്പിക്കാം. 

Hello Mummy Plot: മകളെ ഭ്രാന്തമായി സ്നേഹിക്കുന്ന ഒരമ്മയുടെ കഥ

ജീവിതത്തിൽ വലിയ ലക്ഷ്യങ്ങളോ ദാമ്പത്യത്തെ കുറിച്ച് വലിയ സ്വപ്നങ്ങളോ ഒന്നുമില്ലാത്ത ചെറുപ്പക്കാരനാണ്  ബോണി. പക്ഷേ, ഒരു പ്രത്യേക സാഹചര്യത്തിൽ ബോണി ഒരു പെണ്ണു കാണാൻ പോവുകയാണ്. റിസർച്ച് വിദ്യാർത്ഥിനിയായ സ്റ്റെഫിയെ ആദ്യ കാഴ്ചയിൽ തന്നെ ബോണിയ്ക്ക് ഇഷ്ടപ്പെടുന്നു. സ്റ്റെഫിയെ കാണുന്നതോടെ വിവാഹം വേണ്ടെന്ന തീരുമാനത്തിൽ നിന്നും ബോണി പിൻമാറുന്നു. എന്നാൽ സ്റ്റെഫിയെ സ്വന്തമാക്കൽ ബോണിയെ സംബന്ധിച്ച് അത്ര എളുപ്പമുള്ള കാര്യമായിരുന്നില്ല. ആ വിവാഹം നടക്കണമെങ്കിൽ ബോണിയ്ക്ക് ചില നിബന്ധനകളിൽ ഒപ്പുവച്ചേ മതിയാവൂ. എന്നാൽ, പ്രതീക്ഷിച്ചതിലും വലിയ പ്രശ്നങ്ങളാണ് ബോണിയെ കാത്തിരുന്നത്. ബോണിയുടെ കഥയിലെ ഹീറോയും വില്ലത്തിയുമായി മമ്മി മാറുകയാണ് അവിടം മുതൽ. 
 
യഥാർത്ഥത്തിൽ ആരാണ് ഈ മമ്മി? എന്തിനാണ് ബോണി മമ്മിയെ ഇത്ര പേടിക്കുന്നത്? ആ ചോദ്യങ്ങൾക്കെല്ലാം ഉത്തരം നൽകികൊണ്ടാണ് കഥയുടെ മുന്നേറ്റം. ആ യാത്രയാവട്ടെ, ആവേശകരമായ ഒരു രഹസ്യത്തിന്റെ ചുരുളഴിക്കുകയാണ്. 

ചിത്രത്തിന്റെ ഒടിടി റിലീസിനായി കാത്തിരിക്കുകയാണ് ഒടിടി പ്രേമികൾ. ജോമിൻ മാത്യു, ഐബിൻ തോമസ്, രാഹുൽ ഇ. എസ് എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്.  സണ്ണി ഹിന്ദുജ, അജു വർഗീസ്, ജഗദീഷ്, ജോണി ആന്റണി, ജോമോൻ ജ്യോതിർ, ബിന്ദു പണിക്കർ, അദ്രി ജോ, ശ്രുതി സുരേഷ്, ഗംഗാ മീരാ തുടങ്ങിയവരാണ് ചിത്രത്തിലെ മറ്റു പ്രധാന അഭിനേതാക്കൾ. 

ഛായാഗ്രഹണം: പ്രവീൺ കുമാർ, ചിത്രസംയോജനം: ചമൻ ചാക്കോ, ഗാനരചന: മു. രി, സുഹൈൽ കോയ എന്നിവരും നിർവ്വഹിച്ചിരിക്കുന്നു.

Hello Mummy OTT: എപ്പോൾ ഒടിടിയിൽ എത്തും?
ജനുവരി രണ്ടാം വാരത്തോടെ ചിത്രം ഒടിടിയിൽ എത്തുമെന്നാണ് ഇപ്പോൾ ലഭിക്കുന്ന റിപ്പോർട്ട്. 

Read More

• എന്തിനാണ് സിനിമകളിൽ ഇത്രയും വയലൻസ്?
• എൻ്റെ സ്വപ്നങ്ങളാണ് പ്രണവ് സാക്ഷാത്കരിക്കുന്നത്: മോഹൻലാൽ
• ആരായിരുന്നു ഞങ്ങൾക്ക് എംടി? അവർ പറയുന്നു
• അന്നാണ് റാണ ആദ്യമായി വീട്ടിൽ വന്നത്, ഉമ്മച്ചിയ്ക്ക് ആളെ ഒരുപാട് ഇഷ്ടമായി; ദുൽഖർ
• വിവാഹം, ഡിവോഴ്സ്; വീണ്ടും രഞ്ജിത്തിനെ ജീവിതത്തിലേക്ക് കൂടെ കൂട്ടി പ്രിയാരാമൻ