Delhi Crime Season 3 OTT: ഡൽഹി ക്രൈം 3 ഒടിടിയിലേക്ക്, റിലീസ് തീയതി പ്രഖ്യാപിച്ചു

Delhi Crime Season 3 OTT Release Date & Platform: നെറ്റ്ഫ്ളിക്സിലെ ജനപ്രിയ വെബ് സീരിസുകളിൽ ഒന്നായ ഡൽഹി ക്രൈമിന്റെ മൂന്നാമത്തെ സീസൺ റിലീസിനൊരുങ്ങുന്നു. സീരിസിന്റെ റിലീസ് തീയതി ഔദ്യോഗികമായി പ്രഖ്യാപിച്ചിരിക്കുകയാണ് നെറ്റ്ഫ്ളിക്സ്.

ഡൽഹി ക്രൈമിന്റെ സീസൺ 1, 2 എന്നിവ വൻവിജയമായിരുന്നു. അതിനെ തുടർന്നാണ് മൂന്നാമത്തെ സീസണും എത്തുന്നത്. ഷെഫാലി ഷാ പ്രധാന കഥാപാത്രമായി എത്തുന്ന ഡൽഹി ക്രൈമിൻ്റെ മൂന്നാം സീസണിൽ,  ഇത്തവണ മനുഷ്യക്കടത്തുമായി ബന്ധപ്പെട്ട കേസുകൾക്കു പിന്നാലെയാണ് ഡിഐജി വർത്തികയും സംഘവും. ഇന്ത്യയുടെ അതിർത്തിക്കപ്പുറത്തേക്ക് വ്യാപിച്ചുകിടക്കുന്ന വലിയൊരു മനുഷ്യക്കടത്തു ശൃംഖലയെക്കുറിച്ചുള്ള അന്വേഷണമാണ് മൂന്നാം സീസണിന്റെ പ്രമേയം എന്നാണ് സൂചന. 

Also Read: സർജറി ചെയ്യാൻ വച്ച മൂക്കായിരുന്നു, അക്ബർ ഇടിച്ചു പഞ്ചറാക്കി; കരച്ചിലോടെ അനുമോൾ: Bigg Bossmalayalam 7

യഥാർത്ഥവും സാങ്കൽപ്പികവുമായ സംഭവങ്ങളിൽ നിന്ന് പ്രചോദനം ഉൾക്കൊണ്ട ഈ പരമ്പര, ഡൽഹിയിലെ ഉയർന്ന കുറ്റകൃത്യങ്ങൾ അന്വേഷിക്കുന്ന പോലീസ് സേനയുടെ യാത്രയാണ് കാണിക്കുന്നത്.  ആദ്യസീസൺ, 2012ലെ ഡൽഹി കൂട്ടബലാത്സംഗം വിഷയമാക്കിയപ്പോൾ രണ്ടാം സീസണിന്റെ ഇതിവൃത്തം ചദ്ദി ബനിയൻ സംഘത്തെ കേന്ദ്രീകരിച്ചായിരുന്നു.

Also Read: സായിച്ചൻ, ഒരു പൂർത്തിയാകാത്ത ചിത്രം; അച്ഛനൊപ്പമുള്ള ചിത്രവുമായി വൈഷ്ണവി

തനൂജ്, അനു സിംഗ് ചൗധരി, അപൂർവ ബക്ഷി, മൈക്കൽ ഹോഗൻ, മായങ്ക് തിവാരി, ശുഭ്ര സ്വരൂപ് എന്നിവർ ചേർന്ന് എഴുതിയ ഈ സീരീസ് നിർമ്മിക്കുന്നത് ഗോൾഡൻ കാരവൻ, എസ് കെ ഗ്ലോബൽ എൻ്റർടെയ്ൻമെൻ്റ് എന്നിവർ ചേർന്നാണ്. ഷെഫാലി ഷാ, രസിക ദുഗൽ, രാജേഷ് തൈലാംഗ്, ഹുമ ഖുറേഷി, സയാനി ഗുപ്ത, മിത വസിഷ്ത്, ജയ ഭട്ടാചാര്യ തുടങ്ങിയ പ്രമുഖ താരങ്ങൾ ഷോയിൽ അഭിനയിക്കുന്നു.

Also Read: ദൈവ മുതൽ മോഷ്ടിക്കുമ്പോൾ ഒരു ദൈവവും ശിക്ഷിക്കാൻ പോവുന്നില്ലെന്ന് അവർക്കറിയാം: മീനാക്ഷി

View this post on Instagram

A post shared by Netflix india (@netflix_in)

നവംബർ 13ന് ഡൽഹി ക്രൈം സീസൺ 3 നെറ്റ്ഫ്ളിക്സിൽ സ്ട്രീമിംഗ് ആരംഭിക്കും. 

Also Read: എനിക്ക് ബിഗ് ബോസ് തന്നത്; പ്രതിഫലം തുറന്ന് പറഞ്ഞ് റോബിൻ: Bigg Boss