ലിയോ വീണു, ഇനി കൂലി വാഴും; റെക്കോർഡ് തിരുത്തി രജനീകാന്ത് ചിത്രം

Coolie Box Office Collection: ലോകേഷ് കനകരാജിന്റെ സംവിധാനത്തിലൊരുങ്ങിയ ബിഗ് ബജറ്റ് ചിത്രമാണ് സൂപ്പർസ്റ്റാർ രജനീകാന്ത് പ്രധാനവേഷത്തിലെത്തിയ 'കൂലി.' ആരാധകർ ആവേശത്തോടെ കാത്തിരുന്ന ചിത്രം വ്യാഴാഴ്ചയാണ് ലോകമെമ്പാടുമുള്ള തിയേറ്ററുകളിലെത്തിയത്. തമിഴ് സിനിമയുടെ ഇതുവരെയുള്ള ഓപ്പണിങ് റെക്കോർഡുകൾ തിരുത്തിക്കുറിച്ചുകൊണ്ടാണ് കൂലിയുടെ വരവ്.

തമിഴ് സിനിമ ചരിത്രത്തിൽ ഏറ്റവും കൂടുതൽ ആഗോള ബോക്സ് ഓഫീസ് കളക്ഷൻ നേടുന്ന ചിത്രമായി മാറിയിരിക്കുകയാണ് കൂലി. നിർമ്മാതാക്കൾ തന്നെയാണ് ഇക്കാര്യം ആരാധകരുമായി പങ്കുവച്ചത്. 151 കോടി രൂപയാണ് ചിത്രത്തിന്റെ ആദ്യദിന വേൾഡ് വൈഡ് ബോക്സ് ഓഫീസ് കളക്ഷൻ.

Also Read: കൂലി കൊളുത്തിയോ? അതോ പാളിയോ?

View this post on Instagram

A post shared by Sun Pictures (@sunpictures)

വിജയ് നായകനായ ലോകേഷ് കനകരാജ് ചിത്രം 'ലിയോ'യുടെ ആദ്യ ദിന കളക്ഷൻ റെക്കോർഡാണ് ഇതോടെ കൂലി സ്വന്തം പേരിലാക്കിയത്. 148 കോടി രൂപയായിരുന്നു ലിയോയുടെ ഓപ്പണിങ് കളക്ഷൻ. അതേസമയം, കൂലി 76 കോടി ഗ്രോസ് കളക്ഷൻ ആദ്യ ദിനം നേടിയതായി ഇൻഡസ്ട്രി ട്രാക്കറായാ സാക്നിൽക്ക് റിപ്പോർട്ടു ചെയ്തു. സാക്നിൽക്ക് അനുസരിച്ച് 75 കോടി രൂപ ചിത്രം വിദേശ കളക്ഷനായും നേടിയിട്ടുണ്ട്. 65 കോടിയാണ് ചിത്രത്തിന്റെ ഇന്ത്യയിലെ നെറ്റ് കളക്ഷൻ.

Also Read:  അല്ലെങ്കിലും സൂര്യക്ക് ഒരു ആവശ്യം വന്നാൽ ദേവ കൂടെയുണ്ടാകും; രജനീകാന്തിന് ആശംസയുമായി മമ്മൂട്ടി

രജനീകാന്തിനൊപ്പം ആമിർ ഖാൻ, നാഗാർജുന, സൗബിൻ ഷാഹിർ, ശ്രുതി ഹാസൻ, സത്യരാജ് എന്നിങ്ങനെ വലിയൊരു താരനിര തന്നെ കൂലിയിൽ അണിനിരക്കുന്നുണ്ട്. അതേസമയം, സമ്മിശ്ര അഭിപ്രായമാണ് ചിത്രത്തിനു ലഭിക്കുന്നത്. ക്ലൈമാക്സ് അടക്കമുള്ള രംഗങ്ങൾ നിരാശപ്പെടുത്തിയെന്നാണ് സോഷ്യൽ മീഡിയയിൽ പ്രേക്ഷകർ പറയുന്നത്. 

Read More: ചരിത്രവും ആണുങ്ങളും വഴി മാറട്ടെ, 'അമ്മ'യെ ഇനി ശ്വേതയും കുക്കുവും നയിക്കും