Bougainvillea OTT: ബൊഗെയ്ൻവില്ല ഒടിടിയിൽ എവിടെ കാണാം? ആരാണ് സ്ട്രീമിംഗ് പാർട്ണർ?

Bougainvillea OTT Release Date & Platform: ജ്യോതിർമയി, ഫഹദ് ഫാസിൽ, കുഞ്ചാക്കോ ബോബൻ എന്നിവർ പ്രധാന കഥാപാത്രങ്ങളാവുന്ന അമൽ നീരദ് ചിത്രം 'ബൊഗെയ്ൻവില്ല'  എപ്പോൾ ഒടിടിയിൽ എത്തുമെന്ന് അറിയാനാണ് ഒടിടി പ്രേമികൾ കാത്തിരിക്കുന്നത്. 

ലാജോ ജോസിൻ്റെ 'റൂത്തിന്റെ ലോകം' എന്ന നോവലിൽ നിന്ന് പ്രചോദനം ഉൾകൊണ്ടാണ് ഈ ചിത്രം ഒരുക്കിയത്.  ലാജോ ജോസിനൊപ്പം അമൽ നീരദും തിരക്കഥയെഴുത്തിൽ പങ്കാളിയായ ചിത്രം നിർമ്മിച്ചത് അമൽ നീരദ് പ്രൊഡക്ഷൻസും ഉദയാ പിക്‌ചേഴ്‌സും സംയുക്തമായാണ്.  സുഷിൻ ശ്യാം ആണ് സംഗീതം. 

പതിനൊന്നു വർഷങ്ങൾക്കു ശേഷം ബോഗെയ്ൻവില്ലയിലൂടെ ജ്യോതിർമയി അഭിനയരംഗത്തേക്ക് തിരിച്ചെത്തി. 2024 ഒക്ടോബർ 17നാണ് ചിത്രം തിയേറ്ററുകളിലെത്തിയത്. 

Bougainvillea's Plot:  ബൊഗെയ്ൻവില്ലയുടെ പ്രമേയം 

ഒരു അപകടത്തെ തുടർന്ന് റീത്തുവിന്റെ ഓർമകൾ ഏറെക്കുറെ നഷ്ടപ്പെട്ട അവസ്ഥയിലാണ്. ഡോ. റോയ്സ് ആണ് റീത്തുവിനു കരുത്തായി കൂടെയുള്ളത്. ഒരു പെൺകുട്ടിയുടെ തിരോധാനത്തെ കുറിച്ചുള്ള അന്വേഷണവുമായി ബന്ധപ്പെട്ട് എസിപി ഡേവിഡ് കോശി സ്ഥലത്തെത്തുന്നതോടെ റീത്തുവിന്റെ ജീവിതം പ്രശ്നങ്ങൾ നിറഞ്ഞതാവുന്നു. ആ പെൺകുട്ടിയെ അവസാനമായി കണ്ട ആൾ റീത്തുവാണ്. അതിനാൽ തന്നെ, പലകുറി ഡേവിഡ് കോശിയാൽ റീത്തു ചോദ്യം ചെയ്യപ്പെടുന്നു. ഷറഫുദ്ദീൻ, വീണ നന്ദകുമാർ, സ്രിന്റ, ജിനു ജോസഫ്, നിഷ്താർ സെയ്ത്, ഷോബി തിലകൻ, വിജിലേഷ് കാരയാട്, ആതിര പട്ടേൽ, വർഷ രമേഷ്, ഗീതി സംഗീത, നവീന വി എം, രോഹിനി രാഹുൽ എന്നിവരാണ് ചിത്രത്തിലെ മറ്റു പ്രധാന അഭിനേതാക്കൾ.

Where to watch, Bougainvillea OTT: ബൊഗെയ്ൻവില്ല ഒടിടി അവകാശം ആർക്ക്?

സോണി ലിവിലൂടെയാണ് ബൊഗെയ്ൻവില്ല ഒടിടിയിൽ എത്തുന്നത്. ഡിസംബർ 13 മുതൽ ചിത്രം സ്ട്രീമിങ് ആരംഭിക്കുമെന്നാണ് അണിയറ പ്രവർത്തകർ നൽകുന്ന വിവരം. 

Read More:

• Bougainvillea Movie: ബൊഗെയ്ന്‍വില്ല, ജ്യോതിര്‍മയിയുടെ ലോകം
• Bougainvillea Movie Film Review Rating: ജ്യോതിർമയിയുടെ ഗംഭീര തിരിച്ചുവരവ്, ത്രില്ലടിപ്പിക്കും 'ബൊഗെയ്ൻവില്ല'; റിവ്യൂ
• Bougainvillea Movie: സാൾട്ട് ആൻഡ് പെപ്പർ ലുക്ക് ട്രെൻഡിങ്ങാക്കി ജ്യോതിർമയി
• Her OTT: ഹെർ ഒടിടിയിലേക്ക്
• New OTT Release: ഈ ആഴ്ച ഒടിടിയിൽ എത്തിയ മലയാള ചിത്രങ്ങൾ