Bandra OTT: കാത്തിരിപ്പുകൾക്ക് അവസാനം; ദിലീപിന്റെ ബാന്ദ്ര ഒടിടിയിലേക്ക്

Bandra OTT Release Date and Platform: ദിലീപും തെന്നിന്ത്യയുടെ ഗ്ലാമർ നായിക തമന്നയും ഒന്നിച്ച ബിഗ്ബജറ്റ് ചിത്രമാണ് 'ബാന്ദ്ര.' ആക്ഷൻ ജോണറിൽ ഒരുക്കിയ ചിത്രം 2023 നവംബറിലാണ് തിയേറ്ററിലെത്തിയത്. നിരവധി പ്രേക്ഷകരാണ് ചിത്രം ഒടിടിയിൽ കാണാൻ കാത്തിരിക്കുന്നത്. ഇപ്പോഴിതാ ഏറെക്കാലത്തിനു ശേഷം ചിത്രം ഒടിടിയിൽ പ്രദർശനത്തിന് ഒരുങ്ങുന്നതായാണെന്ന റിപ്പോർട്ടുകളാണ് പുറത്തുവരുന്നത്.
 
മലയാളത്തിനു പുറമെ തമിഴ് ഹിന്ദി ഭാഷകളിൽ നിന്നും വൻ താരനിരയാണ് ബാന്ദ്രയിൽ അണിനിരന്നത്. 'രാമലീല'യ്ക്ക് ശേഷം ദിലീപിനെ നായകനാക്കി അരുൺ ഗോപി സംവിധാനം ചെയ്യുന്ന ചിത്രമാണ് ബാന്ദ്ര. അജിത് വിനായക ഫിലിംസിന്റെ ബാനറിൽ വിനായക അജിത് നിർമിക്കുന്ന ചിത്രത്തിനായി ഉദയകൃഷ്ണയാണ്  തിരക്കഥ ഒരുക്കിയത്.

Also Read: "അച്ഛനും മോനും കൂടെ തിയേറ്റർ കത്തിക്കാൻ തീരുമാനിച്ചല്ലേ;" മോഹൻലാലിന്റെ ചിത്രത്തിൽ കമന്റുമായി ആരാധകർ 

'അലന്‍ അലക്‌സാണ്ടര്‍ ഡൊമിനിക്' എന്ന കഥാപാത്രത്തെയാണ് ചിത്രത്തിൽ ദിലീപ് അവതരിപ്പിച്ചത്. ദിലീപിന്‍റെ കരിയറിലെ 147-ാമത് ചിത്രമാണ് 'ബാന്ദ്ര'. തമിഴ് നടൻ ശരത് കുമാറും ബോളിവുഡ് നടൻ ദിനോ മോറിയയും ചിത്രത്തിലുണ്ട്. സിദ്ദിഖ്, കലാഭവൻ ഷാജോണ്, ഗണേഷ് കുമാർ തുടങ്ങി വമ്പൻ താരനിരയാണ് ചിത്രത്തിൽ ഒരുങ്ങുന്നത്. ഷാജി കുമാറാണ് ഛായാഗ്രഹണം. സംഗീതം - സാം സി എസ്, എഡിറ്റിംഗ് - വിവേക് ഹര്‍ഷന്‍.

Also Read: 'അവള്‍ ഇപ്പോഴും ആ തമാശക്കാരി പൊടി തന്നെ'; ഉർവശിയെ ചുംബിക്കുന്ന ചിത്രവുമായി ശോഭന

Bandra OTT: ബാന്ദ്ര ഒടിടി

ആമസോൺ പ്രൈം വീഡിയോയിലൂടെ ബാന്ദ്ര ഒടിടിയിൽ എത്തുമെന്നാണ് റിപ്പോർട്ട്. ഒക്ടോബർ അവസാനമോ, നവംബർ ആദ്യവാരമോ ചിത്രം സ്ട്രീമിങ് ആരംഭിക്കുമെന്നാണ് സൂചന. അതേസമയം ഇക്കാര്യത്തിൽ ഔദ്യോഗിക സ്ഥിരീകരണം ലഭ്യമാകാനുണ്ട്.

Read More: വിഷാദം മറികടക്കാനാണ് ഞാൻ അഭിനയിക്കുന്നത്:  ഷാരൂഖ് ഖാന്‍