കേക്കിലാണ് കുഞ്ഞു റാഹയുടെ നോട്ടം; മകളുടെ ജന്മദിനാഘോഷ ചിത്രങ്ങളുമായി ആലിയ ഭട്ട്

മകൾ റാഹയുടെ ഒന്നാം ജന്മദിനം ആഘോഷമാക്കി ബോളിവുഡ് താരദമ്പതികളായ ആലിയ ഭട്ടും രൺബീർ കപൂറും. കേക്ക് സ്മാഷ് ചെയ്യുന്ന റാഹയുടെ കുഞ്ഞി കൈകളുടെ ചിത്രവും കൂട്ടത്തിലുണ്ട്. രണ്ടാമത്തെ ചിത്രത്തിൽ ആലിയയുടേയും രൺബീറിന്റേയും കൈകൾക്കുള്ളിൽ പൂക്കൾക്കൊപ്പം റാഹയുടെ കുഞ്ഞി കൈകളും കാണാം. 
 
മധുരമായ ഒരു സന്ദേശമാണ് ചിത്രത്തിന് ക്യാപ്ഷനായി ആലിയ ഭട്ട് നൽകിയിരിക്കുന്നത്. പോസ്റ്റിൽ ഒന്നിൽ മകൾക്ക് വേണ്ടി ല വി എൻ റോസ് എന്ന ഗാനം പ്ലേ ചെയ്യുന്ന ഇരുവരുടേയും വീഡിയോ കാണാം. "ഞങ്ങളുടെ സന്തോഷം, ജീവിതം... ഞങ്ങളുടെ വെളിച്ചമേ .... എന്റെ വയറ്റിൽ ചവിട്ടുന്ന നിനക്ക് വേണ്ടി ഈ പാട്ട് പ്ലേ ചെയ്ത് നൽകിയത് ഇന്നലെ കഴിഞ്ഞ പോലെയാണ് എനിയ്ക്ക് തോന്നുന്നത്.  നിന്നെ ഞങ്ങൾക്ക് ലഭിച്ചത് ഞങ്ങളുടെ ജീവിതത്തിലെ അനുഗ്രഹമായി കരുതുന്നു. ഏറ്റവും സ്വാദിഷ്ടമായ ഒരു കേക്കിന്റെ കഷ്ണമായി ഞങ്ങളുടെ ഓരോ ദിനവും നീ മാറ്റുന്നു. കുട്ടി ടൈഗറിന് ജന്മദിനാശംസകൾ, ഞങ്ങളേക്കാൾ കൂടുതലായി ഞങ്ങൾ നിന്നെ സ്നേഹിക്കുന്നു."

View this post on Instagram

A post shared by Alia Bhatt 💛 (@aliaabhatt)

ഹൃത്വിക് റോഷൻ, ബിപാഷ ബസു,അദിതി റാവു,  ദിഷ പർമാർ , ദിയ മിർസ, ഹുസൈൻ ദലാൽ എന്നിങ്ങനെ നിരവധി താരങ്ങളാണ് റാഹയ്ക്ക് ജന്മദിനാശംസകളുമായി എത്തിയിരിക്കുന്നത് . ആലിയയുടെ അമ്മ സോണിയും രൺബീറിന്റെ അമ്മ നീതുവും സാമൂഹ്യമാധ്യത്തിലൂടെ കൊച്ചു മകൾക്ക് ആശംസകളുമായി എത്തിയിട്ടുണ്ട്  
  
ആലിയയും രൺബീറും മകളുടെ മുഖം ഇതു വരെ വെളിപ്പെടുത്തിയിട്ടില്ല. ഞങ്ങളതിന് റെഡിയാവും വരെ മകളുടെ ചിത്രം പകർത്തരുതെന്ന് മകളുടെ ജന്മ സമയത്ത് തന്നെ ഇരുവരും പാപ്പരാസികളോട് ആവശ്യപ്പെട്ടിരുന്നു.   

ഹിന്ദുസ്ഥാൻ ടൈംസിന്റെ ലീഡർഷിപ്പ് സബ്മിറ്റിൽ പങ്കെടുത്ത് സംസാരിക്കവെ മകളുടെ മുഖം വെളിപ്പെടുത്താത്തതിന്റെ കാരണത്തെ പറ്റി ആലിയ സംസാരിച്ചു. ഞാൻ അവളെ ഓർത്ത് അഭിമാനിയ്ക്കുന്നു. ഞങ്ങൾ അവളെ കുറിച്ച് അഭിമാനിക്കുന്നു. ഞങ്ങൾ മകളുടെ മുഖം കാണിക്കാത്തതിനു പ്രധാന കാരണം, ഞങ്ങൾ ന്യൂ പാരന്റ്സ് ആണ്. ഇൻസ്റ്റഗ്രാമിൽ മകളുടെ ചിത്രം നിറയുന്നത് ഞങ്ങൾക്ക് എങ്ങനെ അനുഭവപ്പെടുമെന്ന് അറിയില്ല. കഷ്ടി ഒരു വയസ് മാത്രമാണ് അവളുടെ പ്രായം. അവളെ മറ്റുള്ളവർ ആഘോഷിക്കേണ്ടതിന്റെ ആവശ്യമുണ്ടെന്ന് ഞങ്ങൾക്ക് തോന്നുന്നില്ല, അവളിപ്പോഴും വളരെ ചെറുതാണ്." 

Check out More Entertainment Stories Here 

• ലോകേഷും നെൽസനുമൊക്കെ പിൻഗാമികൾ മാത്രം; തമിഴകത്തെ വയലൻസ് പോസ്റ്റർ ബോയ് പട്ടം എക്കാലവും ഉലകനായകനു സ്വന്തം
• എങ്ങനെ സിനിമയ്ക്കു പേരിട്ടിരുന്ന ആളാ...; 'തഗ്ഗ് ലൈഫിനെ'ച്ചൊല്ലി ആരാധകര്‍ക്കിടയില്‍ അഭിപ്രായ ഭിന്നത
• പ്രണയിനിയ്ക്ക് ഒപ്പം വേദിയിലെത്തി ഷൈൻ; ചിത്രങ്ങൾ വൈറൽ
• ഇനി ആഘോഷങ്ങളുടെ പൂക്കാലം; പ്രീ വെഡ്ഡിംഗ് ചിത്രങ്ങളുമായി ആമിർ ഖാന്റെ മകൾ ഇറ ഖാൻ