4 കോടിയുടെ പോർഷെ സ്വന്തമാക്കി അജിത്, സന്തോഷത്തിൽ ശാലിനി

അജിത്തുമായുള്ള വിവാഹത്തോടെ അഭിനയ ജീവിതത്തിനോട് വിട പറഞ്ഞെങ്കിലും നടി ശാലിനി മലയാളികൾക്ക് ഇന്നും പ്രിയങ്കരിയാണ്. സോഷ്യൽ മീഡിയയിൽ താരം വളരെ ആക്ടീവാണ്. ജീവിതത്തിലെ സന്തോഷ നിമിഷങ്ങൾ താരം ആരാധകരുമായി പങ്കിടാറുണ്ട്. അജിത്തിന്റെ പുതിയൊരു ചിത്രം ഷെയർ ചെയ്തിരിക്കുകയാണ് ശാലിനി. 

View this post on Instagram

A post shared by Shalini Ajith Kumar (@shaliniajithkumar2022)

അജിത് പുതിയ പോർഷെ വാങ്ങിയ സന്തോഷമാണ് ശാലിനി പങ്കിട്ടത്. 4 കോടി രൂപ വിലമതിക്കുന്ന പുതിയ പോർഷെ GT3 ആണ് അജിത് വാങ്ങിയത്. കാറിനകത്ത് എഴുന്നേറ്റു നിൽക്കുന്ന അജിത്തിന്റെ ചിത്രം പോർഷെ ഷോ​ റൂമിൽ വച്ചാണ് പകർത്തിയിരിക്കുന്നത്. ബൈക്കുകളോടും കാറുകളോടുമുള്ള അജിത്തിന്റെ പ്രിയം ആരാധകർക്ക് പുതുമയുള്ളതല്ല. നിരവധി ആരാധകരാണ് താരത്തിന്റെ സന്തോഷത്തിൽ പങ്കുചേർന്നിരിക്കുന്നത്. 

അടുത്തിടെ, ശാലിനി ഇൻസ്റ്റഗ്രാമിൽ പങ്കുവച്ച മറ്റൊരു ചിത്രം ആരാധകരിൽ ആശങ്ക സൃഷ്ടിച്ചിരുന്നു. ആശുപത്രിയിൽ നിന്നുള്ള ചിത്രമായിരുന്നു ഇത്. ശാലിനിക്കരുകിൽ കൈപിടിച്ച്​ നിൽക്കുന്ന അജിത്തും ചിത്രത്തിലുണ്ടായിരുന്നു. ശാലിനി ശസ്ത്രക്രിയക്ക് വിധേയയായെന്ന് പിന്നീട് റിപ്പോർട്ടുകൾ പുറത്തു വരികയും ചെയ്തിരുന്നു. ചെന്നൈയിലെ ആശുപത്രിയിലായിരുന്നു ശസ്ത്രക്രിയ.

അജിത്തുമായുള്ള വിവാഹത്തിനു ശേഷം 2000-ൽ ആണ് ശാലിനി അഭിനയം അവസാനിപ്പിക്കുന്നത്. അനൗഷ്കയും ആദ്‌വികുമാണ് മക്കൾ.  80-ലധികം മലയാളം, തമിഴ്, തെലുങ്ക് ചിത്രങ്ങളിൽ ശാലിനി അഭിനയിച്ചിട്ടുണ്ട്. മണിരത്നം സംവിധാനം ചെയ്ത അലൈപ്പായുതേ എന്ന ചിത്രത്തിൽ മാധവനോടൊപ്പം നായികാ വേഷമാണ് തെന്നിന്ത്യയിൽ ശ്രദ്ധനേടിക്കൊടുത്തത്.

മഗിഴ് തിരുമേനി സംവിധാനം ചെയ്യുന്ന വിട മുയാർച്ചിയാണ് അജിത്തിന്റെ റിലീസിനൊരുങ്ങുന്ന പുതിയ ചിത്രം. സിനിമയുടെ റിലീസ് തീയതി ഇതുവരെ ഔദ്യോഗികമായി പ്രഖ്യാപിച്ചിട്ടില്ല. 

Read More

• ജീവിതത്തിലെ ഏറ്റവും വലിയ ശരിക്ക് ഇന്ന് 28 വയസ്; കുറിപ്പ് പങ്കുവച്ച് സലിം കുമാർ
• ബോക്സ് ഓഫീസ് കത്തിച്ച് 'അജയന്റെ രണ്ടാം മോഷണം'; ആദ്യദിനം പിന്നിലാക്കിയത് വമ്പന്മാരെ; ഇതുവരെ നേടിയത്
• ഗോവിന്ദയുടെ കടുത്ത ആരാധിക, മന്ത്രിയുടെ മകൾ, വീട്ടുജോലിക്കാരിയായി അഭിനയിച്ച് 20 ദിവസത്തോളം താമസിച്ചു; വെളിപ്പെടുത്തി ഭാര്യ
• അവസാന വിജയ് ചിത്രം; 'ദളപതി 69' അപ്ഡേറ്റ് വീഡിയോ പുറത്ത്