യാത്രകളിൽ ഇനി പുതിയ കൂട്ട്; പിറന്നാൾ ദിനത്തിൽ ബിഎംഡബ്ലു സ്വന്തമാക്കി അഹാന

നടിയും സോഷ്യൽ മീഡിയ താരവുമായ അഹാന കൃഷ്ണയുടെ ജന്മദിനമായിരുന്നു ഇന്ന്. കുടുംബാംഗങ്ങളും സുഹൃത്തുക്കളും അടക്കം നിരവധി പേർ അഹാനയ്ക്ക് ആശംസ നേർന്നിരുന്നു. ഇപ്പോഴിതാ, ജന്മദിനത്തിൽ പുത്തൻ വാഹനം സ്വന്തമാക്കിയിരിക്കുകയാണ് അഹാന. സോഷ്യൽ മീഡിയയിലൂടെ അഹാന തന്നെയാണ് ഇക്കാര്യം ആരാധകരുമായി പങ്കുവച്ചത്.

ജർമൻ ആഢംബര വാഹന നിർമാതാക്കളായ ബിഎംഡബ്ല്യുവിന്റെ ലക്ഷ്വറി എസ്‌യുവി എക്സ് 5 ആണ് അഹാന സ്വന്തമാക്കിയത്. കറുപ്പ് നിറത്തിലുള്ള വാഹനമാണ് നടി ഗരാജിലെത്തിച്ചത്. കുടുംബത്തോടൊപ്പമാണ് വാഹനം ഡെലിവറി എടുക്കാൻ അഹാന ഷോറൂമിൽ എത്തിയത്. 

Also Read: എല്ലാ അമ്മമാർക്കും ജീവിതത്തിൽ ഒരു അമ്മു ഉണ്ടായിരുന്നെങ്കിൽ; അഹാനയ്ക്ക് ജന്മദിനാശംസകളുമായി സിന്ധു കൃഷ്ണ

View this post on Instagram

A post shared by Ahaana Krishna (@ahaana_krishna)

വാഹനത്തിനൊപ്പമുള്ള ചിത്രങ്ങൾ അഹാന സോഷ്യൽ മീഡിയയിൽ പങ്കുവച്ചിട്ടുണ്ട്.

Also Read: പ്രിയപ്പെട്ട മനുഷ്യത്തി; അഹാനയ്ക്ക് ആശംസകളുമായി നിമിഷ്

സോഷ്യൽ മീഡിയയിൽ ഏറെ സജീവമായ അഹാന, യൂട്യൂബ് ചാനലും ഇൻസ്റ്റഗ്രാം റീലുകളുമൊക്കെയായി എപ്പോഴും സൈബറിടത്ത് നിറഞ്ഞുനിൽക്കുന്നയാളാണ്. അഹാനയുടെ 30-ാം ജന്മദിനമായിരുന്നു ഇന്ന്. നടൻ കൃഷ്ണകുമാറിന്റെയും സിന്ദുവിന്റെയും നാലു മക്കളിൽ മുത്തയാളാണ് അഹാന. സഹോദരിമാരായ ദിയയും ഹൻസികയും ഇഷാനിയുമെല്ലാം സോഷ്യൽ മീഡിയയിൽ പ്രശസ്തരാണ്.

Read More: നീയില്ലാതെ ഇതൊരിക്കലും സംഭവിക്കില്ലായിരുന്നു നിം; നിമിഷിനെ പ്രശംസിച്ച് അഹാന കൃഷ്ണ