കണ്ടുകൊതിതീരും മുൻപെ സിനിമ വിട്ടവൾ, എന്നെന്നും പ്രിയങ്കരി; കാർത്തികയുടെ വീഡിയോ വൈറൽ

മലയാളികളുടെ എക്കാലത്തെയും ഇഷ്ട നായികയാണ് കാർത്തിക. വിവാഹത്തോടെ അഭിനയത്തിൽനിന്നും വിട്ടുനിന്ന കാർത്തിക പിന്നെ തിരിച്ചു വന്നിട്ടില്ല. കണ്ടു കൊതി തീരും മുൻപ് സിനിമ വിട്ടുപോയ താരമാണ് മലയാളി പ്രേക്ഷകരെ സംബന്ധിച്ച് കാർത്തിക. അതിനാൽ തന്നെ കാർത്തികയുടെ ഓരോ പബ്ലിക് അപ്പിയറൻസും സോഷ്യൽ മീഡിയയ്ക്ക് ആഘോഷമാണ്.

Also Read: ലോകയുടെ വിജയം ആഘോഷിച്ച് അമൂൽ; എനിക്കിപ്പോൾ സന്തോഷത്തോടെ മരിക്കാമെന്ന് ശാന്തി

ഇപ്പോഴിതാ, ഒരു കല്യാണചടങ്ങിനെത്തിയ കാർത്തികയുടെ വീഡിയോ ആണ് സമൂഹമാധ്യമങ്ങളുടെ ശ്രദ്ധ കവരുന്നത്. കാർത്തികയ്ക്ക് ഒപ്പം ചിത്രമെടുക്കുന്ന ഒരു ആരാധകനെയും വീഡിയോയിൽ കാണാം.

Also Read: മുണ്ടുടുത്ത് സ്റ്റൈലിഷ് ലുക്കിൽ അനുശ്രീ; സാരി മാത്രമല്ല ഇവിടെ ഇതും പോകുമെന്ന് ആരാധകർ

എൺപതുകളിലെ ഹിറ്റ് നായികയായിരുന്നു കാർത്തിക. തിരുവന്തപുരം സ്വദേശിയായ കാർത്തിക, 1979ൽ പുറത്തിറങ്ങിയ പ്രഭാത സന്ധ്യ എന്ന സിനിമയിൽ ശ്രീവിദ്യയുടെ ചെറുപ്പകാലം അഭിനയിച്ചുകൊണ്ടാണ് ചലച്ചിത്ര മേഖലയിലേക്ക് ചുവടുവയ്ക്കുന്നത്. പിന്നീട് പത്മരാജൻ സംവിധാനം ചെയ്ത ദേശാടനക്കിളി കരയാറില്ല എന്ന ചിത്രത്തിൽ മോഹൻലാലിന്റെ നായികയായി അഭിനയിച്ചു. അക്കാലത്തെ ഹിറ്റ് ജോഡികളായിരുന്നു മോഹൻലാൽ-കാർത്തിക.  മോഹൻലാലിനൊപ്പം നിരവധി ചിത്രങ്ങളിൽ കാർത്തിക  അഭിനയിച്ചു. ഈ ചിത്രങ്ങളെല്ലാം ഹിറ്റായിരുന്നു.

Also Read: നിരന്തരം വിവാഹാഭ്യർത്ഥന നടത്തി 17കാരൻ; മറുപടി നൽകി അവന്തിക

1985- 90 കാലത്തെ മലയാളത്തിലെ മുൻ നിരനായികമാരിലൊരാളായി കാർത്തിക മാറുകയായിരുന്നു.  'കരിയിലക്കാറ്റ് പോലെ', 'സന്മനസ്സുള്ളവര്‍ക്ക് സമാധാനം', 'ഗാന്ധി നഗര്‍ സെക്കന്‍ഡ് സ്ട്രീറ്റ്', 'നീയെത്ര ധന്യ', 'ജനുവരി ഒരു ഓര്‍മ്മ', 'ഉണ്ണികളേ ഒരു കഥ പറയാം', 'ഇടനാഴിയില്‍ ഒരു കാലൊച്ച', 'താളവട്ടം' തുടങ്ങി ഇരുപതോളം സിനിമകളിൽ അഭിനയിച്ചു. ഡോക്ടർ സുനിലാണ് ഭർത്താവ്. വിവാഹത്തോടെ അഭിനയത്തോട് കാർത്തിക വിട പറഞ്ഞു. 

Also Read: മോഹൻലാലിന്റെ അമ്മയായും ഭാര്യയായും കാമുകിയായും അഭിനയിച്ച നടി