ലോകയുടെ വിജയം ആഘോഷിച്ച് അമൂൽ; എനിക്കിപ്പോൾ സന്തോഷത്തോടെ മരിക്കാമെന്ന് ശാന്തി

ഓണം റിലീസായി തിയേറ്ററുകളിൽ എത്തിയ ലോക ചാപ്റ്റർ 1: ചന്ദ്ര വൻഹിറ്റായി മാറിയിരിക്കുകയാണ്. റിലീസ് കഴിഞ്ഞ് വെറും എട്ട് ദിവസത്തിനുള്ളിൽ തന്നെ ചിത്രം ആഗോള തലത്തിൽ 101 കോടിയിലേറെ കളക്ഷൻ നേടി.  മലയാളത്തിനു പുറമെ, തെലുങ്ക്, തമിഴ്, ഹിന്ദി ഭാഷകളിലും ചിത്രം റിലീസ് ചെയ്തിരിക്കുകയാണ്.

Also Read:  ലോകയുടെ ലാഭവിഹിതം ടീമുമായി പങ്കുവയ്ക്കും: ദുൽഖർ സൽമാൻ

ചിത്രത്തിന്റെ വിജയം ആഘോഷിക്കുകയാണ് അമൂൽ. കാലികമായ വിഷയങ്ങളുമായി ബന്ധപ്പെട്ട് ഇടയ്ക്ക് പരസ്യങ്ങൾ ചെയ്യാറുള്ള അമൂൽ ഇത്തവണയും പതിവു തെറ്റിച്ചില്ല. 

Also Read:  ഇന്ത്യയുടെ ആദ്യ ഫീമെയിൽ സൂപ്പർഹീറോ; ലോകയെ പ്രശംസിച്ച് പ്രിയങ്ക ചോപ്ര

View this post on Instagram

A post shared by Amul - The Taste of india (@amul_india)

"എനിക്ക് ഇപ്പോൾ സന്തോഷത്തോടെ മരിക്കാൻ കഴിയുമെന്ന് ഞാൻ കരുതുന്നു," എന്നാണ് ലോകയുടെ തിരക്കഥാകൃത്തായ ശാന്തി കുറിച്ചത്.

Also Read: നിരന്തരം വിവാഹാഭ്യർത്ഥന നടത്തി 17കാരൻ; മറുപടി നൽകി അവന്തിക

View this post on Instagram

A post shared by Santhy (शांति) ✨ (@santhybee)

അതേസമയം, ലോകയുടെ ലാഭവിഹിതം ചിത്രത്തിന്റെ അണിയറപ്രവർത്തകരുമായി പങ്കുവയ്ക്കുമെന്ന് ചെന്നൈയിൽ നടന്ന ലോകയുടെ സക്സസ് മീറ്റിനിടെ ചിത്രത്തിന്റെ നിർമാതാവായ ദുൽഖർ സൽമാൻ   പ്രഖ്യാപിച്ചിരുന്നു. "ലോക സിനിമ അഞ്ച് ഭാഗങ്ങളായാണ് പദ്ധതിയിട്ടിരിക്കുന്നത്. അതിനിയും വലുതാകുമോ എന്ന് അറിയില്ല. അത്രയും സാധ്യതകളുള്ള ഒരു കഥയാണ്. സിനിമയുടെ ലാഭം വരുമ്പോൾ തീർച്ചയായും അത് ഞങ്ങളുടെ ടീമിനൊത്ത് പങ്കുവയ്ക്കും. അവരാണ് അത് അർഹിക്കുന്നത്. സിനിമയ്ക്ക് ഇത്രവലിയ സ്വീകര്യത ലഭിക്കുമെന്ന് ആരും കരുതിയിരുന്നില്ല. ഞാൻ എത്രയോ സിനിമകളിൽ അഭിനയിച്ചിട്ടുണ്ട്. അതിനെക്കാളൊക്കെ മുകളിൽ സ്നേഹവും അഭിനന്ദങ്ങളും ലഭിക്കുന്നുണ്ട്. അടുത്ത സിനിമകൾ പ്രേക്ഷകരുടെ പ്രതീക്ഷയ്ക്കൊത്ത് ഉയർത്തണം എന്ന ഉത്തരവാദിത്വവും ഇപ്പോൾ വന്നിട്ടുണ്ട്," ദുൽഖറിന്റെ വാക്കുകളിങ്ങനെ. 

കല്യാണി നായികയായി എത്തിയ ലോക ആദ്യം ഇന്ത്യയിലുടനീളം വെറും 647 ഷോകളോടെയാണ് റിലീസ് ചെയ്തത്. എന്നാൽ മൗത്ത് പബ്ലിസിറ്റിയിലൂടെ ചിത്രം ശ്രദ്ധ നേടുകയും  മലയാളത്തിൽ മാത്രം 1382 ഷോകളിലേക്ക് ഉയരുകയും ചെയ്തു.  തെലുങ്കിൽ 597 ഷോകളാണ് ചിത്രത്തിനുണ്ടായത്. ഹിന്ദിയിൽ ഇതിനകം 92 ഷോകൾ  ചിത്രം പൂർത്തിയാക്കി കഴിഞ്ഞു. കല്യാണി പ്രിയദർശനോടൊപ്പം സാൻഡി, നസ്ലെൻ, അരുണ്‍ കുര്യൻ, ചന്തു സലിംകുമാർ എന്നിവരും ചിത്രത്തിൽ ശ്രദ്ധേയ കഥാപാത്രങ്ങളെ അവതരിപ്പിച്ചിട്ടുണ്ട്. 

2025-ലെ ഏറ്റവും കൂടുതൽ കളക്ഷൻ നേടിയ മലയാള ചിത്രങ്ങളിൽ മൂന്നാം സ്ഥാനത്താണ് ലോക ഇപ്പോൾ. ആദ്യ രണ്ട് സ്ഥാനങ്ങളിൽ പൃഥ്വിരാജ് സുകുമാരന്റെ എമ്പുരാൻ, മോഹൻലാലിന്റെ തുടരും എന്നിവയാണ് ഉള്ളത്.

Also Read:  മുണ്ടുടുത്ത് സ്റ്റൈലിഷ് ലുക്കിൽ അനുശ്രീ; സാരി മാത്രമല്ല ഇവിടെ ഇതും പോകുമെന്ന് ആരാധകർ