വിദേശ സർവകലാശാലകളും എഡ്‌ടെക് പ്ലാറ്റ്‌ഫോമുകളും വാഗ്ദാനം ചെയ്യുന്ന കോഴ്‌സുകൾക്കെതിരെ യുജിസി മുന്നറിയിപ്പ്

വിദേശ സർവകലാശാലകളുമായി സഹകരിച്ച് ചില സർവകലാശാലകൾ നൽകുന്ന കോഴ്‌സുകളിൽ പ്രവേശനം നേടുന്നതിനെതിരെ യൂണിവേഴ്‌സിറ്റി ഗ്രാന്റ്‌സ് കമ്മീഷൻ (യുജിസി) ഇന്ത്യൻ വിദ്യാർത്ഥികൾക്ക് മുന്നറിയിപ്പ് നൽകി.  യുജിസി അംഗീകരിക്കാത്ത സർവ്വകലാശാലകൾക്കെതിരെയാണ് മുന്നറിയിപ്പ്.

"പൊതുജനങ്ങളുടെയും ബന്ധപ്പെട്ട  മറ്റെല്ലാവരുടെയും അറിവിലേക്ക്, 1956-ലെ യുജിസി ആക്റ്റ് പ്രകാരമുള്ള (ഭേദഗതി വരുത്തിയ പ്രകാരം) അധികാരങ്ങൾ വിനിയോഗിച്ച് നോട്ടിഫൈ ചെയ്യുന്നത്. യൂണിവേഴ്സിറ്റി ഗ്രാന്റ്സ് കമ്മീഷൻ (ഇന്ത്യൻ, വിദേശ ഉന്നത വിദ്യാഭ്യാസ സ്ഥാപനങ്ങൾ തമ്മിലുള്ള അക്കാദമിക് സഹകരണം വഴി നടത്തുന്ന ട്വിന്നിംഗ് പ്രോഗ്രാം, ജോയിന്റ് ഡിഗ്രി, ഡ്യുവൽ ഡിഗ്രി പ്രോഗ്രാമുകൾ) റെഗുലേഷൻസ് 2022, യൂണിവേഴ്സിറ്റി ഗ്രാന്റ്സ് കമ്മീഷൻ (ഇന്ത്യയിലെ വിദേശ ഉന്നത വിദ്യാഭ്യാസ സ്ഥാപനങ്ങളുടെ കാമ്പസുകളുടെ സജ്ജീകരണവും പ്രവർത്തനവും ) റെഗുലേഷൻസ് 2023."

UGC Regulations mandate that No Foreign Higher Educational Institution shall offer any programme in India without the prior approval of UGC, HEls shall not offer programmes under any franchise arrangement and such programmes shall not be recognised by UGC. pic.twitter.com/Ke1njwcLuu

— Mamidala Jagadesh Kumar (@mamidala90) December 16, 2023

ഓൺലൈൻ ഡിഗ്രി, ഡിപ്ലോമ പ്രോഗ്രാമുകൾ വാഗ്ദാനം ചെയ്യുന്നതിനെതിരെ എഡ്‌ടെക് പ്ലാറ്റ്‌ഫോമുകൾക്ക് യുജിസി മുന്നറിയിപ്പ് 

“കമ്മീഷന്റെ മുൻകൂർ അനുമതിയില്ലാതെ ഒരു വിദേശ ഉന്നത വിദ്യാഭ്യാസ സ്ഥാപനവും ഇന്ത്യയിൽ ഒരു പ്രോഗ്രാമും നടത്തരുത് എന്ന് ചട്ടങ്ങൾ നിഷ്കർഷിക്കുന്നു,” യുജിസി ഔദ്യോഗിക അറിയിപ്പിൽ പറഞ്ഞു.

കൂടാതെ, ഓൺലൈൻ മോഡിൽ ഡിഗ്രി, ഡിപ്ലോമ പ്രോഗ്രാമുകൾ വാഗ്ദാനം ചെയ്യുന്നതിനെതിരെ യുജിസി എഡ്‌ടെക് പ്ലാറ്റ്‌ഫോമുകൾക്ക് മുന്നറിയിപ്പ് നൽകി. 

“ചില എഡ്‌ടെക് കമ്പനികൾ പത്രങ്ങൾ/സോഷ്യൽ മീഡിയ/ടെലിവിഷൻ മുതലായവയിൽ പരസ്യം നൽകുന്നുണ്ട്. ചില വിദേശ സർവകലാശാലകൾ/സ്ഥാപനങ്ങളുമായി ചേർന്ന് ഓൺലൈൻ മോഡുകളിൽ ബിരുദവും ഡിപ്ലോമ പ്രോഗ്രാമുകളും വാഗ്ദാനം ചെയ്യുന്നതായി യുജിസിയുടെ ശ്രദ്ധയിൽപ്പെട്ടിട്ടുണ്ട്. അത്തരമൊരു ഫ്രാഞ്ചൈസി ക്രമീകരണം അനുവദനീയമല്ല, അത്തരത്തിലുള്ള ഏതെങ്കിലും പ്രോഗ്രാമിന്/ഡിഗ്രിക്ക് യുജിസി അംഗീകാരം ഉണ്ടായിരിക്കുന്നതല്ല,” നോട്ടീസിൽ കൂട്ടിച്ചേർത്തു.

വീഴ്ച വരുത്തുന്ന എല്ലാ എഡ്‌ടെക് കമ്പനികൾക്കും ഉന്നതവിദ്യാഭ്യാസ സ്ഥാപനങ്ങൾക്കുമെതിരെ ബാധകമായ നിയമങ്ങൾ പ്രകാരം നടപടിയെടുക്കുമെന്നും യുജിസി കൂട്ടിച്ചേർത്തു.

Read Here

• പഠന വിസയ്ക്കായുള്ള അപേക്ഷകളിൽ നിലപാട് കടുപ്പിക്കാൻ ഓസ്ട്രേലിയൻ സർക്കാർ
• ഐഐടി പാലക്കാട്; വിദ്യാർത്ഥികൾക്ക് ലഭിക്കുന്ന ശരാശരി ശമ്പളം, ഓഫറുകൾ എന്നിവയിൽ വർദ്ധന
• പിജി ഒരു വർഷം, ഇഷ്ടമുള്ള വിഷയം, ഇഷ്ടമുള്ള മോഡിൽ പഠിക്കാം; യു ജി സി നിർദ്ദേശം
• NEET UG 2024: മോക്ക് ടെസ്റ്റുകൾ അഥവാ പരിശീലന പരീക്ഷകൾ പ്രധാനമാകുന്നത് എന്തു കൊണ്ട്?
• ഈ വിദ്യാർത്ഥികൾ എവിടെ പോകുന്നു? അഞ്ച് വർഷത്തിലാദ്യമായി ഐ ഐ ടി ഉപേക്ഷിച്ച് വിദ്യാർത്ഥികൾ
• കേരളത്തിലാദ്യമായി ബി എസ് സി ന്യൂക്ലിയർ മെഡിസിൻ കോഴ്സ് ആരംഭിക്കുന്നു