UGC NET Result 2024: യുജിസി നെറ്റ് ജൂൺ പരീക്ഷാഫലം എപ്പോൾ, എവിടെ അറിയാം?

UGC NET Result 2024: ന്യൂഡൽഹി: നാഷണൽ ടെസ്റ്റിങ് ഏജൻസി 2024 ലെ യുജിസി നെറ്റ് ജൂൺ പരീക്ഷാഫലം ഇന്ന് പുറത്തുവിട്ടേക്കും. പരീക്ഷാ ഫലം പ്രഖ്യാപിച്ചു കഴിഞ്ഞാൽ ഔദ്യോഗിക വെബ്സൈറ്റായ ugcnet.nta.ac.in വഴി വിദ്യാർത്ഥികൾക്ക് ഫലം പരിശോധിക്കാം. ആപ്ലിക്കേഷൻ നമ്പർ, ജനന തീയതി, സെക്യൂരിറ്റി പിൻ എന്നിവ നൽകി വിദ്യാർത്ഥികൾക്ക് പരീക്ഷാ ഫലം ഡൗൺലോഡ് ചെയ്യാം. 

പരീക്ഷയുടെ അവസാന ഉത്തര സൂചിക ശനിയാഴ്ച എൻടിഎ പുറത്തുവിട്ടിരുന്നു. ചോദ്യപേപ്പർ ചോർച്ചയെ തുടർന്ന് ജൂണിലെ പരീക്ഷ റദ്ദാക്കിയിരുന്നു. പിന്നീട് ഓഗസ്റ്റ് 21, 22, 23, 27, 28, 29, 30, സെപ്റ്റംബർ 2, 3, 4 തീയതികളിലായി 83 വിഷയങ്ങളിൽ കമ്പ്യൂട്ടർ അധിഷ്ഠിത പരീക്ഷ നടത്തി. 

യുജിസി നെറ്റ് പരീക്ഷാ ഫലം എവിടെ അറിയാം?

ugcnet.nta.ac.in, nta.ac.in, ugcnet.ntaonline.in എന്നീ വെബ്സൈറ്റുകളിലൂടെയും
DigiLocker app, UMANG app എന്നീ ആപ്പുകൾ വഴിയും പരീക്ഷാ ഫലം അറിയാം. 

ജൂനിയർ റിസർച്ച് ഫെലോഷിപ്പിനും (JRF) സർവ്വകലാശാലകളിലും കോളേജുകളിലും അസിസ്റ്റന്റ് പ്രൊഫസർ ജോലിക്കും യോഗ്യത നൽകുന്ന പരീക്ഷയാണ് യുജിസി നെറ്റ്. ജെആർഎഫ് പാസാകുന്നവർക്കു പിജിക്കു പഠിച്ച വിഷയത്തിലോ അനുബന്ധ വിഷയങ്ങളിലോ ഗവേഷണം നടത്താം. അസിസ്‌റ്റന്റ് പ്രഫസർ ജോലിക്കും ഇവർക്ക് അർഹതയുണ്ട്.

Read More

• പ്രൊഫഷണൽ ഡിപ്ലോമ കോഴ്‌സുകൾക്ക് അപേക്ഷിക്കാം
• കേരള, എംജി, കാലിക്കറ്റ്, കണ്ണൂർ യൂണിവേഴ്‌സിറ്റി അറിയിപ്പുകൾ: University Announcements 14 OCtober 2024
• എം.ഫാം കോഴ്‌സ്: ഓൺലൈനായി അപേക്ഷിക്കാം
• യുജിസി നെറ്റ് ജൂൺ 2024: അന്തിമ ഉത്തര സൂചിക പ്രസിദ്ധീകരിച്ചു
• പിഎം ഇന്റേൺഷിപ് പദ്ധതി: അപേക്ഷകൾ ഇന്നു മുതൽ, എങ്ങനെ അപേക്ഷിക്കാം?