എൽ.എൽ.ബി. കോഴ്‌സ് പ്രവേശന പരീക്ഷ ജൂൺ ഒന്നിന്: അഡ്മിറ്റ് കാർഡുകൾ ഡൗൺലോഡ് ചെയ്യാം

ജൂൺ 1 ന് നടത്തുന്ന ത്രിവത്സര എൽ.എൽ.ബി. കോഴ്‌സിലേയ്ക്കുളള പ്രവേശന പരീക്ഷയ്ക്ക് ഓൺലൈൻ അപേക്ഷ സമർപ്പിച്ചവരുടെ അഡ്മിറ്റ് കാർഡുകൾ പ്രവേശന പരീക്ഷാ കമ്മീഷണറുടെ www.cee.Kerala.gov.in ൽ നിന്നും  ഡൗൺലോഡ് ചെയ്യാം.

മേൽ പറഞ്ഞ ലിങ്കിൽ ക്ലിക്ക് ചെയ്യുമ്പോൾ ലഭ്യമാകുന്ന 'ത്രിവത്സര എൽ.എൽ.ബി 2025-Candidate Portal' പേജിൽ  ആപ്ലിക്കേഷൻ നമ്പറും, പാസ്‌വേർഡ്‌ കൃത്യമായി നൽകിയതിനുശേഷം 'Admit Card' എന്ന ലിങ്ക് ക്ലിക്ക് ചെയ്ത് അഡ്മിറ്റ് കാർഡിന്റെ പ്രിന്റൗട്ട് എടുക്കാം.

അപ്‌ലോഡ് ചെയ്ത ഓൺലൈൻ അപേക്ഷയിലെ അപാകതകൾ മൂലം ചില അപേക്ഷകരുടെ അഡ്മിറ്റ്  കാർഡുകൾ തടഞ്ഞുവച്ചിട്ടുണ്ട്. അവർക്ക് ഹോം പേജിലെ 'Memo' എന്ന ലിങ്ക് ക്ലിക്ക് ചെയ്യുമ്പോൾ  അപേക്ഷയിലെ  ന്യൂനതകളുടെ വിശദ  വിവരങ്ങൾ കാണാവുന്നതാണ്.  അത്തരം അപേക്ഷകർ  ബന്ധപ്പെട്ട രേഖകൾ www.cee.kerala.gov.in ലൂടെ മേയ് 30ന് ഉച്ചയ്ക്ക് 2ന് മുമ്പ് അപ്‌ലോഡ്‌ ചെയ്ത് അപാകതകൾ പരിഹരിച്ചാൽ അഡ്മിറ്റ് കാർഡ് ലഭ്യമാക്കും.  കൂടുതൽ വിവരങ്ങൾക്ക്: 0471 - 2525300, 2332120, 2338487.

Also Read:എം.ജി സര്‍വകലാശാല ഡിഗ്രി പ്രവേശനം; ഓണ്‍ലൈന്‍ രജിസ്ട്രേഷന്‍ ആരംഭിച്ചു

എം.ബി.എ: അഡ്മിറ്റ് കാർഡുകൾ

മേയ് 31 ന് നടത്തുന്ന എം.ബി.എ. കോഴ്സിലേയ്ക്കുള്ള പ്രവേശന പരീക്ഷയായ കേരള മാനേജ്‌മെന്റ് ആപ്റ്റിറ്റിയുഡ് ടെസ്റ്റ് (കെമാറ്റ് സെഷൻ II 2025) ഓൺലൈൻ അപേക്ഷ സമർപ്പിച്ചവർക്ക് അഡ്മിറ്റ് കാർഡുകൾ പ്രവേശന പരീക്ഷാ കമ്മീഷണറുടെ www.cee.kerala.gov.in ൽ നിന്നും ഡൗൺലോഡ് ചെയ്യാം.

ഓൺലൈൻ അപേക്ഷയിലെ അപാകതകൾ മൂലം ചില അപേക്ഷകരുടെ അഡ്മിറ്റ് കാർഡുകൾ തടഞ്ഞുവച്ചിട്ടുണ്ട്. അത്തരം അപേക്ഷകർക്ക് www.cee.kerala.gov.in ലൂടെ മേയ് 30 ഉച്ചയ്ക്ക് 2ന് മുമ്പ് ഓൺലൈൻ അപേക്ഷയിലെ അപാകതകൾ പരിഹരിക്കുന്ന മുറയ്ക്ക് അഡ്മിറ്റ് കാർഡുകൾ ലഭ്യമാക്കും. വിശദവിവരങ്ങൾക്ക്: www.cee.kerala.gov.in, 0471 - 2525300, 2332120, 2338487.    

Also Read:പ്ലസ് ടു സേ, ഇംപ്രൂവ്മെന്റ് പരീക്ഷ തീയതികൾ പ്രഖ്യാപിച്ചു; വിശദവിവരങ്ങൾ അറിയാം

ഇന്റഗ്രേറ്റഡ് പഞ്ചവത്സര എൽ.എൽ.ബി: അഡ്മിറ്റ് കാർഡുകൾ

ജൂൺ 1 ന് നടത്തുന്ന ഇന്റഗ്രേറ്റഡ് പഞ്ചവത്സര എൽ.എൽ.ബി കോഴ്‌സിലേയ്ക്കുളള പ്രവേശന പരീക്ഷയ്ക്ക് ഓൺലൈൻ അപേക്ഷ സമർപ്പിച്ചവരുടെ അഡ്മിറ്റ് കാർഡുകൾ പ്രവേശന പരീക്ഷാ കമ്മീഷണറുടെ www.cee.kerala.gov.in ൽ നിന്നും  ഡൗൺലോഡ് ചെയ്യാം.

മേൽ പറഞ്ഞ ലിങ്കിൽ ക്ലിക്ക് ചെയ്യുമ്പോൾ ലഭ്യമാകുന്ന 'Integrated Five Year LLB 2025-Candidate Portal' പേജിൽ ആപ്ലിക്കേഷൻ നമ്പറും പാസ്‌വേർഡും കൃത്യമായി നൽകിയതിനുശേഷം 'Admit Card' എന്ന ലിങ്ക് ക്ലിക്ക് ചെയ്ത്  അഡ്മിറ്റ് കാർഡിന്റെ പ്രിന്റൗട്ട് എടുക്കാം.

അപ്‌ലോഡ് ചെയ്ത ഓൺലൈൻ അപേക്ഷയിലെ അപാകതകൾ മൂലം ചില അപേക്ഷകരുടെ അഡ്മിറ്റ്  കാർഡുകൾ തടഞ്ഞുവച്ചിട്ടുണ്ട്.  അവർക്ക് ഹോം പേജിലെ 'Memo' എന്ന ലിങ്ക് ക്ലിക്ക് ചെയ്യുമ്പോൾ  തങ്ങളുടെ  അപേക്ഷയിലെ  ന്യൂനതകളുടെ വിശദ  വിവരങ്ങൾ കാണാം.  അത്തരം അപേക്ഷകർ  ബന്ധപ്പെട്ട രേഖകൾ www.cee.kerala.gov.in  ലൂടെ മേയ് 30ന് ഉച്ചയ്ക്ക് 2ന് മുമ്പ് അപ്‌ലോഡ് ചെയ്ത് അപാകതകൾ പരിഹരിക്കുന്ന പക്ഷം അഡ്മിറ്റ് കാർഡ് ലഭ്യമാക്കും.  കൂടുതൽ വിവരങ്ങൾക്ക്: 0471-2525300, 2332120, 2338487.

Read More

• ബിരുദാനന്തര ബിരുദ കോഴ്‌സുകളിലേക്ക് അപേക്ഷിക്കാം
• യോഗ്യത എസ്എസ്എൽസി; ലൈബ്രറി സയൻസ് സർട്ടിഫിക്കറ്റ് കോഴ്സിന് അപേക്ഷിക്കാം