നീറ്റ് യു.ജി.: അപേക്ഷയിലെ തെറ്റുകൾ തിരുത്താൻ വീണ്ടും അവസരം

ന്യൂഡൽഹി: നീറ്റ് യുജി 2024 അപേക്ഷയിലെ തെറ്റുകൾ ഓൺലൈനായി തിരുത്താൻ ഒരുവസരം കൂടി നൽകി നാഷണൽ ടെസ്റ്റിങ് ഏജൻസി. ഇന്നു രാത്രി 11.50 വരെ exams.nta.ac.in/NEET വഴി അപേക്ഷയിലെ തെറ്റുകൾ തിരുത്താം. ആധാർ ഓതന്റിക്കേഷൻ തിരുത്തലുകൾ നടത്താൻ ഏപ്രിൽ 15-ന് രാത്രി 11.50 വരെ അവസരമുണ്ട്. 

തെറ്റുകൾ തിരുത്തുന്നതിനുള്ള അവസാനത്തെ അവസരമാണിത്. ഇനി മാറ്റങ്ങൾ വരുത്താൻ ഒരവസരം കിട്ടില്ല. രജിസ്ട്രേഷൻ സമയത്തുനൽകിയ മൊബൈൽ നമ്പർ, ഇ-മെയിൽ വിലാസം എന്നിവ തിരുത്താൻ കഴിയില്ല. ബാക്കിയുള്ള എല്ലാ ഫീൽഡുകളിലും തിരുത്തലുകൾ വരുത്താം. മാറ്റങ്ങൾ വരുത്തുമ്പോൾ അപേക്ഷാ ഫീസിൽ വർധനയുണ്ടാകുന്നുവെങ്കിൽ അത് അടച്ചശേഷമേ മാറ്റങ്ങൾ ബാധകമാവുകയുള്ളൂ.

മേയ് അഞ്ചിനാണ് നീറ്റ് പരീക്ഷ നടക്കുക. ഉച്ചയ്ക്ക് രണ്ടുമുതൽ വൈകീട്ട് 5.20 വരെയാണ് പേപ്പർ ആൻഡ് പെൻ രീതിയിൽ (ഓഫ് ലൈൻ) പരീക്ഷ നടത്തുന്നത്. ലോക്‌സഭാ തിരഞ്ഞെടുപ്പ് നടക്കുന്നുവെന്ന കാരണത്താൽ പരീക്ഷാ തീയതിയിൽ മാറ്റം വരുത്തില്ലെന്ന് എൻടിഎ അറിയിച്ചിട്ടുണ്ട്. 

Read More

• സെറ്റ് പരീക്ഷയ്ക്കുള്ള സമയപരിധി നീട്ടി, അപേക്ഷ ഏപ്രിൽ 25 വരെ നൽകാം
• ഐഐഐസി ടെക്‌നിഷ്യൻ ബാച്ചുകളിലേക്ക് അപേക്ഷിക്കാം
• പരീക്ഷയെ ഇനി പേടിക്കേണ്ട, കുട്ടികളിൽ സമ്മർദം അകറ്റാൻ വി ഹെൽപ്പ് ടോൾ ഫ്രീ സഹായകേന്ദ്രം
• ഒൻപത് മുതൽ 12 വരെയുള്ള ക്ലാസുകൾക്ക് ഓപ്പൺ ബുക്ക് പരീക്ഷ നിർദേശിച്ച് സിബിഎസ്ഇ