പ്ലസ് വൺ പ്രവേശനം: അപേക്ഷകൾ മേയ് 16 മുതൽ നൽകാം, ജൂൺ 24 ന് ക്ലാസുകൾ തുടങ്ങും

തിരുവനന്തപുരം: പ്ലസ് വൺ പ്രവേശനത്തിന് ഈ മാസം 16 മുതൽ അപേക്ഷകൾ നൽകാമെന്ന് വിദ്യാഭ്യാസ മന്ത്രി വി.ശിവൻകുട്ടി. ട്രയൽ അലോട്ട്മെന്റ് മേയ് 29 ന് നടക്കും ആദ്യ അലോട്ട്മെന്റ് ജൂൺ 5 ആണ്. ജൂൺ 24 ന് പ്ലസ് വൺ ക്ലാസുകൾ തുടങ്ങും. ഇത്തവണ 4,33,231 പ്ലസ് വൺ സീറ്റുകളാണ് അനുവദിച്ചിട്ടുള്ളത്. 33,030 സീറ്റുകളാണ് വിഎച്ച്എസ്ഇയ്ക്ക് അനുവദിച്ചിട്ടുള്ളത്.

രണ്ടാം വർഷ ഹയർ സെക്കൻഡറി, വൊക്കേഷണൽ ഹയർ സെക്കൻഡറി പരീക്ഷാ ഫലം നാളെയാണ് പ്രഖ്യാപിക്കുക. ഉച്ചയ്ക്ക് ശേഷം 3 മണിക്കാണ് പ്രഖ്യാപനം. പൊതു വിദ്യാഭ്യാസവും തൊഴിലും വകുപ്പ് മന്ത്രി വി ശിവൻകുട്ടി ഫലപ്രഖ്യാപനം നടത്തുക. കഴിഞ്ഞ വർഷം മേയ് 25 നാണ് ഫലപ്രഖ്യാപനം നടത്തിയത്.

ഹയർ സെക്കൻഡറി പരീക്ഷാ ഫലം  www.prd.Kerala.gov.in, www.keralaresults.nic.in, www.result.kerala.gov.in, www.examresults.kerala.gov.in, www.results.kite.kerala.gov.in എന്നീ വെബ്സൈറ്റുകളിലും PRD Live മൊബൈൽ ആപ്പിലും ലഭ്യമാകും.

വൊക്കേഷണൽ ഹയർ സെക്കൻഡറി പരീക്ഷാഫലം www.keralaresults.nic.in, www.vhse.kerala.gov.in, www.results.kite.kerala.gov.in, www.prd.kerala.gov.in, www.examresults.kerala.gov.in, www.results.kerala.nic.in എന്നീ വെബ്സൈറ്റുകളിലും PRD Live മൊബൈൽ ആപ്പിലും ലഭ്യമാകും.

Read More

• എസ്എസ്എൽസി പരീക്ഷാഫലം പ്രഖ്യാപിച്ചു, 99.69% വിജയം
• Kerala Plus Two Exam Result 2024: പ്ലസ് ടു പരീക്ഷാ ഫലം എന്ന്, എപ്പോൾ അറിയാം
• Kerala SSLC Result 2024: എസ്എസ്എൽസി പരീക്ഷാ ഫലം അതിവേഗം അറിയാൻ വെബ്സൈറ്റുകൾ, പരിശോധിക്കേണ്ടത് എങ്ങനെ?
• Kerala SSLC Result 2024: എസ്എസ്എൽസി ഫലം അറിയാൻ മൊബൈൽ ആപ്പ്