Kerala SSLC Result 2024: എസ്എസ്എൽസി പരീക്ഷാ ഫലം അതിവേഗം അറിയാൻ വെബ്സൈറ്റുകൾ, പരിശോധിക്കേണ്ടത് എങ്ങനെ?

Kerala SSLC Result 2024: തിരുവനന്തപുരം: എസ്എസ്എൽസി/ റ്റിഎച്ച്എസ്എസ്എൽസി/ എഎച്ച്എസ്എൽസി പരീക്ഷകളുടെ ഫലം ഇന്നു പ്രഖ്യാപിക്കും. ഉച്ചയ്ക്ക്  മൂന്നു മണിക്ക് പൊതു വിദ്യാഭ്യാസവും തൊഴിലും വകുപ്പ് മന്ത്രി വി.ശിവൻകുട്ടിയാണ് ഫലം പ്രഖ്യാപിക്കുക. കഴിഞ്ഞ വർഷം മേയ് 19 നാണ് ഫലപ്രഖ്യാപനം നടത്തിയത്. ഇത്തവണ പതിനൊന്ന് ദിവസം മുമ്പ് തന്നെ ഫലപ്രഖ്യാപനം നടത്തുകയാണ്. 

എസ്എസ്എൽസി പരീക്ഷാ ഫലം ലഭ്യമാകുന്ന വെബ്സൈറ്റുകൾ

• https://pareekshabhavan.kerala.gov.in
• www.prd.kerala.gov.in
• https://sslcexam.kerala.gov.in
• www.results.kite.kerala.gov.in

പരീക്ഷാ ഫലം പരിശോധിക്കേണ്ട വിധം

• ഫലം ലഭ്യമാകുന്ന വെബ്സൈറ്റുകളിൽ ഏതെങ്കിലും ഒന്ന് തുറക്കുക
• അതിന്റെ ഹോം പേജിലെ SSLC Result എന്ന ലിങ്കിൽ ക്ലിക്ക് ചെയ്യുക
• അപ്പോൾ ഒരു പുതിയ പേജ് തുറക്കും
• ഇതിൽ രജിസ്ട്രേഷൻ നമ്പറും ജനന തീയതിയും നൽകിയശേഷം സബ്മിറ്റ് ചെയ്യുക 
• പുതിയൊരു പേജിൽ നിങ്ങളുടെ ഫലം കാണാം
•  ഇത് ഡൗൺലോഡ് ചെയ്ത് പ്രിന്റ്ഔട്ട് എടുത്ത് സൂക്ഷിക്കാവുന്നതാണ്

ഇത്തവണ 4,27,105 വിദ്യാർഥികളാണ് എസ്എസ്എൽസി പരീക്ഷയ്ക്ക് രജിസ്റ്റർ ചെയ്തത്. ഇതിൽ 2,17,525 പേർ ആൺകുട്ടികളും 2,09,580 പേർ പെൺകുട്ടികളുമാണ്. ഏറ്റവും കൂടുതൽ പേർ പരീക്ഷ എഴുതിയ ജില്ല മലപ്പുറമാണ്, 28,180 പേർ. ഏറ്റവും കുറവ് വിദ്യാർഥികൾ പരീക്ഷ എഴുതിയത് ആലപ്പുഴ ജില്ലയിലെ കുട്ടനാട് ആണ്, 1,843 പേർ. 

സർക്കാർ സ്കൂളുകളിൽ നിന്ന് 1,43557 കുട്ടികളും എയ്ഡഡ് സ്കൂളുകളിൽ നിന്നായി 2,55360 കുട്ടികളും അൺ എയ്ഡഡ് സ്കൂളുകളിൽ നിന്ന് 28188 കുട്ടികളും പരീക്ഷ എഴുതി. ഗൾഫ് മേഖലയിൽനിന്നും 536 പേരും ലക്ഷദ്വീപിൽനിന്നും 285 പേരും പരീക്ഷ എഴുതി. ഓൾഡ് സ്കീമിൽ 26 പേരും പരീക്ഷ എഴുതി. ഇത്തവണ മാർച്ച് 4 നു തുടങ്ങിയ പരീക്ഷകൾ മാർച്ച് 25നാണ് അവസാനിച്ചത്.

Read More

• സ്കൂളുകൾ ജൂൺ മൂന്നിന് തുറക്കും
• Kerala SSLC Result 2024:എസ്എസ്എൽസി ഫലം അറിയാൻ മൊബൈൽ ആപ്പ്
• Kerala SSLC Result 2024: ഉന്നത പഠനത്തിനുള്ള യോഗ്യത ആർക്കൊക്കെ ലഭിക്കും? എസ്എസ്എൽസി ഗ്രേഡ്, മാർക്ക് എന്നിവയെക്കുറിച്ച് അറിയേണ്ടതെല്ലാം
• പത്താംക്ലാസ് കഴിഞ്ഞു; ഇനിയെന്ത്?