കെ-ടെറ്റ് പരീക്ഷ: അവസാന തീയതി മേയ് അഞ്ചുവരെ നീട്ടി

തിരുവനന്തപുരം: കെ-ടെറ്റ് ഏപ്രിൽ 2024 പരീക്ഷയ്ക്കായി അപേക്ഷിച്ചവരിൽ നോട്ടിഫിക്കേഷൻ പ്രകാരം അപേക്ഷ സമർപ്പിക്കുന്നതിനുളള അവസാന തീയതി മേയ് അഞ്ചു വരെ നീട്ടി. അപേക്ഷ സമർപ്പിച്ചതിൽ തെറ്റ് സംഭിവിച്ചിട്ടുള്ളവർക്ക് തിരുത്തുവാനുള്ള അവസരം മേയ് ആറു മുതൽ ഒമ്പതു വരെ  https://ktet.Kerala.gov.in എന്ന വെബ്സൈറ്റിലെ CANDIDATE LOGIN - ൽ ലഭ്യമാകുമെന്ന് സെക്രട്ടറി അറിയിച്ചു.

അധ്യാപകരാകാൻ യോഗ്യത നിർണയിക്കുന്നതിനുള്ള പരീക്ഷയാണ് കെ-ടെറ്റ് (കേരള ടീച്ചർ എലിജിബിറ്റി ടെസ്റ്റ്). നാഷനൽ കൗൺസിൽ ഫോർ ടീച്ചർ എജ്യുക്കേഷന്റെ മാനദണ്ഡങ്ങൾ അനുസരിച്ചാണ് പരീക്ഷ നടക്കുക. ലോവർ പ്രൈമറി, അപ്പർ പ്രൈമറി, ഹൈസ്കൂൾ, യുപി തലം വരെയുള്ള ഭാഷാധ്യാപകർ (അറബിക്, ഹിന്ദി, സംസ്കൃതം, ഉറുദു – യുപി തലം വരെ); സ്പെഷലിസ്റ്റ് (ആർട്ട് ആൻഡ് ക്രാഫ്റ്റ്, കായികം) എന്നിങ്ങനെ 4 കാറ്റഗറികളിലായാണ് പരീക്ഷ.

ഏതു കാറ്റഗറിയിലെ പരീക്ഷകളെഴുതാനും ഒരു അപേക്ഷ സമർപ്പിച്ചാൽ മതി. പരീക്ഷ ഫീസ് 500 രൂപയാണ്. പട്ടിക / ഭി‌ന്നശേഷി വിഭാഗക്കാർ 250 രൂപയാണ് ഫീസ്. ജൂൺ മൂന്നിന് ഹാൾ ടിക്കറ്റ് ഡൗൺലോഡ് ചെയ്യാം. ഓരോ വിഭാഗത്തിലെ പരീക്ഷയിലും 150 മിനിറ്റിൽ 150 മൾട്ടിപ്പിൾ ചോയ്സ് ചോദ്യങ്ങൾക്ക് ഉത്തരം നൽകണം. ഒഎംആർ രീതിയിലുള്ള ഉത്തരക്കടലാസായിരിക്കും. തെറ്റായ ഉത്തരത്തിന് മാർക്ക് കുറയ്ക്കില്ല.

Read More

• എം.ജി ക്യാറ്റ്; ഓണ്‍ലൈന്‍ രജിസ്ട്രേഷന്‍ മേയ് 5വരെ
• എസ്എസ്എൽസി ഫലം മെയ് 8 ന്; അറിയാനുള്ള വെബ്സൈറ്റുകൾ ഇതാ
• ഐഐഎം സമ്പല്‍പൂരില്‍ എംബിഎ ഫിന്‍ടെക് മാനേജ്മെന്‍റ് കോഴ്സിന് അപേക്ഷ ക്ഷണിച്ചു
• നീറ്റ് യു.ജി പരീക്ഷ മെയ് 5 ന്: സിറ്റി ഇൻറ്റിമേഷൻ സ്ലിപ്പുകൾ ഡൗൺലോഡ് ചെയ്യണം