നായകനായി സൂര്യ സേതുപതി; വിജയ് സേതുപതിയുടെ മകന്റെ ആദ്യ ചിത്രം; 'ഫീനിക്സ്' ട്രെയിലർ എത്തി

നടൻ വിജയ് സേതുപതിയുടെ മകൻ സൂര്യ സേതുപതി ആദ്യമായി നായകനായെത്തുന്ന 'ഫീനിക്സ്' എന്ന ചിത്രത്തിന്റെ ട്രെയിലർ എത്തി. ജൂലൈ നാലിനാണ് ചിത്രത്തിന്റെ റിലീസ് നിശ്ചയിച്ചിരിക്കുന്നത്. ആക്ഷൻ രംഗങ്ങളാൽ സമ്പന്നമായ ചിത്രം എ.കെ ബ്രെവ് മാൻ പിക്ചേഴ്സ് ആണ് അവതരിപ്പിക്കുന്നത്. ആക്ഷൻ കൊറിയോഗ്രാഫറായ അനൽ അരശ് ആണ് ചിത്രം സംവിധാനം ചെയ്യുന്നത്.

Also Read:എന്റെ കഞ്ഞിയിലാണ് സർ പാറ്റയിട്ടത്; സിബി മലയിലിനെതിരെ വിമർശനവുമായി  പദ്മകുമാർ

സൂര്യ സേതുപതിയുടെ ആദ്യ നായക വേഷമാണെങ്കിലും മുൻപ് നാനും റൗഡി താൻ, സിന്ധുബാദ് തുടങ്ങിയ ചിത്രങ്ങളിൽ അഭിനയിച്ചിട്ടുണ്ട്. ഫീനിക്സിൽ, പാരമ്പര്യത്തിനപ്പുറം തന്റേതായ അഭിനയത്തിലൂടെ സിനിമാ രംഗത്ത് മികച്ച ഒരു നടനായി മുന്നേറാൻ  ലക്ഷ്യമിട്ട് ആദ്യമായി ഒരു നായക കഥാപാത്രത്തെ അവതരിപ്പിക്കുകയാണ് സൂര്യ സേതുപതി. 

Also Read: ഇതാണ് മിഥുന്റെ ആ 'കിഡ്നി ടച്ചിങ്'  ലവ് സ്റ്റോറി; വീഡിയോ

സാം സി.എസ് ആണ് ചിത്രത്തിന്റെ സംഗീത സംവിധാനം നിർവഹിക്കുന്നത്. ഉന്നത തല സാങ്കേതിക വിദഗ്ദ്ധരാണ് ഫിനിക്സിന്റെ പിന്നിൽ പ്രവർത്തിക്കുന്നത്. ഛായാഗ്രഹണം വേൽരാജ്, എഡിറ്റിങ് പ്രവീൺ കെ.എൽ, ആക്ഷൻ അനൽ അരശ്, ആർട്ട് മദൻ, ക്യാമറ  ബാബ ഭാസ്കർ, മേക്കപ്പ്  രംഗസ്വാമി, പി ആർ ഓ പ്രതീഷ് ശേഖർ എന്നിവർ കൈകാര്യം ചെയ്യുന്നു.

Also Read:സിനിമാറ്റിക് ഗിമ്മിക്കുകളൊന്നും ഉപയോഗിക്കാതെ കഥ പറയുന്നയാളാണ് ഷാഹി: ദിലീഷ് പോത്തൻ