'അതങ്ങനെ എല്ലാവർക്കും ഊരാൻപറ്റുന്ന വളയല്ല'; ധ്യാൻ - ലുക്മാൻ ചിത്രം 'വള' ട്രെയിലർ എത്തി

ധ്യാൻ ശ്രീനിവാസൻ, ലുക്മാൻ അവറാൻ എന്നിവർ പ്രധാന കഥാപാത്രങ്ങളായെത്തുന്ന പുതിയ ചിത്രമായ 'വള'യുടെ ട്രെയിലർ പുറത്തിറക്കി. ഒരു വള മൂലം പലരുടെയും ജീവിതത്തിൽ നേരിടേണ്ടി വരുന്ന സംഭവബഹുലമായ കാര്യങ്ങളെ മുൻനിർത്തി രസകരമായാണ് ചിത്രം ഒരുക്കിയിരിക്കുന്നതെന്നാണ് ട്രെയിലർ നൽകുന്ന സൂചന. 

Also Read: 'വർഷങ്ങൾക്കും ശേഷം മേരിയും ഗിരിരാജനും കണ്ടുമുട്ടുന്നു'; ഷറഫുദ്ദീൻ - അനുപമ ചിത്രം 'പെറ്റ് ഡിറ്റക്ടീവി'ലെ ആദ്യ ഗാനം എത്തി

‘കഠിന കഠോരമീ അണ്ഡകടാഹം’ എന്ന ചിത്രത്തിനു ശേഷം മുഹാഷിനാണ് ചിത്രം സംവിധാനം ചെയ്യുന്നത്. 'ഉണ്ട', 'പുഴു' തുടങ്ങിയ ശ്രദ്ധേയ സിനിമകളിലൂടെ ശ്രദ്ധനേടിയ ഹർഷദാണ് 'വള'യുടെ തിരക്കഥ. രവീണ രവി, ശീതൾ ജോസഫ് എന്നിവർ നായികമാരായെത്തുന്ന ചിത്രത്തിൽ വിജയരാഘവനും ശാന്തികൃഷ്ണയും സുപ്രധാന വേഷങ്ങളിൽ അഭിനയിക്കുന്നു. 

Also Read: "ട്രെയിലർ തന്നെ ഇജ്ജാതി," പൊട്ടിച്ചിരിപ്പിക്കാൻ അൽത്താഫിന്റെയും അനാർക്കലിയുടെയും 'ഇന്നസെന്റ്'

ഹാസ്യത്തിൽ ചാലിച്ചൊരുക്കിയിരിക്കുന്ന കുടുംബ ബന്ധങ്ങളുടെ കഥയാണ് ചിത്രമെന്നാണ് സൂചന. ഫെയർബെ ഫിലിംസാണ് ചിത്രം നിർമിച്ചിരിക്കുന്നത്. വേഫറര്‍ ഫിലിംസാണ് വിതരണം. തിങ്ക് മ്യൂസിക്കാണ് ചിത്രത്തിന്‍റെ മ്യൂസിക്ക് റൈറ്റ്സ് കരസ്ഥമാക്കിയിരിക്കുന്നത്. സെപ്റ്റംബർ 19ന് ചിത്രം തിയേറ്ററുകളിലെത്തും.

Read More: ആ കൂളിംഗ് ഗ്ലാസ്‌ മാറ്റിയുള്ള നോട്ടം... എന്താ ഭാവം; മമ്മൂട്ടിയുടെ കളങ്കാവൽ ടീസർ പുറത്ത്