'ചാത്തനോ മാടനോ മറുതയോ'; പേടിപ്പിച്ച് 'നൈറ്റ് റൈഡേഴ്സ്' ഗ്ലിമ്പ്സ്

മാത്യു തോമസിനെ നായകനാക്കി, എഡിറ്റർ നൗഫൽ അബ്ദുള്ള സംവിധാനം ചെയ്യുന്ന ചിത്രമാണ് 'നെല്ലിക്കാംപൊയിൽ നൈറ്റ് റൈഡേഴ്‌സ്.' റൊമാൻ്റിക് സസ്പെൻസ് ത്രില്ലറായി ഒരുക്കിയിരിക്കുന്ന ചിത്രത്തിൻ്റെ ആദ്യ ഗ്ലിമ്പ്സ് പുറത്തിറക്കി. ആകാംക്ഷയും ഉദ്വേഗവും സമ്മാനിക്കുന്ന അല്പം പേടിപ്പിക്കുന്ന പ്രൊമോ വീഡിയോയാമ് പുറത്തിറക്കിയത്.

മിസ്റ്ററി, ത്രില്ലർ, ഘടകങ്ങൾക്കൊപ്പം റൊമാൻ്റിക്, ഫാൻ്റസി ഘടകങ്ങളും ചിത്രത്തിലുണ്ടാകുമെന്ന് സൂചനയാണ് പ്രൊമോ നൽകുന്നത്. എ ആന്‍ഡ് എച്ച്.എസ്. പ്രൊഡക്ഷന്‍സിന്റെ ബാനറില്‍ അബ്ബാസ് തിരുനാവായ, സജിന്‍ അലി, ഹംസ തിരുനാവായ എന്നിവര്‍ ചേര്‍ന്നാണ് ചിത്രം നിർമ്മിച്ചിരിക്കുന്നത്. ‘പ്രണയവിലാസം’ എന്ന ചിത്രത്തിന്റെ എഴുത്തുകാരായ ജ്യോതിഷ് എം, സുനു എ.വി. എന്നിവരാണ് ചിത്രത്തിൻ്റെ രചന നിർവഹിച്ചത്.

Also Read: തുടക്കം തന്നെ വേറെ ലെവൽ; പ്രണവ് ചിത്രം 'ഡീയസ് ഈറേ' ട്രെയിലർ പുറത്ത്

മാത്യു തോമസിനെ കൂടാതെ, മീനാക്ഷി ഉണ്ണികൃഷ്ണന്‍, അബു സലിം, റോണി ഡേവിഡ് രാജ്, വിഷ്ണു അഗസ്ത്യ, റോഷന്‍ ഷാനവാസ്, ശരത് സഭ, മെറിന്‍ ഫിലിപ്പ്, സിനില്‍ സൈനുദ്ദീന്‍, നൗഷാദ് അലി, നസീര്‍ സംക്രാന്തി, ചൈത്ര പ്രവീണ്‍ എന്നിവരാണ് ചിത്രത്തിലെ മറ്റു പ്രധാന താരങ്ങൾ. നെല്ലിക്കാംപൊയില്‍ എന്ന ഗ്രാമത്തില്‍ നടക്കുന്ന സംഭവമാണ് ചിത്രത്തിൽ അവതരിപ്പിക്കുന്നത്.

Also Read: 'നൂറു കൊല്ലത്തിൽ ഒരിക്കലെങ്കിലും വിളിച്ചൂടേടോ തനിക്ക്;' ദുൽഖറിനോട് ടൊവിനോ

വിമല്‍ ടി.കെ, കപില്‍ ജാവേരി, ഗുര്‍മീത് സിങ് എന്നിവരാണ് ചിത്രത്തിന്റെ സഹനിര്‍മ്മാണം. ഛായാഗ്രഹണം- അഭിലാഷ് ശങ്കര്‍, എഡിറ്റര്‍- നൗഫല്‍ അബ്ദുള്ള, സംഗീതം- യാക്‌സന്‍ ഗാരി പെരേര, നേഹ എസ്. ഒക്ടോബർ 10 ന് ചിത്രം തിയേറ്ററുകളിലെത്തുമെന്നാണ് വിവരം. 

Read More: വിസ്മയ ലോകം തുറന്ന് ജെയിംസ് കാമറൂൺ; 'അവതാർ ഫയർ ആൻഡ് ആഷ്' ട്രെയിലർ