'നാമൊരുന്നാൾ ഉയരും...', ഒരു റൊണാൾഡോ ചിത്രത്തിലെ ആദ്യ ഗാനം പുറത്ത്

അശ്വിൻ ജോസ്, ചൈതന്യ പ്രകാശ്, ഹന്നാ റെജി കോശി, ഇന്ദ്രൻസ്, ലാൽ, അൽത്താഫ്, മിഥുൻ എം ദാസ് എന്നിവരെ പ്രധാനകഥാപാത്രങ്ങളാക്കി റിനോയ് കല്ലൂർ തിരക്കഥ എഴുതി സംവിധാനം ചെയ്യുന്ന 'ഒരു റൊണാൾഡോ ചിത്രം' എന്ന ചിത്രത്തിലെ ആദ്യ ഗാനം പുറത്തിറങ്ങി. റിനോയ് കല്ലൂരിന്റെ വരികൾക്ക് ദീപക്ക് രവിയാണ് സംഗീതം പകർന്നിരിക്കുന്നത്. 

കാർത്തിക്, ഷെഫിയ എന്നിവർ ചേർന്നാലപിച്ച "നാമൊരുന്നാൾ ഉയരും...." എന്നാരംഭിക്കുന്ന മനോഹര ഗാനമാണ് ഇപ്പോൾ പുറത്തിറങ്ങിയിരിക്കുന്നത്. സിനിമ സ്വപ്നം കണ്ട് നടക്കുന്ന ഒരു യുവ സംവിധായകന്റെ ജീവിതം പറയുന്ന സിനിമയാണ് 'ഒരു റൊണാൾഡോ ചിത്രം'. 

ജൂൺ മാസം പ്രദർശനത്തിനെത്തുന്ന ചിത്രത്തിൽ വർഷ സൂസൻ കുര്യൻ, അർജുൻ ഗോപാൽ, അർച്ചന ഉണ്ണികൃഷ്ണൻ, സുപർണ്ണ തുടങ്ങി നിരവധി താരങ്ങളും ഒരുപാട് പുതുമുഖങ്ങളും അണിനിരക്കുന്നു. ഫുൾഫിൽ സിനിമാസിന്റെ ബാനറിൽ നിർമ്മിക്കുന്ന ചിത്രത്തിന്റെ ഛായാഗ്രഹണം പി.എം ഉണ്ണികൃഷ്ണൻ നിർവഹിക്കുന്നു. 

Read More:

• പ്രൈം വീഡിയോയിൽ കാണാം 10 മലയാളം ചിത്രങ്ങൾ
• സുമോ ഒടിടിയിൽ എത്തി; എവിടെ കാണാം?
• കാത്തിരിപ്പിന് വിരാമം മോഹൻലാലിൻ്റെ ആ പാൻ ഇന്ത്യൻ ചിത്രം തിയേറ്ററിലേയ്ക്ക്
• ബസൂക്ക ഒടിടിയിൽ എവിടെ കാണാം?