അനുമോൾക്ക് നേരെ ബോഡി ഷെയിമിങ്; നിയന്ത്രണം വിട്ട് ജിസേൽ; പൊട്ടിക്കരഞ്ഞ് താരം- Bigg Boss Season 7 Malayalam

Bigg Boss malayalam Season 7: ബിഗ് ബോസ് സീസൺ 7ൽ അനുമോൾക്കെതിരെ ജിസേൽ ബോഡി ഷെയിമിങ് നടത്തിയതായി പരാതി. ജിസേലുമായി വാക്കുതർക്കത്തിലേർപ്പെട്ടതിന് പിന്നാലെ പൊക്കം കുറഞ്ഞത് എന്റെ കുറ്റമാണോ എന്ന് ചോദിച്ച് പൊട്ടിക്കരയുന്ന അനുമോളെയാണ് ഹൗസിൽ കാണുന്നത്. എപ്പിസോഡിന്റെ പ്രൊമോയിൽ ആണ് ജിസേൽ-അനുമോൾ തർക്കം കാണിക്കുന്നത്. 

ടാസ്കിന് ഇടയിൽ ജിസേൽ അനുമോളോട് പറയുന്നത് ഇങ്ങനെ,"ഞങ്ങൾക്ക് ഉയരവും ഭാരവും ഒക്കെ ഉണ്ട്. നിന്റെ പോലെ ചെറുതല്ല." ജിസേലിന്റെ ഈ വാക്കുകൾ അനുമോളെ പ്രകോപിപ്പിച്ചു. ഉയരത്തെ കുറിച്ച് പറയേണ്ട ആവശ്യം ഇല്ല എന്ന് പറഞ്ഞ് അനുമോൾ പ്രതികരിച്ചു. എന്നാൽ ഇനിയും അത് പറയും എന്ന് ജിസേൽ ആവർത്തിച്ചു. 

Also Read: രേണു സുധിടെ മോട്ടീവ് കൃത്യവും വ്യക്തവുമാണ്: വൈറലായി കുറിപ്പ്, Bigg Boss Malayalam Season 7

ഇവിടം വരെ ഞാൻ എത്തിയിട്ടുണ്ടെങ്കിൽ കഷ്ടപ്പെട്ടാണ് എത്തിയത്, മര്യാദയ്ക്ക് സംസാരിക്കണം എന്നും ജിസേലിനോട് അനുമോൾ പറഞ്ഞു. ഉയരത്തെ കുറിച്ചൊക്കെ പറയുന്നത് അംഗീകരിക്കാൻ പറ്റില്ലെന്ന് പല മത്സരാർഥികളും നിലപാടെടുത്തു. പിന്നാലെ ഉയരം കുറഞ്ഞത് എന്റെ കുഴപ്പം ആണോ എന്ന് ചോദിച്ച് പൊട്ടിക്കരയുകയാണ് അനുമോൾ. 

View this post on Instagram

A post shared by JioHotstar Malayalam (@jiohotstarmalayalam)

Also Read:  ആ കളി ഇവിടെ വേണ്ട, രേണു സുധിയുടെ കള്ളത്തരം കയ്യോടെ പൊക്കി മോഹൻലാല്‍; വീഡിയോ- Bigg Boss Malayalam Season 7

അതേസമയം ജിസേലിന് മേക്കപ്പ് ചെയ്യാനാവാത്തതിന്റെ അസ്വസ്ഥതയുണ്ടെന്ന പ്രതികരണങ്ങളും വരുന്നുണ്ട്. മേക്കപ്പ് ഇല്ലാതെ ക്യാമറയ്ക്ക് മുൻപിൽ വരാൻ ജിസേലിന് ഇഷ്ടമല്ലാത്തത് കൊണ്ടാണ് ബിഗ് ബോസ് നിയമങ്ങൾ നിരന്തരം തെറ്റിക്കുന്നത് എന്നും വിലയിരുത്തലുകൾ വരുന്നു. 

Read More: Bigg Boss: രേണു സുധി ഫ്‌ളവർ അല്ലടാ ഫയറാടാ, താഴത്തില്ലടാ; വൈറലായി റീൽ