ഭാര്യയുടെ അടി കൊള്ളുകയും വേണം, ഭാര്യയെ തല്ലി എന്നു കേൾക്കുകയും വേണം; വീഡിയോയുമായി അഖിൽ

Bigg Boss: ബിഗ് ബോസ് മലയാളം സീസൺ അഞ്ചിലെ വിജയിയായിരുന്നു  സംവിധായകൻ അഖിൽ മാരാർ. അഖിലും ഭാര്യ രാജലക്ഷ്മിയും മക്കളുമെല്ലാം സമൂഹമാധ്യമങ്ങളിലൂടെ പ്രേക്ഷകർക്കും ഏറെ സുപരിചിതരാണ്.  

ഇപ്പോഴിതാ, വീടിനകത്തു നിന്നുള്ള രസകരമായ ചില നിമിഷങ്ങൾ പങ്കുവയ്ക്കുകയാണ് അഖിൽ. സോഫയിൽ ഇരിക്കുന്ന​ അഖിലിനെയും ലക്ഷ്മിയേയും വീഡിയോയിൽ കാണാം.​ എന്തോ വീഡിയോ കാണിച്ച് ലക്ഷ്മിയോട് അഖിൽ എന്തോ പറയുന്നതും വീഡിയോയിൽ കാണാം. 'ഞാൻ എന്താ അയച്ചു തരുന്നത്, നിങ്ങളെന്താ മനസ്സിലാക്കുന്നത്?' എന്നു  അഖിലിനെ ശകാരിക്കുകയും തല്ലുകയും ചെയ്യുന്ന ലക്ഷ്മിയെ ആണ് വീഡിയോയിൽ കാണാനാവുക. 

Also Read: അഭിലാഷ് ബിഗ് ബോസ് വീട്ടിൽ നിന്നും പുറത്തേക്ക്; Bigg Bossmalayalam 7

"ഭാര്യയുടെ അടി കൊള്ളുകയും വേണം നാട് മുഴുവൻ ഭാര്യയെ തല്ലുന്നവൻ എന്ന ആക്ഷേപം കേൾക്കുകയും വേണം.

പണ്ടെങ്ങാണ്ട് ഒന്ന് പിടിച്ചു തള്ളി അത് കുടുംബം ആയാൽ ഇണക്കവും പിണക്കവും ഉണ്ടാകും എന്ന വിഷയം ശോഭയോട് പറഞ്ഞപ്പോൾ പുറത്ത് ചില അലവലാതികൾ ഭാര്യയെ തല്ലുന്ന ക്രൂരൻ ആക്കി എന്നെ മാറ്റി.

Also Read: എന്റെ ജീവിതം നശിപ്പിച്ച, ഒരിക്കലും കാണരുതെന്ന് ആഗ്രഹിച്ച ആളാണ് കൈ തന്നിട്ട് പോയത്: ജീവനെ കുറിച്ച് അനുമോൾ: Bigg Boss Malayalam 7

എന്തിനാ എന്നെ എടുത്ത് ഇടിക്കുന്നതെന്ന് ചോദിച്ചാൽ തമ്പുരാനറിയാം," എന്ന അടിക്കുറിപ്പോടെയാണ് അഖിൽ വീഡിയോ ഷെയർ ചെയ്തിരിക്കുന്നത്. 

View this post on Instagram

A post shared by Akhil marar (@akhilmarar1)

കൊട്ടാരക്കര കോട്ടാത്തല സ്വദേശിയായ അഖിൽ ഡോക്ടർ ബിജു സംവിധാനം ചെയ്ത 'പേരറിയാത്തവര്‍'  എന്ന ചിത്രത്തിന്റെ അസിസ്റ്റന്റ് ഡയറക്ടറായിട്ടാണ് സിനിമയിലെത്തിയത്. 2021ല്‍ 'ഒരു താത്വിക അവലോകനം' എന്ന ചിത്രം സംവിധാനം ചെയ്തുകൊണ്ട് സ്വതന്ത്രസംവിധായകനായി. ചിത്രത്തിന്റെ കഥ, തിരക്കഥ, സംഭാഷണം  ഒരുക്കിയതും അഖിലായിരുന്നു. ജോജു ജോര്‍ജ്, നിരരഞ്ജ്, ഷമ്മി തിലകന്‍ എന്നിവരായിരുന്നു ചിത്രത്തിലെ പ്രധാന താരങ്ങള്‍.

Also Read: ബ്രേക്കപ്പിനു ശേഷം ജീവനെ മുഖാമുഖം കണ്ടപ്പോൾ; അമ്പരന്ന് അനുമോൾ, Bigg Boss Malayalam 7

ലിഫ്റ്റ്, ബിസൈഡ്‌സ് എന്നിങ്ങനെ രണ്ട് ഷോര്‍ട്ട് ഫിലിമികളും അഖിൽ സംവിധാനം ചെയ്തിട്ടുണ്ട്. അവശേഷിപ്പുകള്‍ എന്നൊരു പുസ്തകവും അഖിലിന്റേതായി പ്രസിദ്ധീകരിച്ചിട്ടുണ്ട്. 

അടുത്തിടെ, അഖിൽ നായകനായ 'മിഡ്നൈറ്റ് ഇൻ മുള്ളൻകൊല്ലി' തിയേറ്ററുകളിലെത്തിയിരുന്നു. ചിത്രം വേണ്ടത്ര ശ്രദ്ധ നേടിയില്ല. ചിത്രത്തിന്റെയും സംവിധായകന്റെയും പരാജയം തന്റെ തലയിൽ കെട്ടിവയ്ക്കാനുള്ള ശ്രമമാണ് നടക്കുന്നത് എന്നാരോപിച്ച് അഖിൽ മാരാർ ഫേസ്ബുക്കിൽ വീഡിയോ പങ്കുവയ്ക്കുകയും ചെയ്തിരുന്നു. 

Also Read: 30 ലക്ഷത്തിന്റെ കടം; വിവാഹത്തിനായി തുക കണ്ടെത്തണം: അനുമോൾ ; Bigg Boss Malayalam Season 7