ഇതുപോലൊരു മണ്ടൻ ഗെയിമറെ ബിഗ് ബോസ് ചരിത്രത്തിൽ വേറെ കണ്ടിട്ടില്ല; ഷാനവാസിനെതിരെ രൂക്ഷ വിമർശനം: Bigg Boss Malayalam 7

Bigg Boss malayalam Season 7: കഴിഞ്ഞ ദിവസം ബിഗ് ബോസ് ആര്യന് ഒരു സീക്രട്ട് ടാസ്ക് നൽകിയിരുന്നു. ആര്യനും  അക്ബറും ലക്ഷ്മിയുമെല്ലാം ചേർന്ന് രസകരമായി മുന്നോട്ടു കൊണ്ടുപോയ ഗെയിം പൊളിച്ചത് ഷാനവാസ് ആയിരുന്നു. ഇതോടെ ഷാനവാസിന് എതിരെ പ്രേക്ഷക പ്രതിഷേധം ഇരമ്പുകയാണ്. 'മലയാളം ബിഗ് ബോസ് ചരിത്രത്തിലെ തന്നെ ഏറ്റവും മരമണ്ടൻ ആയ മത്സാരാർത്ഥി എന്ന ബഹുമതി ഇന്നത്തെ ഒറ്റ എപ്പിസോഡ് കൊണ്ട് ഷാനവാസ് സ്വന്തമാക്കി' എന്നാണ് സോഷ്യൽ മീഡിയയിൽ ഉയരുന്ന പ്രധാന വിമർശനം.

Also Read: ആര്യനും ഷാനവാസും തമ്മിൽ വൻ അടി; അതിരുവിട്ട് വഴക്ക് ; Bigg Boss Malayalam Season 7

ബിഗ് ബോസ് ഹൗസിൽ സംഭവിച്ചതെന്ത്?
സീക്രറ്റ് ടാസ്ക് നടക്കുന്നതിന് ഇടയിൽ ആര്യന് മത്സരാർഥികളിൽ വിശ്വസ്തരായവരെ കൂടെ ചേർക്കാൻ ബിഗ് ബോസ് ആര്യന് നിർദ്ദേശം നൽകിയിരുന്നു.  എന്നാൽ ആര്യൻ സീക്രറ്റ് ടാസ്കിനെ കുറിച്ച് പറഞ്ഞപ്പോൾ അത് വിശ്വസിക്കാൻ ഷാനവാസ് തയ്യാറായില്ല. 

ഷാനവാസിനെ വിശ്വസിപ്പിക്കാൻ ആര്യൻ ആവുന്നത്ര ശ്രമിച്ചു. ബിന്നിയെ കൂടെ ചേർത്ത കാര്യം ആര്യൻ പറഞ്ഞെങ്കിലും ഇത് തനിക്കുള്ള പണിയാണോ എന്ന ചിന്തയിൽ ഷാനവാസ് ഇടഞ്ഞു നിന്നു. തന്റെ കുഞ്ഞിനെ തൊട്ട് സത്യം ചെയ്യുന്നു എന്നെല്ലാം ലക്ഷ്മി പറഞ്ഞെങ്കിലും ഷാനവാസ് വിശ്വസിച്ചില്ല. മാത്രമല്ല, ആദിലയോടും നൂറയോടും അനീഷിനോടും നെവിനോടും ഇക്കാര്യം ഷാനവാസ് പറയുകയും ചെയ്തു.  

Also Read: ആ അജ്ഞാതൻ സാബുമോൻ! സീക്രറ്റ് ടാസ്കിൽ വമ്പൻ ട്വിസ്റ്റ് ; Bigg Boss Malayalam Season 7

ആറ് പേര് ഉണ്ടെങ്കിൽ മാത്രമേ ടാസ്ക് മുൻപോട്ട് പോകുമായിരുന്നുള്ളൂ. ആര്യന് അഞ്ച് പേരെയാണ് ആ സമയം ഒപ്പം ചേർക്കാൻ പറ്റിയിരുന്നത്. ഷാനവാസ് വരാതിരുന്നതോടെ അഞ്ച് പേരുമായി ടാസ്ക് തീർക്കാൻ ബിഗ് ബോസ് ആര്യനോട് നിർദേശിച്ചു. ഒടുവിൽ സീക്രറ്റ് ടാസ്കിലെ അജ്ഞാതനെ ഇവർ ബാത്ത്റൂമിൽ കൊണ്ടുപോയി ഒളിപ്പിച്ചു. ഒടുവിൽ അനുമോളാണ് ടാസ്ക് പൊളിച്ച് അജ്ഞാതനെ പുറത്തിറക്കിയത്. ബിഗ് ബോസ് മലയാളം സീസൺ വണ്ണിലെ വിന്നറായ സാബുമോനായിരുന്നു അജ്ഞാതനായി ഹൗസിലെത്തിയത്. 

Also Read: നെവിൻ 'വില്ലത്തി'; തുടരെ അധിക്ഷേപിച്ച് സാബുമാൻ; അൽപ്പമെങ്കിലും ബോധമുണ്ടോ? Bigg Boss Malayalam Season 7

സീക്രറ്റ് ടാസ്ക് നടന്നുകൊണ്ടിരിക്കെ ഷാനവാസും ആര്യനും തമ്മിൽ കയ്യാങ്കളിയും നടന്നു. ആര്യൻ തന്നെ മോശമായി എന്തോ വിളിച്ചു എന്ന് പറഞ്ഞാണ് ഷാനവാസ് ആര്യനോട്  കൊമ്പുകോർത്തത്. വാക്കുതർക്കത്തിന് ഇടയിൽ ഷാനവാസിനെ ആര്യൻ തോളുകൊണ്ട് തള്ളി. പിന്നാലെ ഷാനവാസും തള്ളിയതോടെയാണ് ഇരുവരും തമ്മിൽ അടിപിടിയിലേക്ക് നീങ്ങിയേക്കാവുന്ന സാഹചര്യം ഉണ്ടായത്.  അനീഷും സാബുമാനുമെല്ലാം ചേർന്ന് പാടുപെട്ടാണ് ഇരുവരേയും പിടിച്ചുമാറ്റിയത്.  

Also Read: ഏത് ടൈപ്പ് ഇക്ക ആയാലും തല്ലാൻ വരണ്ട! ഷാനവാസിനെ പെൻസിൽ കൊണ്ട് കുത്താനോങ്ങി ആദില ; Bigg Boss Malayalam Season 7