ആദിലയോട് വെറുപ്പാണ്; പെരുമാറ്റം സഹിക്കാനാവുന്നില്ല; കളി മാറ്റി പിടിച്ച് ഷാനവാസ് ; Bigg Boss Malayalam Season 7

Bigg Boss malayalam Season 7:ബിഗ് ബോസ് മലയാളം സീസൺ ഏഴിലെ പ്രേക്ഷകരുടെ ശ്രദ്ധ പിടിച്ച സഖ്യമായിരുന്നു ആദില, നൂറ, ഷാനവാസ് എന്നത്. എന്നാൽ ഷാനവാസിനെ മോഹൻലാൽ നിർത്തിപ്പൊരിച്ച കഴിഞ്ഞ വീക്കെൻഡ് എപ്പിസോഡോടെ ഷാനവാസിനൊപ്പം ഇനി നിൽക്കില്ലെന്ന് ആദില വ്യക്തമാക്കി. താൻ മക്കളെ പോലെയാണ് ഇവരെ കണ്ടിരുന്നത് എന്നും ഇവരുടെ ഭാഗത്ത് നിന്നുണ്ടായ മാറ്റം ഞെട്ടിച്ചെന്നും കണ്ണീരടക്കനാവാതെ ഷാനവാസ് പറഞ്ഞിരുന്നു. എന്നാൽ ആദിലയോട് ഇപ്പോൾ തനിക്ക് വെറുപ്പാണ് എന്ന് പറഞ്ഞ് 'പെങ്ങളൂട്ടികൾക്കെതിരെ' ഗെയിം തിരിച്ചിരിക്കുകയാണ് ഷാനവാസ്. 

കഴിഞ്ഞ ദിവസം രാത്രി അനുമോളുമായി സംസാരിക്കുമ്പോഴാണ് ആദിലയെ വെറുക്കുന്നതായി ഷാനവാസ് പറഞ്ഞ്. നൂറയുമായി തനിക്ക് പ്രശ്നങ്ങൾ ഇല്ല. എന്നാൽ ആദിലയുടെ പെരുമാറ്റം സഹിക്കാനാവുന്നില്ല. ആദിലയുടെ ഈ പെരുമാറ്റത്തോടെ അവളോട് വെറുപ്പാണ് തോന്നുന്നത്. ആദിലയുടെ ഈ പെരുമാറ്റം ഇങ്ങനെ സഹിക്കേണ്ട കാര്യം തനിക്കില്ല എന്നും അനുമോളോട് ഷാനവാസ് പറഞ്ഞു.

Also Read: ഒറ്റപ്പെടൽ സ്ട്രാറ്റജിയുമായി അനുമോൾ; കിലുക്കാംപെട്ടിയെന്ന് അനീഷ് ; Bigg Boss Malayalam Season 7

അനുമോൾ-നെവിൻ തർക്കത്തിന് ഇടയിൽ ആദില തന്നോട് മോശമായി സംസാരിച്ചതാണ് ഇനി ഇവർക്കൊപ്പം നിൽക്കേണ്ടതില്ല എന്ന തീരുമാനത്തിലേക്ക് തന്നെ എത്തിച്ചത് എന്നും ഷാനവാസ് പറഞ്ഞു. അനുമോളും നെവിനും തമ്മിൽ ഭക്ഷണത്തിന്റെ പേരിൽ രാത്രി തർക്കമുണ്ടായതിന് പിന്നാലെ ബിഗ് ബോസ് എല്ലാ മത്സരാർഥികളോടും ലിവിങ്റൂമിൽ വന്ന് ഇരിക്കാൻ പറഞ്ഞു. ഈ സമയം പ്രശ്നങ്ങളിലേക്ക് വരാതെ കിടന്ന് ഉറങ്ങുകയായിരുന്ന ലക്ഷ്മിയെ ആദില എഴുന്നേൽപ്പിക്കാൻ നോക്കിയപ്പോൾ ഷാനവാസ് തടഞ്ഞിരുന്നു. 

Also Read: ഇവിടെ നിന്ന് ഇറങ്ങിയാലും ഒരു ലൈഫ് ഉണ്ട്; കണ്ണീരടക്കാനാവാതെ ഷാനവാസ് ; Bigg Boss Malayalam Season 7

ഉറങ്ങുന്ന ആളെ എന്തിനാണ് വിളിച്ച് എഴുന്നേൽപ്പിച്ച് കൊണ്ടുപോകുന്നത് എന്ന് പറഞ്ഞപ്പോൾ ആദില തനിക്ക് നേരെ ചാടി കടിക്കുകയായിരുന്നു എന്ന് അനുമോളോട് ഷാനവാസ് പറഞ്ഞു. തുടരെ ആദിലയിൽ നിന്ന് ഇത്തരം പെരുമാറ്റം ഉണ്ടാകുന്നു. ഇത് തനിക്ക് സഹിക്കേണ്ട കാര്യമില്ല. അവരുടെ സപ്പോർട്ട് ഇവിടെ നിൽക്കാൻ എനിക്ക് വേണ്ട. ഞാൻ അവരെ സപ്പോർട്ട് ചെയ്യുകയാണ് ചെയ്തത്. ഇനി അത് ഉണ്ടാവില്ല എന്നും ഷാനവാസ് പറഞ്ഞു.

Also Read: ഒറ്റയടിക്ക് അ'കു'ബർ ട്രോളുകൾക്ക് പൂട്ടിട്ടു; സ്കോർ ചെയ്ത് ഷാനവാസ് ; Bigg Boss Malayalam Season 7

ഇതോടെ ആദിലയ്ക്ക് എതിരെ ഷാനവാസ് തന്റെ ഗെയിം തിരിച്ചിരിക്കുന്നു എന്ന് വ്യക്തമായി. കഴിഞ്ഞ ദിവസം ആദിലയും നൂറയും തമ്മിൽ സംസാരിക്കുന്നതിന് ഇടയിൽ ഷാനവാസിനെ വാഴ എന്നാണ് ഇവർ വിളിച്ചത്. ആദിലയുടേയും നൂറയുടേയും ഗെയിം സ്ട്രാറ്റജി മാറി എന്ന് വ്യക്തമായതോടെ ഇവർക്കെതിരെ തിരിഞ്ഞിരിക്കുകയാണ് ഷാനവാസ്.

നമ്മൾ അകന്നു എന്ന് കരുതി അക്ബറിനും സംഘത്തിനും മുൻപിലേക്ക് കൊത്തിവലിക്കാൻ നമ്മളെ ഇട്ടുകൊടുക്കരുത് എന്ന് ആദിലയും നൂറയും ഷാനവാസിനോട് പറഞ്ഞിരുന്നു. എന്നാൽ ഇരുകൂട്ടരും ഗെയിം സ്ട്രാറ്റജി മാറ്റുന്നതോടെ ഇവരുടെ തർക്കങ്ങൾ ഹൗസിനുള്ളിൽ വരും ദിവസങ്ങളിൽ പരസ്യമാവാനാണ് സാധ്യത. 

Read More: തമ്പുരാട്ടിയുടേയും രുദ്രന്റേയും റൊമാൻസ്; കട്ടുറുമ്പാവാനില്ലെന്ന് അനീഷ് ; Bigg Boss Malayalam Season 7