Bigg Boss: കാത്തിരിപ്പിനു വിരാമം; ബിഗ് ബോസ് ലോഞ്ച് തീയതി പ്രഖ്യാപിച്ചു

Bigg Boss malayalam Season 7: ഏറെ ആരാധകരുള്ള റിയാലിറ്റി ഷോയാണ് ബിഗ് ബോസ്. മോഹൻലാൽ ആണ് ബിഗ് ബോസ് മലയാളത്തിൽ അവതാരകനായെത്തുന്നത്. ഷോയുടെ ഏഴാം സീസണായുള്ള കാത്തിരിപ്പിലാണ് ആരാധകർ. ഇപ്പോഴിതാ, ഏഴാം സീസണിന്റെ ലോഞ്ച് തീയതി പ്രഖ്യാപിച്ചിരിക്കുകയാണ് ഏഷ്യാനെറ്റ്...

ഓഗസ്റ്റ് 3 നാണ് പുതിയ സീസൺ പ്രേക്ഷകരിലേക്ക് എത്തുക. വൈകീട്ട് 7 മണി മുതലാണ് സംപ്രേക്ഷണം. ഏഷ്യാനെറ്റിലും ജിയോ ഹോട്ട്സ്റ്റാറിലും ഷോ കാണാനാവും. അടുത്തിടെ പുറത്തിറക്കിയ പ്രോമോ വീഡിയോയുടെ പിന്നാമ്പുറ കാഴ്ചകൾക്കൊപ്പമാണ് തീയതി പ്രഖ്യാപിച്ചത്.

Also Read: ഒരൊന്നൊന്നര എൻട്രി തന്നെ; ബിഗ് ബോസ് സീസൺ 7 വരവറിയിച്ച് ലാലേട്ടൻ്റെ കിടിലൻ ടീസർ

ഇത്തവണ അവതാരകനായി മോഹൻലാൽ എത്തില്ലെന്ന അഭ്യൂഹങ്ങൾ നേരത്തെ പ്രചരിച്ചിരുന്നു. എന്നാൽ ഇതിനൊക്കെ വിരാമമിട്ടു പ്രൊമോയിൽ മോഹൻലാൽ പ്രത്യക്ഷപ്പെട്ടത്. ആവേശകരമായ പുതുപുത്തൻ ഗെയ്മുകളും ടാസ്ക്കുകളുമായിരിക്കും ഇത്തവണ എന്നാണ് ടീസറിലെ സൂചന.

Also Read: രേണു സുധി ബിഗ് ബോസിലേക്ക്?

സീസൺ അടുക്കുന്തോറും ബിഗ് ബോസ് മത്സരാർത്ഥികളെക്കുറിച്ചുള്ള ചർച്ചകളും സജീവമാകുന്നുണ്ട്. സിനിമ, സീരിയൽ, സ്പോർട്സ്, മ്യൂസിക്, സോഷ്യൽ മീഡിയ തുടങ്ങി നിരവധി മേഖലകളിലുള്ളവരുടെ പേരുകൾ ഉയർന്നു കേൾക്കുന്നുണ്ട്.

Also Read: ബിഗ് ബോസ് താരം സനയ്ക്ക് ലിവർ സിറോസിസ്; രോഗനിർണയം 32-ാം വയസ്സിൽ

രേണു സുധി, അലിൻ ജോസ് പെരേര, ലക്ഷ്മി നക്ഷത്ര, ബീന ആൻ്റണി, ആർ ജെ അഞ്ജലി, നാഗ സൈരന്ദ്രി, ബിജു സോപാനം, തുടങ്ങി വേടൻ വരെയുള്ളവരുടെ പേരുകളാണ് സോഷ്യൽ മീഡിയയിലെ പ്രെഡിക്ഷൻ ലിസ്റ്റുകളിൽ ഉള്ളത്. സീസൺ 7ൻ്റെ പുതിയ അപ്ഡേറ്റുകൾക്കായി ഏവരും കാത്തിരിക്കുകയാണ്.  

Read More: ബിഗ് ബോസിന്റെ പേരിൽ തട്ടിപ്പ്; പണം നൽകി വഞ്ചിതാവരുതെന്ന് മുന്നറിയിപ്പ്