Bigg Boss Malayalam Season 7: ഇത് നിങ്ങൾ ഉദ്ദേശിച്ച ആളല്ല! നെവിന്റെ കളികൾ ഹൗസ് കാണാനിരിക്കുന്നതേയുള്ളു

Bigg Boss malayalam Season 7: പ്രേക്ഷകർ ഏറെ ആകാംക്ഷയോടെ കാത്തിരുന്ന ബിഗ് ബോസ് മലയാളം സീസൺ ഏഴിന് തിരശ്ശീല ഉയർന്നിരിക്കുകയാണ്.  കൊറിയോഗ്രാഫറായ നെവിൻ കാപ്രേഷ്യസ് ആണ് മത്സരാർത്ഥികളിൽ ഒരാളായി ബിഗ് ബോസ് വീട്ടിലേക്ക് എത്തിയിരിക്കുന്നത്. നെവിനെ കുറിച്ച് കൂടുതലറിയാം.

Bigg Boss Malayalam Season 7: Who Is Nevin Kapparesious Ambroz? 

മലയാളിക്ക് അത്ര സുപരിചിതമായ മുഖമായിരുന്നില്ല നെവിന്റേത്. എന്നാൽ  ബിഗ് ബോസ് സീസൺ 7 ആരംഭിച്ച് അഞ്ച് ദിവസം പിന്നിടുമ്പോൾ നെവിൻ പ്രേക്ഷകരുടെ ശ്രദ്ധ പിടിച്ചു കഴിഞ്ഞു. ബിഗ് ബോസിലെ ആദ്യ നോമിനേഷനിൽ നെവിനെ എവിക്ഷൻ നോമിനേറ്റ് ചെയ്യാൻ കൺഫഷൻ റൂമിൽ വന്ന ആര്യന് നെവിന്റെ പേര് വ്യക്തമായി പറയാൻ പോലും സാധിച്ചിരുന്നില്ല. എന്നാൽ ഹൗസിനുള്ളിലുള്ളവർക്കും പ്രേക്ഷകർക്കും പരിചയമില്ലായിരുന്ന നെവിൻ അഞ്ച് ദിവസത്തിനുള്ളിൽ താനൊരു നല്ല എന്റർടെയ്നറും മത്സരാർഥിയും ആയിരിക്കും എന്ന പ്രതീതി സൃഷ്ടിച്ച് കഴിഞ്ഞു. ഈ സീസണിലെ മികച്ച എന്റർ ടെയ്നറും ബുദ്ധിയുള്ള കളിക്കാരനും നെവിൻ ആണ് എന്ന അഭിപ്രായം ഉയരുകയാണ്. ഇനി ആരാണ് നെവിൻ, എന്താണ് നെവിന്റെ പ്രൊഫഷൻ എന്ന് അറിയണ്ടേ? 

Also Read: Bigg Boss Malayalam Season 7: അതിഥികളെ 'പൊരിക്കുന്ന' ശാരിക ബിഗ് ബോസ് ഹൗസിലും ബോസാകുമോ?

പല പല മേഖലകളിൽ കഴിവ് തെളിയിക്കുന്ന വ്യക്തിയാണ് നെവിൻ. ബിഗ് ബോസ് ധരിക്കാനായി കൊടുത്ത വസ്ത്രം അണിഞ്ഞ് നെവിൻ പരാതിയായി പറയുന്നത് പല പല നിറങ്ങളിൽ നിറഞ്ഞു നിൽക്കുന്ന ഞാൻ ഇങ്ങനെയൊരു വസ്ത്രം ധരിക്കുന്നത് ആദ്യമായാണ് എന്നാണ്. ഈ വാക്കുകളിൽ  നിന്ന് തന്നെ നെവിൻ എന്ന കലാകാരൻ വ്യക്തമാകുകയാണ്. ഫാഷൻ കൊറിയോഗ്രാഫറാണ് നെവിൻ. എന്നാൽ അതിൽ ഒതുങ്ങി നിൽക്കുന്നില്ല ഈ യുവാവ്. 

Also Read: Bigg Boss Malayalam Season 7: ഫോർട്ട് കൊച്ചിക്കാർ കട്ടയ്ക്ക് ഒനീൽ സാബുവിന് ഒപ്പമാണോ? 

ആർട്ട് ഡയറക്ടർ, സ്റ്റൈലിസ്റ്റ്, ലൈസൻസ്ഡ് സൂംബാ പരിശീലകൻ, പേജന്റ് ഗ്രൂമറും കൂടിയാണ് നെവിൻ. ഇന്റീരിയൽ ഡിസൈനിങ്ങിൽ ആണ് നെവിൻ ബിരുദമെടുത്തിരിക്കുന്നത്. മോഡലിങ്ങിലേക്ക് ചുവടുവയ്ക്കുന്നവർക്ക് പരിശീലനം നൽകുന്ന ഒരു ഹബ്ബ് നെവിൻ നടത്തുന്നുണ്ട്. 

Also Read; Bigg Boss: രേണു സുധി ഫ്‌ളവർ അല്ലടാ ഫയറാടാ, താഴത്തില്ലടാ; വൈറലായി റീൽ

ഡാൻസിലൂടെ ശാരീരിക ഫിറ്റ്നസ് കൈവരിക്കുക എന്ന ലക്ഷ്യവുമായി ഈ മേഖലയിൽ നിരവധി പേർക്ക് പരിശീലനം നൽകുന്നുണ്ട് നെവിൻ. ഇൻസ്റ്റഗ്രാമിൽ വലിയ ഫോളോവേഴ്സ് നെവിനുണ്ട്. ഇവരുടെ പിന്തുണ വോട്ടിന്റെ രൂപത്തിൽ എത്തുകയും വരും ദിവസങ്ങളിൽ ഹൗസിനുള്ളിൽ നന്നായി ഗെയിം കളിക്കാനുമായാൽ നെവിന് ഹൗസിൽ ഏറെ ദൂരം മുൻപോട്ട് പോകാൻ കഴിഞ്ഞേക്കും.

Read More: Bigg Boss Malayalam Season 7: 'ക്യാമറ സ്പേസിന് അല്ല, ക്വാളിറ്റി കണ്ടന്റ് ഉണ്ടാക്കും'; ഹൃദയം കവരാൻ ആര്യൻ കദൂരിയ