Bigg Boss Malayalam Season 7: ആദ്യ ആഴ്ചയിൽ പുറത്താകുമോ? മുൻഷിയിലെ രസികൻ ഹൗസിനുള്ളിൽ രസിപ്പിക്കുന്നുണ്ടോ?

Bigg Boss malayalam Season 7: പ്രേക്ഷകർ ഏറെ ആകാംക്ഷയോടെ കാത്തിരുന്ന ബിഗ് ബോസ് മലയാളം സീസൺ ഏഴിന് തിരശ്ശീല ഉയർന്നിരിക്കുകയാണ്. നടൻ മുൻഷി രഞ്ജിത് ആണ് മത്സരാർത്ഥികളിൽ ഒരാളായി ബിഗ് ബോസ് വീട്ടിലേക്ക് എത്തിയിരിക്കുന്നത്. മുൻഷി രഞ്ജിത്തിനെ കുറിച്ച് കൂടുതലറിയാം.

Bigg Boss Malayalam Season 7: Who Is Munshi Ranjeet?

മലയാളിക്ക് പരിചിതമാണ് തന്റെ മുഖം എന്ന ആത്മവിശ്വാസത്തിൽ ആണ് മുൻഷി രഞ്ജിത്ത് ബിഗ് ബോസ് ഹൗസിലേക്ക് എത്തിയത്. എന്നാൽ പ്രായം വെച്ച് നോക്കുമ്പോൾ ഹൗസിലെ മുതിർന്ന വ്യക്തികളിൽ ഒരാളായ മുൻഷി രഞ്ജിത്തിന്റെ ഹൗസിലെ ഏറ്റവും പ്രായം കുറഞ്ഞ മത്സരാർഥിയായ റെനയുമായുള്ള കൊമ്പുകോർക്കൽ പ്രതികൂലമായി ബാധിക്കുന്നുണ്ടോ എന്ന ചോദ്യം ഉയരുന്നുണ്ട്. 

Also Read: Bigg Boss Malayalam Season 7: അതിഥികളെ 'പൊരിക്കുന്ന' ശാരിക ബിഗ് ബോസ് ഹൗസിലും ബോസാകുമോ?

1993ൽ വർണ്ണച്ചിറകുകൾ എന്ന സിനിമയിൽ അഭിനയിച്ചത് മുതൽ മലയാളികൾക്ക് മുൻപിൽ മുൻഷി രഞ്ജിത് ഉണ്ട്. നിരവധി ടെലിവിഷൻ പരമ്പരകളിൽ അദ്ദേഹം പ്രത്യക്ഷപ്പെട്ടു. എന്നാൽ ഏഷ്യാനെറ്റ് ന്യൂസിലെ മുൻഷി എന്ന രാഷ്ട്രീയ- സാമൂഹിക ആക്ഷേപഹാസ്യ പരിപാടിയാണ് രഞ്ജിത്തിനെ പ്രശസ്തനാക്കിയത്. മുൻഷിയിലെ ബാർബർ ഭാഗ്യം എന്ന കഥാപാത്രമായി എത്തിയ രഞ്ജിത്തിന് വലിയ രീതിയിൽ ജനപ്രീതി നേടാനായി. 

Also Read: Bigg Boss Malayalam Season 7: ഫോർട്ട് കൊച്ചിക്കാർ കട്ടയ്ക്ക് ഒനീൽ സാബുവിന് ഒപ്പമാണോ? 

മുൻഷി കഴിഞ്ഞാൽ പിന്നെ ഇദ്ദേഹം കൂടുതൽ ശ്രദ്ധിക്കപ്പെട്ടത് മേഘം എന്ന ടെലിവിഷൻ സീരിയലിൽ ആണ്. മോനായി അങ്ങനെ ആനയായി, നാടകമേ ഉലകം, നോട്ട് ഔട്ട്, രഘുവിൻ്റെ സ്വന്തം റസിയ, പത്തൊമ്പതാം നൂറ്റാണ്ട് എന്നീ സിനിമകളിലെ വേഷങ്ങളും ശ്രദ്ധിക്കപ്പെട്ടു. കൊല്ലം കരുനാഗപ്പള്ളിയിലാണ് അദ്ദേഹ ജനിച്ചത്. 

Also Read; Bigg Boss: രേണു സുധി ഫ്‌ളവർ അല്ലടാ ഫയറാടാ, താഴത്തില്ലടാ; വൈറലായി റീൽ

View this post on Instagram

A post shared by RANJEET ARMY (@ranjeet_army_official)

ആദ്യ ആഴ്ചയിലെ എവിക്ഷൻ നോമിനേഷൻ ലിസ്റ്റിൽ മുൻഷി രഞ്ജിത്തിന്റെ പേരും ഉൾപ്പെട്ടിട്ടുണ്ട്. ആക്ടീവ് അല്ല എന്ന വാദമാണ് മുൻഷി രഞ്ജിത്തിന് എതിരെ മത്സരാർഥികളിൽ പലരും ഉന്നയിച്ചത്. എവിക്ഷൻ ലിസ്റ്റിൽ ഉൾപ്പെട്ടവരിൽ ഡെയിഞ്ചറസ് സോണിലാണ് മുൻഷി രഞ്ജിത് എന്നാണ് വിലയിരുത്തപ്പെടുന്നത്. എന്നാൽ വർഷങ്ങളായി പരിചിതമായ മുഖം എന്ന പരിഗണനയിൽ പ്രേക്ഷകർ വോട്ട് കുത്തിയാൽ മുൻഷി രഞ്ജിത്തിന് മുൻപോട്ട് പോകാനായേക്കും.  

Read More: Bigg Boss Malayalam Season 7: 'ക്യാമറ സ്പേസിന് അല്ല, ക്വാളിറ്റി കണ്ടന്റ് ഉണ്ടാക്കും'; ഹൃദയം കവരാൻ ആര്യൻ കദൂരിയ