അനീഷിനെ ആക്രമിച്ച് അക്ബർ? ബിഗ് ബോസ് ഹൗസിൽ കൂട്ടത്തല്ല്: Bigg Boss Malayalam Season 7

Bigg Boss malayalam Season 7:പണിപ്പുരയിൽ കയറാൻ ബിഗ് ബോസ് നൽകിയ രണ്ടാമത്തെ ടാസ്ക്കോടെ ഹൗസിൽ കൂട്ടത്തല്ല്. ടാസ്കിൽ അനീഷ് എടുത്ത നിലപാടിൽ ക്ഷുഭിതനായി അനീഷിന് നേർക്ക് അക്ബർ കുഷ്യൻ ശക്തിയായി വലിച്ചെറിഞ്ഞു. മോശമായ ഭാഷയിലായിരുന്നു അക്ബർ, അപ്പാനി ശരത് ഉൾപ്പെടെയുള്ളവർ അനീഷിനെ നേരിട്ടത്. അനീഷിനെ ശാരീരികമായി ആക്രമിക്കാൻ പോകുന്ന രീതിയിലേക്ക് വരെ കാര്യങ്ങൾ എത്തി. 

അനീഷ് മിണ്ടിയതോടെ കൂട്ടയാക്രമണം

ഈ സീസൺ മുഴുവൻ മിണ്ടരുത് എന്നാണ് അനീഷിന് കിട്ടിയ ടാസ്ക് ലെറ്ററിൽ പറഞ്ഞിരുന്നത്. ഇതോടെ അനീഷ് മൗനം ആരംഭിച്ചു. ടാസ്കിൽ മത്സരാർഥികൾ പരാജയപ്പെട്ടതോടെ എല്ലാവരും പിരിഞ്ഞ് പൊയ്ക്കോളാൻ ബിഗ് ബോസ് പറഞ്ഞു.  പിന്നാലെ അനീഷ് സംസാരിക്കാൻ തുടങ്ങി. ഇതോടെ മത്സരാർഥികളെല്ലാം അനീഷിനെതിരെ തിരിഞ്ഞു. മരവാഴ എന്നാണ് അനീഷിനെ അക്ബർ ഉൾപ്പെടെയുള്ളവർ വിളിച്ചത്.

അനീഷിനെ അക്ബറും അപ്പാനി ശരത്തും മോശമായ ഭാഷയിലാണ് നേരിട്ടത്. കവിളത്ത് തോണ്ടുന്നതുൾപ്പെടെയുള്ള നീക്കങ്ങളും ഇവരുടെ ഭാഗത്ത് നിന്നുണ്ടായി. ഇതിനിടയിലാണ് അനീഷിന് നേർക്ക് അക്ബർ കുഷ്യൻ ശക്തിയിൽ വലിച്ചെറിഞ്ഞത്. ഇതിനെതിരെ പല മത്സരാർഥികളും പ്രതികരിച്ചു. എന്നാൽ താൻ എറിഞ്ഞത് അനീഷിന്റെ ദേഹത്ത് കൊണ്ടില്ലെന്നും കൊണ്ടാൽ മാത്രം ക്ഷമ ചോദിച്ചാൽ മതിയെന്നുമുള്ള നിലപാടാണ് അക്ബർ സ്വീകരിച്ചത്.

എന്തുകൊണ്ട് ടാസ്കിൽ അങ്ങനെ നിലപാടെടുത്തു എന്ന് അനീഷ് പറയുന്നത് ഇങ്ങനെ, "നേരത്തെ ഫാമിലി വീക്ക് എന്ന് പറഞ്ഞ് ബിഗ് ബോസ് പറ്റിച്ചില്ലേ? ഇത്തവണയും ബിഗ് ബോസ് പറ്റിക്കുന്നതായിക്കൂടേ? എങ്ങനെ ബിഗ് ബോസിനെ വിശ്വസിക്കാൻ പറ്റും, ഇത് ഏഴിന്റെ പണിയുടെ സീസൺ അല്ലേ. ഞാൻ സംസാരിക്കുകയാണ് എങ്കിൽ ആ സമയം ബിഗ് ബോസ് നമ്മളോട് ആ ടാസ്കിൽ നമ്മൾ തോറ്റു എന്ന് പറഞ്ഞാൽ എന്ത് ചെയ്യും," എന്നാണ് അനീഷ് പറഞ്ഞത്.

എന്തായിരുന്നു ടാസ്ക്?

1000 പോയിന്റിന്റെ ടാസ്ക് ആയിരുന്നു ഇത്. ഈ ടാസ്കിലേക്ക് മത്സരിക്കാൻ എന്തും ചെയ്യാൻ ധൈര്യമുള്ള മൂന്ന് പേരെ തിരഞ്ഞെടുക്കാൻ ബിഗ് ബോസ് പറഞ്ഞു. ഇതോടെ മത്സരാർഥികൾ തിരഞ്ഞെടുത്തത് പ്രകാരം ആര്യനും ജിസേലും അനീഷും ആക്ടിവിറ്റി ഏരിയയിലേക്ക് പോയി. എന്നാൽ ഏഴിന്റെ പണിയായിരുന്നു ഇവിടെ ഈ മൂന്ന് പേരെയും കാത്തിരുന്നത്. 

ടാസ്ക് തുടങ്ങിയിട്ടില്ല എന്ന് ബിഗ് ബോസ് പറഞ്ഞിട്ടും അനീഷ് കേട്ടില്ല

ഇപ്പോൾ മുതൽ സീസൺ അവസാനിക്കുന്നത് വരെ സംസാരിക്കാൻ പാടില്ല എന്നാണ് അനിഷിന് ലഭിച്ച കാർഡിൽ എഴുതിയിരുന്നത്. പിന്നാലെ ആര്യൻ കാർഡ് എടുത്തു. എന്നാൽ ആര്യന് മലയാളം വായിക്കാൻ അറിയില്ലാത്തതിനാൽ അനീഷിനോട് വായിച്ച് തരാൻ ആവശ്യപ്പെടുന്നു. എന്നാൽ അനീഷ് മിണ്ടാൻ തയ്യാറായില്ല. ടാസ്ക് ആരംഭിച്ചിട്ടില്ല എന്ന് ബിഗ് ബോസ് പറഞ്ഞിട്ടും ആര്യന് വായിച്ചുകൊടുക്കാൻ അനീഷ് തയ്യാറായില്ല. ഇതോടെ ലിവിങ്റൂമിൽ നിന്ന് അപ്പാനി ശരത് വന്ന് ആര്യനും ജിസേലിനും കാർഡ് വായിച്ചുകൊടുത്തു. 

Also Read: Bigg Boss: ബിഗ് ബോസ് ഏഴാം സീസണിനായി മോഹൻലാൽ വാങ്ങുന്ന പ്രതിഫലം എത്രയാണെന്നറിയാമോ?

ഓരോരുത്തർക്കും ഒരു ടാസ്ക് ആണ് ബിഗ് ബോസ് നൽകിയത്. ജിസേലിന് ലഭിച്ചത് തല മുണ്ഡനം ചെയ്യാനുള്ള ടാസ്ക് ആയിരുന്നു, ആര്യന് ജ്യൂസ് കുടിക്കാനും. ജിസേൽ മുടി മൊട്ടയടിക്കില്ല എന്ന നിലപാടെടുത്തു. ജിസേൽ അത് ചെയ്യേണ്ടത് ഇല്ല ഇന്ന് ആര്യനും പറഞ്ഞു. ഈ സമയം അത്രയും അനീഷ് മിണ്ടാൻ തയ്യാറായില്ല. ആര്യനോടും ജിസേലിനോടും ഒപ്പം ചർച്ചയിൽ ചേർന്നതും ഇല്ല.

മറ്റ് മത്സരാർഥികൾ പ്രകോപിപ്പിച്ചിട്ടും മിണ്ടാതെ അനീഷ്

 "1000 പോയിന്റ്സിന് വേണ്ടിയാണെങ്കിൽ ഹൗസിലുള്ളവർക്ക് വേണ്ടി ഇന്നും നാളെയും ഞാൻ ഫുഡ് കഴിക്കില്ല. തല മൊട്ടയടിക്കുക എന്നത് ഞങ്ങൾക്ക് മതത്തിന്റെ ഭാഗമാണ്. അച്ഛൻ മരിക്കുമ്പോഴാണ് ഞങ്ങൾ തല മൊട്ടയടിക്കുന്നത്. ഇപ്പോൾ ഹൗസിൽ ഞാനത് ചെയ്താൽ അത് എന്റെ കുടുംബാംഗങ്ങളെ ബാധിക്കും. അതുകൊണ്ട് തലമൊട്ടയടിക്കാൻ ഞാൻ തയ്യാറല്ല", ആക്ടിവിറ്റി ഏരിയയിൽ നിന്ന് ആര്യൻ പറഞ്ഞു. 

Also Read: അനുമോളെ വച്ച് നോക്കുമ്പോൾ രേണുവൊക്കെ എത്ര  ക്വാളിറ്റിയുള്ള ആളാ: അക്ബർ ഖാൻ- Bigg Boss Malayalam Season 7

എന്നാൽ പിന്നെ സംസാരിച്ചപ്പോൾ മതം ഇവിടെ വിഷയം അല്ല എന്നും ആര്യൻ പറഞ്ഞു. അനീഷ് മിണ്ടാതിരിക്കുകയും ആര്യനും ജിസേലും തമ്മിൽ തീരുമാനത്തിലെത്താതേയും വന്നതോടെ മറ്റ് മത്സരാർഥികളെ ആക്ടിവിറ്റി ഏരിയയിലേക്ക് ബിഗ് ബോസ് കൊണ്ടുവന്നു. ഇതോടെ പലരും ആര്യൻ അല്ലെങ്കിൽ ജിസേൽ തല മൊട്ടയടിക്കണം എന്ന് അഭിപ്രായപ്പെട്ടു. ഈ സമയം അത്രയും അനീഷ് എല്ലാ മത്സരാർഥികളും പ്രകോപിപ്പിച്ചിട്ടും അനീഷ് മിണ്ടാൻ തയ്യാറായില്ല. 

ഞങ്ങൾ തലമൊട്ടയടിക്കാമെന്ന് ഇവർ

ആര്യന് പകരം തല മൊട്ടയടിക്കാൻ താത്പര്യം ഉണ്ടെന്ന് അപ്പാനി ശരത്, അഭിലാഷ്, അക്ബർ ഖാൻ ഉൾപ്പെടെയുള്ളവർ പറഞ്ഞു. എന്നാൽ അനീഷ്, ആര്യൻ, ജിസേൽ എന്നീ മൂന്ന് പേർക്ക് മാത്രമേ ഈ ടാസ്ക് ചെയ്യാൻ സാധിക്കുകയുള്ളെന്ന് ബിഗ് ബോസ് പറഞ്ഞു. ഒരു പെൺകുട്ടിയോട് തലമൊട്ടയടിക്കാൻ പറയുന്നത് ശരിയല്ല എന്ന് ആര്യൻ പറഞ്ഞു. എന്നാൽ റെന ഫാത്തിമ ഉൾപ്പെടെ പലരും തലമൊട്ടയടിക്കാൻ തയ്യാറാണെന്ന് പറഞ്ഞു.  

Also Read: ബിഗ് ബോസ് അരോചകം, ഞാൻ പോവില്ലെന്ന് പറഞ്ഞയാളാണ്: സരികയെ വിമർശിച്ച് സോഷ്യൽ മീഡിയ- Bigg Boss Malayalam Season 7

മുടി വെട്ടിയാൽ നീ ഹീറോ ആവും എന്ന് അപ്പാനി ശരത്, ബിന്നി ഉൾപ്പെചെയുള്ളവർ ആര്യനോട് പറഞ്ഞെങ്കിലും ആര്യൻ തയ്യാറായില്ല. ഈ ടാസ്കിൽ തല മൊട്ടയടിച്ചാൽ ഇനി ഒരു എവിക്ഷനിലേക്കും എന്റെ പേര് നിങ്ങളാരും നോമിനേറ്റ് ചെയ്യരുത് എന്ന നിബന്ധന ആര്യൻ മറ്റ് മത്സരാർഥികൾക്ക് മുൻപിൽ വെച്ചു. സിനിമയിലെ ക്യാരക്റ്റർ ആണെങ്കിൽ മുടി മൊട്ടയടിക്കില്ലേ എന്ന് പലരും ചോദിച്ചപ്പോൾ ഇല്ലെന്നായിരുന്നു ആര്യന്റെ പ്രതികരണം. 

Also Read: ബിഗ് ബോസ് താരങ്ങൾക്ക് ഒരു ദിവസം ലഭിക്കുന്ന പ്രതിഫലം എത്രയെന്നറിയാമോ?: Bigg Boss Malayalam Season 7