അനുമോളെ വച്ച് നോക്കുമ്പോൾ രേണുവൊക്കെ എത്ര  ക്വാളിറ്റിയുള്ള ആളാ: അക്ബർ ഖാൻ- Bigg Boss Malayalam Season 7

Bigg Boss malayalam Season 7: ബിഗ് ബോസ് വീട്ടിൽ മത്സരാർത്ഥികൾ മൂന്നാമത്തെ ആഴ്ചയിലേക്കു കടന്നിരിക്കുകയാണ്. 19 മത്സരാർത്ഥികളുമായി ആരംഭിച്ച ഷോയിൽ നിന്നും മുൻഷി രഞ്ജിത്തും ആർജെ ബിൻസിയും ഇതിനകം എവിക്റ്റായി കഴിഞ്ഞു. 

മത്സരം മുറുകുന്നതോടെ ബിഗ് ബോസ് വീടിന്റെ അന്തരീക്ഷം വഴക്കും പോർവിളികളുമൊക്കെയായി കലുഷിതമാണ്. വീടിനകത്ത് പല ഗ്രൂപ്പുകൾ ഇതിനകം തന്നെ രൂപപ്പെട്ടു കഴിഞ്ഞു. സഹമത്സരാർത്ഥിയായ അനുമോളെ കുറിച്ച് അക്ബർ ഖാനും അപ്പാനി ശരതും നടത്തിയ നിരീക്ഷണമാണ് ഇപ്പോൾ ശ്രദ്ധ നേടുന്നത്.

Also Read: ‘നീ ഒറ്റ ഒരാൾ കാരണം ഒരു പെണ്ണിനെ പറഞ്ഞുവിട്ടു’; അപ്പാനിയോട് മാപ്പ് ചോദിച്ച് അനുമോൾ : Bigg Boss Malayalam Season 7

"അനുമോളെ വച്ച് നോക്കുമ്പോൾ രേണുവൊക്കെ എത്ര  ക്വാളിറ്റിയുള്ള ആളാണ്," എന്നാണ് അക്ബറിന്റെ വിലയിരുത്തൽ. അക്ബറിന്റെ ഈ വാക്കുകളോട് അപ്പാനി ശരതും യോജിക്കുന്നുണ്ട്. "രേണു ചേച്ചിയൊക്കെ അടിപൊളിയാണ്. സ്റ്റാൻഡേർഡ് ഗെയിമർ," എന്നാണ് അപ്പാനി കൂട്ടിച്ചേർക്കുന്നത്.

ആദ്യ ആഴ്ച, രേണുവിനെ സെപ്റ്റിക് ടാങ്ക് എന്ന് ഓമനപ്പേരിട്ട് വിളിച്ച അക്ബർ ആണ് ഇപ്പോൾ രേണുവിനെ കുറിച്ച് ഇങ്ങനെ തിരിച്ചുപറയുന്നത് എന്നതാണ് ഇതിലെ മറ്റൊരു കൗതുകം. 

Also Read: അനുമോൾക്ക് എന്താണ് ജിസേലിനോട് ഇത്ര പക? വഴക്കിനു പിറകിൽ അസൂയയോ? Bigg Boss Malayalam Season 7

വീടിനകത്തെ ഗ്രൂപ്പിസത്തെ കുറിച്ചും ശരതും അക്ബറും ചർച്ച ചെയ്യുന്നുണ്ട്. ബാക്കി എല്ലാവരും ഒരൊറ്റ ഗ്യാങ്ങാണ്. നമ്മൾ മാത്രമാണ് പുറത്ത് എന്നാണ് ശരതും അക്ബർ ഖാനും പറയുന്നത്. വീടിനകത്തെ നല്ലൊരു ഗെയിമർ ജിസേൽ മാത്രമാണെന്നും ഇരുവരും പറയുന്നു.

കഴിഞ്ഞ ദിവസം അനുമോളും അപ്പാനി ശരത്തും തമ്മിൽ വീടിനകത്ത് വലിയ വാക്കുതർക്കം തന്നെ നടന്നിരുന്നു. കിച്ചണിൽ വെച്ച്  അനുമോൾക്ക് നേരെ പാഞ്ഞടുത്ത അപ്പാനി ശരത്തിനെ അക്ബറും മറ്റും ചേർന്നാണ് പിടിച്ചുമാറ്റിയത്. ‘നീ ഒറ്റ ഒരാൾ കാരണം ഒരു പെണ്ണിനെ പറഞ്ഞുവിട്ടു’ എന്ന് അനുമോൾ പറഞ്ഞതോടെയാണ് ശരത്  പ്രകോപിതനായത്. 

Also Read: നൂറയുടെ ചുണ്ട് എനിക്ക് ഒരുപാട് ഇഷ്ടമാണ്; പ്രണയം തുടങ്ങിയതിനെ കുറിച്ച് ആദില -Bigg Boss Malayalam Season 7

ഏത് പെണ്ണ് എന്ന് ചോദിച്ച് അപ്പാനി ശരത് അനുമോളുടെ പിന്നാലെ പോയി തർക്കിച്ചു. അക്ബറും അനുമോളുടെ വാക്കുകൾ ചോദ്യം ചെയ്ത് ശക്തമായി പ്രതികരിച്ചു. കഴിഞ്ഞ ദിവസം എവിക്റ്റായ ആർ ജെ ബിൻസിയെ ആണ് അനുമോൾ സൂചിപ്പിച്ചത്. 

എന്നാൽ ഹൗസിൽ നിന്ന് പുറത്തുപോയ ഒരു പെൺകുട്ടിയുടെ പേര് പറഞ്ഞ് ആരോപണം ഉന്നയിച്ചത് ശരിയായില്ല എന്ന് ക്യാപ്റ്റനായ ആര്യൻ ഉൾപ്പെടെയുള്ളവർ അനുമോളെ പറഞ്ഞു മനസ്സിലാക്കിയിരുന്നു. ഇതോടെ അനുമോൾ അപ്പാനി ശരത്തിന്റെ അടുത്ത് എത്തി  കാലിൽ വീണ് മാപ്പ് ചോദിച്ചു. 

Also Read: ബിഗ് ബോസ് താരങ്ങൾക്ക് ഒരു ദിവസം ലഭിക്കുന്ന പ്രതിഫലം എത്രയെന്നറിയാമോ?: Bigg Boss Malayalam Season 7