ലക്ഷ്മിയുടെ മകന്റെ അടുത്തേക്ക് ഞങ്ങൾ വരുന്നതിൽ കുഴപ്പമുണ്ടോ? ആദിലയുടെ ചോദ്യം ; Bigg Boss Malayalam Season 7

ബിഗ് ബോസ് ഹൗസിൽ ഓരോ മത്സരാർഥികളുടേയും കുടുംബാംഗങ്ങൾ വന്ന് പോകുന്നതോടെ പലരുടേയും ഗെയിം സ്ട്രാറ്റജികളും മാറുകയാണ്. അതേസമയം തന്റെ കുടുംബാംഗങ്ങൾ വരുന്നതിനായി ആകാംക്ഷയോടെ കാത്തിരിക്കുന്ന ലക്ഷ്മിയോട് ആദില ചോദിക്കുന്ന കാര്യമാണ് ഇപ്പോൾ പ്രേക്ഷകരിലും ആകാംക്ഷയുണർത്തുന്നത്. 

മകനെ കാണാനായാണ് ലക്ഷ്മി കാത്തിരിക്കുന്നത്. ലക്ഷ്മിയുടെ മകൻ വന്നാൽ ഞാനും നൂറയും മകനുമായി സംസാരിക്കുന്നതിൽ കുഴപ്പം ഉണ്ടോ, അതിനി വലിയ പ്രശ്നമാവുമോ എന്ന നിലയിലാണ് ലക്ഷ്മിയോട് ആദില ചോദിക്കുന്നത്. ഞങ്ങൾ മകനോട് സംസാരിക്കുന്നത് ഇഷ്ടമല്ല എന്ന് പറഞ്ഞാൽ മാറി നിൽക്കാം എന്ന് കരുതിയാണ് ചോദിക്കുന്നത് എന്നും ആദില പറഞ്ഞു. 

Also Read: ബേബിയുടെ ദേഷ്യം എനിക്ക് സഹിക്കാൻ പറ്റില്ല; ആദിലയോട് കയർത്ത് നൂറ, ഇരുവരും  വഴിപിരിയുന്നോ? Bigg Bossmalayalam 7 

ആദിലയേയും നൂറയേയും വീട്ടിൽ കയറ്റാൻ കൊള്ളാത്തവരാണ് എന്ന് ലക്ഷ്മി പറഞ്ഞ സമയം തന്റെ മകനെ ഇവർ തെറ്റായി സ്വാധിനിക്കുമോ എന്ന് പേടിയുണ്ടെന്നും ലക്ഷ്മി പറഞ്ഞിരുന്നു. ഇതിനെതിരെ വലിയ വിമർശനവും ഉയർന്നു. അന്ന് ലക്ഷ്മി പറഞ്ഞത് മനസിൽ വെച്ചാണ് ഇപ്പോൾ ആദിലയുടെ ചോദ്യം. 

Also Read: അനീഷ്-ജിസേൽ വിവാഹാലോചന; ജിസേലിന്റെ അമ്മ പറഞ്ഞതെന്ന് ഷാനവാസ് ;Bigg Boss Malayalam Season 7

തന്റെ മകൻ ആദില, നൂറ എന്ന പേര് പോലും കേട്ടിട്ടുണ്ടാവില്ല എന്നാണ് ലക്ഷ്മി പറയുന്നത്. അവൻ അവന്റെ പ്രായത്തിലുള്ള കുട്ടികൾ ടിവിയിൽ കാണുന്ന കാർട്ടുണുകളെല്ലാമാണ് കാണുന്നത്. എന്നെ കാണണം എന്ന് പറയുമ്പോഴായിരിക്കും ഞാൻ കിച്ചണിൽ നിൽക്കുന്നതോ മറ്റോ ഉള്ള വിഡിയോ കാണിച്ച് കൊടുക്കുക എന്നും ലക്ഷ്മി പറഞ്ഞു. 

Also Read: താൻ ആരാടോ? നൂബിന്റെ മുൻപിൽ വെച്ച് ബിന്നിയുമായി അടികൂടി അനീഷ് ; Bigg Boss Malayalam Season 7

ഇതിന് ശേഷം ലക്ഷ്മി എന്താണ് പറയുന്നത് എന്ന് ലൈവിൽ വ്യക്തമായിരുന്നില്ല. എന്നാൽ ലക്ഷ്മി തന്നെയാണോ ഈ പറഞ്ഞത് എന്ന് അത്ഭുതത്തോടെ ചോദിച്ച് ഇത് സ്വപ്നമാണോ എന്നറിയാൻ ആദില കയ്യിലെല്ലാം നുള്ളി നോക്കുന്നുണ്ടായിരുന്നു. ലക്ഷ്മിയുടെ മകൻ ബിഗ് ബോസ് ഹൗസിൽ എത്തിയാൽ ആദിലയുടേയും നൂറയുടേയും അടുത്തേക്ക് പോകാൻ ലക്ഷ്മി അനുവദിക്കുമോ എന്ന് അടുത്ത ദിവസങ്ങളിൽ വ്യക്തമാകും. 

Also Read:  പിന്നിൽ നിന്ന് ഒനീലിന്റെ കുത്ത്; ടാസ്കിൽ നിന്ന് ഇറങ്ങിപ്പോയി നെവിൻ ; Bigg Boss Malayalam Season 7