Champions Trophy: തകർത്തടിച്ച് ഡുസനും ക്ലാസനും ; ഗ്രൂപ്പ് ചാംപ്യന്മാരായി ദക്ഷിണാഫ്രിക്ക

ഇംഗ്ലണ്ടിനെ ഏഴ് വിക്കറ്റിന് തോൽപ്പിച്ച് ഗ്രൂപ്പ് ചാംപ്യന്മാരായി സെമി ഫൈനലിലേക്ക് ദക്ഷിണാഫ്രിക്ക. ഇംഗ്ലണ്ടിനെ 179 റൺസിന് ഓൾഔട്ട് ആക്കിയതിന് ശേഷം 29.1 ഓവറിൽ മൂന്ന് വിക്കറ്റ് മാത്രം നഷ്ടത്തിൽ ദക്ഷിണാഫ്രിക്ക ജയം പിടിച്ചു. 

ഇംഗ്ലണ്ടിനെതിരായ ജയത്തോടെ ഗ്രൂപ്പ് ബിയിൽ ദക്ഷിണാഫ്രിക്കയ്ക്ക് മൂന്ന് കളിയിൽ നിന്ന് അഞ്ച് പോയിന്റായി. ഓസ്ട്രേലിയത്ത് മൂന്ന് കളിയിൽ നിന്ന് നാല് പോയിന്റും. ഓസ്ട്രേലിയയുടെ രണ്ട് മത്സരങ്ങൾ മഴയെ തുടർന്ന് ഉപേക്ഷിച്ചിരുന്നു. 

ഈ വർഷത്തെ ചാംപ്യൻസ് ട്രോഫിയിലെ ഏറ്റവും കുറവ് ടോട്ടൽ കുറിച്ച ഇംഗ്ലണ്ടിനെതിരെ ചെയ്സ് ചെയ്ത് ഇറങ്ങിയ ദക്ഷിണാഫ്രിക്കയ്ക്ക് 47 റൺസിൽ എത്തിയപ്പോൾ രണ്ട് വിക്കറ്റ് നഷ്ടമായിരുന്നു. എന്നാൽ 72 റൺസുമായി ഡുസനും 64 റൺസുമായി ക്ലാസനും തകർത്തടിച്ചതോടെ ദക്ഷിണാഫ്രിക്ക അനായാസം ജയത്തിലേക്ക് എത്തി. 

View this post on Instagram

A post shared by ICC (@icc)

87 പന്തിൽ നിന്ന് ആറ് ഫോറും മൂന്ന് സിക്സും പറത്തിയാണ് ഡുസൻ 72 റൺസ് എടുത്തത്. ക്ലാസൻ 56 പന്തിൽനിന്ന് 11 ഫോറോടെ 64 റൺസ് എടുത്തു. ഇംഗ്ലണ്ടിന്റെ മുൻനിരയെ തകർത്ത് മൂന്ന് വിക്കറ്റ് പിഴുത ജാൻസനാണ് കളിയിലെ താരം.ഗ്രൂപ്പ് ബിയിലെ ചാംപ്യന്മാരായി സെമി ഫൈനൽ ഉറപ്പിച്ച ദക്ഷിണാഫ്രിക്ക ഗ്രൂപ്പ് എയിലെ രണ്ടാം സ്ഥാനക്കാരെയാണ് നേരിടുക. 

Read More

• Kerala Blasters: ഇന്നെങ്കിലും ജയിക്കുമോ? ജംഷഡ്പൂരിന് എതിരെ കേരള ബ്ലാസ്റ്റേഴ്സ്; മത്സരം എവിടെ കാണാം?
• Women Premier League: മിന്നു മണിക്ക് മൂന്ന് വിക്കറ്റ്; മുംബൈയെ തകർത്ത് ഷഫാലിയും മെഗ് ലാനിങ്ങും
• Champions Trophy: മഴ വില്ലനായി; ഓസ്ട്രേലിയ സെമിയിൽ
• തുടർ തോൽവികളുടെ നാണക്കേട്; ക്യാപ്റ്റൻ സ്ഥാനം രാജിവെച്ച് ബട്ട്ലർ