നയം വ്യക്തം; ആറാമനായി ഇറങ്ങി സഞ്ജു; പക്ഷേ നിരാശപ്പെടുത്തി മടക്കം

Sanju Samson Kerala Cricket League: കേരള ക്രിക്കറ്റ് ലീഗിൽ ബാറ്റിങ് പൊസിഷനിൽ ആറാമനായി ഇറങ്ങി ഇന്ത്യൻ താരം സഞ്ജു സാംസൺ. ഏഷ്യാ കപ്പിൽ സഞ്ജുവിന് പ്ലേയിങ് ഇലവനിൽ അവസരം ലഭിക്കുമെങ്കിൽ അത് ലോവർ ഓർഡറിൽ ആയിരിക്കും എന്ന വിലയിരുത്തൽ ഉയരുമ്പോഴാണ് കെസിഎല്ലിൽ കൊച്ചി ബ്ലൂടൈഗേഴ്സിനായി സഞ്ജു ആറാമത് ഇറങ്ങിയത്. 

എന്നാൽ ആലപ്പി റിപ്പിൾസിന് എതിരെ ആറാമനായി ഇറങ്ങിയ സഞ്ജുവിന് സ്കോർ ഉയർത്താനായില്ല. 22 പന്തിൽ നിന്ന് 13 റൺസ് ആണ് സഞ്ജു നേടിയത്. ഒരു ബൗണ്ടറി പോലും സഞ്ജുവിന്റെ ബാറ്റിൽ നിന്ന് വന്നില്ല എന്നതും ശ്രദ്ധേയമാണ്. ആലപ്പി റിപ്പിൾസ് താരം ജലജ് സക്സേനയാണ് സഞ്ജുവിന്റെ വിക്കറ്റ് പിഴുതത്. 

Also Read: സഞ്ജു കളിക്കാനെത്തിയത് ആശുപത്രി കിടക്കയിൽ നിന്ന്; ബാറ്റ് ചെയ്യാത്തതിന്റെ കാരണം?

കേരള ക്രിക്കറ്റ് ലീഗിൽ ബാറ്റിങ് പൊസിഷനിൽ താഴെയായി ഇറങ്ങി സ്കോർ കണ്ടെത്തി ഇന്ത്യൻ ടീം മാനേജ്മെന്റിന്റെ ശ്രദ്ധ പിടിക്കുകയാവും സഞ്ജുവിന്റെ ലക്ഷ്യം. ഇന്ത്യയുടെ ലോവർ ഓർഡർ ബാറ്റിങ്ങിൽ ഇടം കണ്ടെത്താനും വലിയ മത്സരമാണ് നടക്കുന്നത്. വിക്കറ്റ് കീപ്പർ ബാറ്ററായ ജിതേഷ്, ഫിനിഷറായ റിങ്കു സിങ് എന്നിവരെല്ലാം സഞ്ജുവിന് ഏഷ്യാ കപ്പിൽ ഭീഷണിയാണ്. 

Also Read: രണ്ട് വിക്കറ്റ് പിഴുത് വിഘ്നേഷ് ; ഓപ്പണർമാർ തകർത്തടിച്ചതോടെ തൃശൂരിന് ജയം

അവസാന ഓവറുകളിൽ ആൽഫി ഫ്രാൻസിസ് തകർത്തടിച്ചതോടെയാണ് കൊച്ചിയുടെ സ്കോർ 183ലേക്ക് എത്തിയത്. 13 പന്തിൽ നിന്ന് ഒരു ഫോറും നാല് സിക്സും പറത്തിയാണ് ആൽഫി ഫ്രാൻസിസ് 31 റൺസ് കണ്ടെത്തിയത്. ഇതോടെ എട്ട് വിക്കറ്റ് നഷ്ടത്തിലാണ് കൊച്ചി 183 എന്ന സ്കോർ കണ്ടെത്തിയത്. ഓപ്പണർ വിനൂപ് മനോഹരന്റെ അർധ ശതകവും കൊച്ചിയെ തുണച്ചു. 

Also Read: 38-4ന് ടീം പതറി; 48 പന്തിൽ 108 റൺസ് അടിച്ച് റിങ്കുവിന്റെ വൺമാൻ ഷോ

31 പന്തിൽ നിന്ന് അഞ്ച് ഫോറും അഞ്ച് സിക്സും പറത്തിയാണ് വിനൂപ് 66 റൺസ് നേടിയത്. സീസണിലെ ആദ്യ മത്സരത്തിൽ അർധ ശതകം കണ്ടെത്തിയ കൊച്ചിയുടെ ക്യാപ്റ്റൻ സാലി സാംസൺ ആറ് റൺസ് മാത്രം എടുത്ത് മടങ്ങി. ആലപ്പിക്ക് വേണ്ടി ജലജ് സക്സേന, ശ്രീഹരി, അക്ഷയ് എന്നിവർ രണ്ട് വിക്കറ്റ് വീതവും വി​ഗ്നേഷ് പുത്തൂരും ബാലു ബാബുവും ഓരോ വിക്കറ്റ് വീതവും വീഴ്ത്തി. 

Read More: ഗിൽ വന്നാൽ സഞ്ജുവിന്റെ സ്ഥാനം തെറിക്കുമോ? വഴി പറഞ്ഞ് സുനിൽ ഗാവസ്കർ