MS Dhoni IPL: അവസാനമായി? ധോണിയുടെ ടി ഷർട്ടിൽ മോഴ്സ് കോഡ്; ഡികോഡ് ചെയ്ത് ആരാധകർ

ഇന്ത്യൻ മുൻ ക്യാപ്റ്റൻ എം.എസ്.ധോണിയുടെ ശൈലികൾ വളരെ വ്യത്യസ്തമാണ്. ഇന്ത്യൻ ടെസ്റ്റ്, ഏകദിന ടീമുകളിൽ നിന്ന് വിരമിക്കൽ പ്രഖ്യാപിച്ചതിൽ പോലും അത് പ്രകടമാണ്. ഇപ്പോൾ ഇത് ധോണിയുടെ അവസാന ഐപിഎൽ സീസൺ ആയിരിക്കുമോ എന്ന ചോദ്യമാണ് ശക്തം. അതിന് ഇടയിൽ ചർച്ചയാവുകയാണ് ധോണിയുടെ ടി ഷർട്ട്. 

ചെന്നൈയിൽ വിമാനത്താവളത്തി? എത്തിയ സമയം ധോണി ധരിച്ച ടി ഷർട്ടിലെ കോഡ് ആണ് ആരാധകർ ഡികോഡ് ചെയ്യുന്നത്. വൺ ലാസ്റ്റ് ടൈം എന്നാണ് ഇതിൽ നിന്ന് ആരാധകർ കണ്ടെത്തുന്നത്. ധോണിയുടെ ടി ഷർട്ടിലെ കോഡ് ചാറ്റ് ജിപിടിയോട് ചോദിച്ചാണ് പലരും മോഴ്സ് കോഡ് ഡികോഡ് ചെയ്തത്. 

Bc the morse code on t shirt is “One last time”😭😭😭😭 #MSDHONIpic.twitter.com/hoRaCJEgLA

— THALA (@THALAJuni0r) February 26, 2025

ഐപിഎല്ലിനുള്ള ചെന്നൈ സൂപ്പർ കിങ്സിന്റെ പ്രീസീസൺ ക്യാംപിനൊപ്പം ധോണി ചേർന്നു. മാർച്ച് 21നാണ് ഐപിഎൽ ആരംഭിക്കുന്നത്. ഇത് തന്റെ അവസാന ഐപിഎൽ സീസൺ ആയിരിക്കുമോ എന്ന ചോദ്യത്തിന് ധോണി ഇതുവരെ വ്യക്തമായ ഉത്തരം നൽകിയിട്ടില്ല. 

കളി ആസ്വദിക്കാൻ സാധിക്കുന്നിടത്തോളം കളിക്കണം എന്നാണ് തന്റെ ആഗ്രഹം എന്ന് അടുത്തിടെ തന്റെ ആപ്പിന്റെ ലോഞ്ചിന്റെ സമയം ധോണി പറഞ്ഞിരുന്നു. "ഇന്ത്യയെ ജയങ്ങളിലേക്ക് എത്തിക്കുക എന്നതായിരുന്നു എന്നും എന്നെ പ്രചോദിപ്പിച്ചിരുന്നത്. ഇപ്പോൾ ഞാൻ രാജ്യാന്തര ക്രിക്കറ്റിൽ നിന്ന് വിരമിച്ചിരിക്കുന്നു. ഇപ്പോൾ എന്നെ മുൻപോട്ട് നയിക്കുന്നത് കളിയോടുള്ള സ്നേഹമാണ്," ധോണി പറയുന്നു. 

ജൂലൈയിൽ ധോണിക്ക് 44 വയസ് തികയും. എന്നാൽ ഫിറ്റ്നസിന്റെ കാര്യത്തിൽ ധോണി ഇപ്പോഴും ഒരു വിട്ടുവീഴ്ച്ചയ്ക്കും തയ്യാറല്ല. കഴിഞ്ഞ ഐപിഎൽ സീസണിൽ ചെന്നൈ സൂപ്പർ കിങ്സിനായി 14 മത്സരങ്ങളും ധോണി കളിച്ചിരുരന്നു. 220 എന്ന സ്ട്രൈക്ക്റേറ്റിൽ 161 റൺസ് ആണ് ധോണി കണ്ടെത്തിയത്. 

ധോണിയ അൺക്യാപ്പ്ഡ് താരമായാണ് ചെന്നൈ സൂപ്പർ കിങ്സ് ഈ സീസണിൽ ടീമിൽ നിലനിർത്തിയത്. അങ്ങനെ വരുമ്പോൾ ധോണിയുടെ പ്രതിഫലം സീസണിൽ നാല് കോടിയിലേക്ക് ഒതുങ്ങും. അടുത്ത സീസണിലേക്ക് വരുമ്പോൾ മാർച്ച് 22നാണ് ചെന്നൈ സൂപ്പർ കിങ്സിന്റെ ആദ്യ മത്സരം. മുംബൈ ഇന്ത്യൻസ് ആണ് എതിരാളികൾ. 

Read More

• മനസ് നിറയ്ക്കുന്ന കവർഡ്രൈവ്; അമ്പരപ്പിക്കുന്ന പുൾ ഷോട്ട്; നിറഞ്ഞാടി 52കാരൻ
• Ranji Trophy Final: ബാറ്റിങ് ഓർഡർ പോളിച്ചെഴുതി വിദർഭയുടെ തന്ത്രം; ആരാണ് ഡാനിഷ് മാലേവാർ
• Ranji Trophy Final: വിദർഭ തിരിച്ചടിക്കുന്നു; ഡാനിഷിന് സെഞ്ചുറി; കട്ട സപ്പോർട്ടുമായി കരുൺ നായരും
• Ranji Trophy Final: രഞ്ജി ട്രോഫി ഫൈനലിൽ തുടക്കം മിന്നിച്ച് കേരളം, വിദർഭയ്ക്ക് 3 വിക്കറ്റ് നഷ്ടമായി