ICC Champions Trophy 2025, India Vs Australia Semi Final: കറുത്ത ആം ബാൻഡ് അണിഞ്ഞ് ഇന്ത്യ; കാരണം?

ചാംപ്യൻസ് ട്രോഫി സെമി ഫൈനലിൽ ഓസ്ട്രേലിയക്കെതിരെ ഇന്ത്യൻ ക്രിക്കറ്റ് ടീം ഇറങ്ങിയത് കറുത്ത ആം ബാൻഡ് അണിഞ്ഞ്. എന്തുകൊണ്ടാണ് രോഹിത് ശർമയുടേയും സംഘത്തിന്റേയും ഭാഗത്ത് നിന്ന് ഇങ്ങനെയൊരു നീക്കം എന്ന് ഉടനെ തന്നെ ആരാധകർക്കിടയിൽ ചർച്ച ആരംഭിച്ചു. ക്രിക്കറ്റ് താരം പദ്മാക്കർ ശിവാൽക്കർ വിടപറഞ്ഞതിനെ തുടർന്ന് അദ്ദേഹത്തോടുള്ള ആദര സൂചകമായാണ് ഇന്ത്യൻ ക്രിക്കറ്റ് ടീം കറുത്ത ആം ബാൻഡ് അണിഞ്ഞത്. 

84ാം വയസിൽ വാർധക്യസഹജമായ അസുഖങ്ങളെ തുടർന്നാണ് ശിവാൽക്കറിന്റെ അന്ത്യം. ഇന്ത്യൻ ആഭ്യന്തര ക്രിക്കറ്റിൽ ഏറെ നേട്ടങ്ങൾ സ്വന്തമാക്കിയിട്ടുള്ള താരമാണ് അദ്ദേഹം. രഞ്ജി ട്രോഫിയിലെ മുംബൈയുടെ ആധിപത്യത്തിൽ പ്രധാന പങ്ക് വഹിച്ചത് ശിവാൽക്കറാണ്. 

1965-66 മുതൽ 1976-77 വരെ ഒൻപത് രഞ്ജി ട്രോഫി കിരീടങ്ങൾ മുംബൈ നേടിയപ്പോൾ ശിവാൽക്കർ ടീമിന്റെ ഭാഗമായിരുന്നു. നിരവധി പ്രമുഖ മുൻ താരങ്ങളാണ് ശിവാൽക്കറിന് ആദരവർപ്പിച്ച് എത്തിയത്. പിന്നാലെ ഇന്ത്യൻ ക്രിക്കറ്റ് താരങ്ങൾ ചാംപ്യൻസ് ട്രോഫി സെമിയിൽ ഓസ്ട്രേലിയക്കെതിരെ കറുത്ത ആം ബാൻഡ് ധരിച്ചു. 

View this post on Instagram

A post shared by Team india (@indiancricketteam)

രണ്ട് ദശകത്തോളമാണ് ഇടംകയ്യൻ സ്പിന്നറായ ശിവാൽക്കർ രഞ്ജി ട്രോഫിയിൽ മിന്നും പ്രകടനം പുറത്തെടുത്തത്. 124 ഫസ്റ്റ് ക്ലാസ് മത്സരങ്ങളാണ് അദ്ദേഹം കളിച്ചത്. വീഴ്ത്തിയത് 589 വിക്കറ്റ്. ശരാശരി 19.69. വിസ്മയിപ്പിക്കുന്ന ടേൺ കണ്ടെത്തി വ്യക്തമായ കൃത്യതയോടെ ശിവാൽക്കർ മുംബൈക്കായി പന്തെറിഞ്ഞപ്പോൾ എതിരാളികൾ വിറച്ചിരുന്നു. 

ശിവാൽക്കറിന്റെ ഏറ്റവും മികച്ച പ്രകടനം വരുന്നത് 1972-73ലെ രഞ്ജി ട്രോഫി ഫൈനലിൽ ആണ്. അന്ന് ഫൈനലിൽ എതിരാളിയായി വന്ന തമിഴ്നാടിനെ ശിവാൽക്കർ ഒറ്റയ്ക്ക് തകർത്തെറിഞ്ഞു. ആദ്യ ഇന്നിങ്സിൽ 16 റൺസ് മാത്രം വഴഭി എട്ട് വിക്കറ്റും രണ്ടാം ഇന്നിങ്സിൽ 18 റൺസ് മാത്രം വഴങ്ങി അഞ്ച് വിക്കറ്റുമാണ് ശിവാൽക്കർ പിഴുതത്. 

Read More

• India vs Australia Semi Final, Champions Trophy 2025: ഒൻപത് പന്തിൽ കൂപ്പർ ഡക്ക്; കയ്യടിക്കണം ഷമിയുടെ തന്ത്രത്തിന്
• Virat Kohli: "സച്ചിന്റെ യുഗത്തിലാണ് കളിച്ചിരുന്നത് എങ്കിലോ? ഈ നേട്ടങ്ങളിലേക്ക് കോഹ്ലി എത്തില്ല"
• ‍23 കോടിയുടെ താരമല്ല; കൊൽക്കത്തയെ നയിക്കുക ഒന്നര കോടിക്ക് സ്വന്തമാക്കിയ ആ സീനിയർ താരം
• 'രോഹിത് ടീമിൽ പോലും ഉണ്ടാകരുത്,' ഷമ മുഹമ്മദിന്റെ വിവാദ പരാമർശത്തെ പിന്തുണച്ച് തൃണമൂൽ നേതാവ്
• രോഹിത് ശർമ്മയ്ക്കെതിരായ വിവാദ പോസ്റ്റ്; പിൻവലിച്ച് ഷമ മുഹമ്മദ്