10 ബാറ്റർമാരും റിട്ടയർഡ് ഔട്ടായി മടങ്ങി; ഖത്തർ 29ന് ഓൾഔട്ട്; വിചിത്ര മത്സരം

ട്വന്റി20 ക്രിക്കറ്റ് ചരിത്രത്തിലെ വിചിത്രമായൊരു സംഭവമാണ് യുഎഇ വനിതാ ടീമും ഖത്തർ വനിതാ ടീമും ഏറ്റുമുട്ടിയപ്പോൾ സംഭവിച്ചത്. വിക്കറ്റ് നഷ്ടമില്ലാതെ 192 റൺസ് എന്ന നിലയിൽ നിൽക്കെ യുഎഇ തങ്ങളുടെ 10 ബാറ്റർമാരെയും റിട്ടയർഡ് ഔട്ടായി എന്ന് കാണിച്ച് ഇന്നിങ്സ് അവസാനിപ്പിക്കുകയായിരുന്നു. 

പിന്നാലെ ഖത്തർ വനിതാ ടീമിനെ 29 റൺസിന് യുഎഇ ഓൾഔട്ടാക്കി. വനിതാ ട്വന്റി20 ലോകകപ്പിലെ യോഗ്യതാ മത്സരത്തിലാണ് സംഭവം. 16 ഓവറിൽ യുഎഇ ടീം വിക്കറ്റ് നഷ്ടമില്ലാതെ 192 റൺസ് കണ്ടെത്തി. പിന്നാലെ തങ്ങളുടെ എല്ലാ ബാറ്റർമാരും റിട്ടയർഡ് ഔട്ട് ആയതായി പ്രഖ്യാപിക്കുകയായിരുന്നു. 

55 പന്തിൽ നിന്ന് 133 റൺസ് അടിച്ചെടുത്ത ഇഷ ഒസയുടെ ഇന്നിങ്സ് ആണ് യുഎഇയെ മികച്ച സ്കോറിലേക്ക് എത്തിച്ചത്. തീർഥ സതീൽ് 74 റൺസും എടുത്തു. ട്വന്റി20 ക്രിക്കറ്റിൽ ഇന്നിങ്സ് ഡിക്ലയർ ചെയ്യാൻ സാധിക്കില്ല എന്നിരിക്കെയാണ് യുഎഇ എല്ലാ ബാറ്റർമാരെയും റിട്ടയർഡ് ഔട്ടാക്കി.. 

യുഎഇ തങ്ങളുടെ എല്ലാ ബാറ്റർമാരേയും ക്രീസിലേക്ക് വിടുകയും ഉടനെ തന്നെ റിട്ടയർഡ് ഔട്ടായി പിൻവലിക്കുകയും ചെയ്തു. ഒരുപക്ഷേ രാജ്യാന്തര ക്രിക്കറ്റിൽ ആദ്യമായിട്ടാവും ഇങ്ങനെയൊരു സംഭവം. ബാങ്കോക്കിലായിരുന്നു മത്സരം. ഇവിടെ മത്സരത്തിനിടെ മഴ പെയ്തേക്കാം എന്ന കാലാവസ്ഥ പ്രവചനം ഉണ്ടായിരുന്നു. ഇതോടെയാണ് 20 ഓവറും ബാറ്റ് ചെയ്യാൻ യുഎഇ തയ്യാറാവാതിരുന്നത്. 

Proper madness going on in UAE v Qatar, Women's T20 World Cup qualifying

With rain forecast UAE wanted to bail out after racking up 192-0 in 16 overs

Declaration not applicable in T20Is, so each batter padded up, raced to the crease & retired out when they got there 🤯

📷@ICCpic.twitter.com/kV0DWME5fE

— Paul Radley (@PaulRadley) May 10, 2025

ബാറ്റിങ്ങിൽ തകർത്തടിച്ചതിന് പിന്നാലെ യുഎഇയുടെ ബോളർമാരും ഖത്തറിനെ നാണംകെടുത്തി. 11.1 ഓവറിൽ 29 റൺസിന് ഖത്തർ വനിതകൾ പുറത്തായി. നിലവിൽ ഗ്രൂപ്പ് ബിയിൽ ഒന്നാമതാണ് യുഎഇ. രണ്ട് വമ്പൻ ജയങ്ങളോടെ യുഎഇ വനിതാ ട്വന്റി20 ലോകകപ്പിന് യോഗ്യത നേടുമെന്ന് ഉറപ്പാണ്. 

Read More

• india Pakistan Conflict: പാക്കിസ്ഥാൻ ക്രിക്കറ്റ് ബോർഡിന് ഇരുട്ടടി; മുഖം തിരിച്ച് യുഎഇ; റിപ്പോർട്ട്
• IPL 2025: സ്വന്തം ടീം ബസ് ആണോയെന്നൊന്നും നോക്കിയില്ല; പാഡ് പോലും അഴിക്കാതെ കളിക്കാർ
• 2021ൽ കോവിഡ്; 2025ൽ യുദ്ധം; ഇത്രയും ഭാഗ്യംകെട്ട ടീമാണോ റോയൽ ചലഞ്ചേഴ്സ് ബെംഗളൂരു
• IPL 2025: 12 മത്സരങ്ങൾ; മൂന്ന് ടീം പ്ലേഓഫ് ഉറപ്പിച്ചു? മാറി മറിയുമോ ഇടവേള കഴിഞ്ഞെത്തുമ്പോൾ