/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/2025/06/19/talking-parrot-2025-06-19-11-05-06.jpg)
ചിത്രം: ഇൻസ്റ്റഗ്രാം
മനുഷ്യരുടെ ശബ്ദം അനുകരിക്കാൻ തത്തകൾ കേന്മാരാണ്. മനോഹരമായി സംസാരിക്കുന്ന തത്തകളുടെ നിരവധി വീഡിയോകൾ ഇന്റർനെറ്റിൽ പ്രത്യക്ഷപ്പെടാറുണ്ട്. ഏറ്റവും മികച്ച രീതിയില്‍ മനുഷ്യ ശബ്ദത്തിൽ സംസാരിക്കാൻ കഴിവുള്ള തത്തയിനമാണ് ആഫ്രിക്കന്‍ ഗ്രേ പാരറ്റുകള്‍.
മലയാളത്തിൽ സംസാരിക്കുകയും മനോഹരമായി പാട്ടു പാടുകയും ചെയ്യുന്ന 'കുട്ടുമോൻ' എന്ന ഒരു ആഫ്രിക്കന്‍ ഗ്രേ പാരറ്റാണ് സോഷ്യൽ മീഡിയയിൽ ഇപ്പോൾ താരമാകുന്നത്. "Sreedevi Thilak" ഇൻസ്റ്റഗ്രാം ഉപയോക്താവ് ആണ് തത്തയുടെ വീഡിയോ പങ്കുവച്ചിരിക്കുന്നത്.
പാട്ടുപാടാൻ പറയുമ്പോൾ കുട്ടുമോൻ മനോഹരമായി പാടുന്നതിന്റെയും ചോദിക്കുന്ന ചോദ്യങ്ങൾക്കെല്ലാം കൃത്യമായി മറുപടി നൽകുന്നതിന്റെയുമെല്ലാം വീഡിയോ അക്കൗണ്ടിൽ പങ്കുവച്ചിട്ടുണ്ട്. സോഷ്യൽ മീഡിയയിൽ ധാരളം ആരാധകരും കുട്ടുമോനുണ്ട്.
Also Read: 'ബാഹുബലിയിലെ പ്രഭാസിന്റെ വേഷം ചെയ്യണം;' ഇന്ദ്രൻസിന്റെ ആഗ്രഹം അങ്ങനെ സഫലം; വീഡിയോ
ആഫ്രിക്കന്‍ ഗ്രേ പാരറ്റുകള്‍ എന്ന ആഫ്രിക്കന്‍ ചാരത്തത്തകൾ സംസാരിക്കാന്‍ കഴിവുള്ള തത്തയിനത്തിലെ ഓര്‍മശാലിയാണ്. പക്ഷിലോകത്തെ ഐൻസ്റ്റൈൻ എന്ന് പക്ഷിപ്രേമികൾ വിളിക്കുന്ന ഇവർ മുനുഷ്യ ശബ്ദത്തിനൊപ്പം കേൾക്കുന്ന മറ്റെല്ലാ ശബ്ദങ്ങളും അനുകരിക്കുന്ന അസാധ്യ മിമിക്രിക്കാരുമാണ്.
ആയിരത്തോളം വാക്കുകള്‍ ഓര്‍ത്തിരിക്കാനും സന്ദര്‍ഭം അനുസരിച്ച് അത് പ്രയോഗിക്കാനും ഇവർക്കാകും എന്നാണ് പറയപ്പെടുന്നത്. അതേസമയം, മാനസിക പിരിമുറുക്കം കൂടുതലാണ് ഇവർക്ക്. അതുകൊണ്ടുതന്നെ ഇണക്കി വളർത്തുമ്പോൾ കൃത്യമായ പരിചരണത്തിനൊപ്പം ഉടമയുടെ സാന്നിദ്ധ്യവും അത്യാവശ്യമാണ്.
Read More: "ഞാൻ ഇവിടെ ഒറ്റയ്ക്കാ, ഈ ജിറാഫുകളുടെ കൂടെ;" പേടിയുണ്ടെങ്കിലും അപ്പൂപ്പൻ കൂളാ; വീഡിയോ
Stay updated with the latest news headlines and all the latest Lifestyle news. Download Indian Express Malayalam App - Android or iOS.