എന്താ ആറ്റിറ്റ്യൂഡ്! ദാ കണ്ടോ സഞ്ജുവിന്റെ മാസ്; വിഡിയോ വൈറൽ

Sanju Samson Viral Video:ഏഷ്യാ കപ്പിനുള്ള ഇന്ത്യൻ സ്ക്വാഡിനൊപ്പം സഞ്ജു സാംസൺ ചേർന്നു കഴിഞ്ഞു. പാക്കിസ്ഥാനെതിരായ വമ്പൻ പോരിൽ ഉൾപ്പെടെ സഞ്ജു പ്ലേയിങ് ഇലവനിൽ ഇടം നേടുമോ എന്നറിയാനുള്ള ആകാംക്ഷയിൽ ആണ് ആരാധകർ. അതിനിടയിൽ കേരള ക്രിക്കറ്റ് ലീഗ് മത്സരത്തിന് ഇടയിൽ ഗ്രൗണ്ടിൽ നിന്നുള്ള സഞ്ജുവിന്റെ ഒരു മാസ് വിഡിയോയാണ് വരുന്നത്. 

ഫീൽഡിങ്ങിന് ഇടയിൽ കുപ്പിയിൽ നിന്ന് വെള്ളം കുടിച്ചതിന് ശേഷം കുപ്പി താഴേക്ക് സ്റ്റൈലായി ഇടുകയാണ് രാജസ്ഥാൻ റോയൽസ് ക്യാപ്റ്റൻ. താഴേക്കിടുന്ന കുപ്പി കൃത്യമായി നേരെ വീഴുന്നതോടെ കുപ്പിയിലേക്ക് കൈ നീട്ടി സഞ്ജുവിന്റെ സ്റ്റൈലൻ ആക്ഷനും. ഈ വിഡിയോ സമൂഹമാധ്യമങ്ങളിൽ വൈറലായിരുന്നു.

Also Read: കസവുടുത്ത് തിരുവാതിര കളിച്ചും വള്ളം തുഴഞ്ഞും റോബോട്ടുകൾ; വൈറലായി എഐ ഓണപ്പാട്ട്

സ്വന്തം മണ്ണിൽ സഞ്ജുവിന്റെ മാസ് എന്നാണ് വിഡിയോ കണ്ട് ആരാധകർ പറയുന്നത്. കേരള ക്രിക്കറ്റ് ലീഗിൽ മിന്നും ഫോമിലാണ് സഞ്ജു ബാറ്റ് വീശിയത്. ഒരു സെഞ്ചുറിയും മൂന്ന് അർധ ശതകവും സഞ്ജു കെസിഎല്ലിൽ കൊച്ചി ബ്ലൂ ടൈഗേഴ്സിനായി കളിച്ച് നേടി. കേരള ക്രിക്കറ്റ് ലീഗ് ഫൈനലിലേക്ക് സഞ്ജുവിന്റെ കൊച്ചി ബ്ലൂ ടൈഗേഴ്സ് എത്തുകയും ചെയ്തു.

Also Read: ഏയ് ചേട്ടാ, അവനെ കൂടി കൊണ്ട് പോകൂ; ടിക്കറ്റെടുത്തില്ലെന്ന് പറഞ്ഞ് ഇറക്കി വിട്ട് ക്രൂരത

കേരള ക്രിക്കറ്റ് ലീഗിൽ ലോവർ ഓർഡറിൽ ബാറ്റിങ്ങിന് ഇറങ്ങി സഞ്ജു പരീക്ഷണം നടത്തിയിരുന്നു. എന്നാൽ ബാറ്റിങ് പൊസിഷനിൽ താഴേക്ക് ഇറങ്ങിയപ്പോൾ സ്കോർ ഉയർത്താൻ സഞ്ജുവിന് സാധിച്ചില്ല. അതേസമയം ഓപ്പണിങ്ങിൽ വെടിക്കെട്ട് ബാറ്റിങ്ങും പുറത്തെടുത്തു. ഏഷ്യാ കപ്പിൽ മൂന്നാം സ്ഥാനത്ത് അല്ലെങ്കിൽ ഫിനിഷറായി സഞ്ജുവിന് അവസരം ലഭിച്ചേക്കും എന്നാണ് പ്രതീക്ഷിക്കുന്നത്.

Read More:'ഇജ്ജ് സുലൈമാനല്ല ഹനുമാനാണ്;' സ്രാവിനെയും തോളിലിട്ടുള്ള ആ വരവ് കണ്ടോ?