Google Trends: നാനോ ബനാന ട്രെൻഡ് തിരഞ്ഞ് ആയിരങ്ങൾ; ഗൂഗിളിലും താരം

സോഷ്യല്‍ മീഡിയയിൽ എങ്ങും വൈറലായി മാറുകയാണ് നാനോ ബനാന ട്രെൻഡ്. ആകര്‍ഷകമായ റിയലിസ്റ്റിക് ഫിഗറൈൻ ഇമേജുകളാണ് ഇതുവഴി ക്രിയേറ്റ് ചെയ്യുന്നത്. ഗൂഗിളിന്‍റെ എഐ അസിസ്റ്റന്‍റായ ജെമിനി 2.5 ഫ്ലാഷ് ഇമേജ് ഉപയോഗിച്ചാണ് ഈ ഫിഗറൈൻ ഇമേജുകള്‍ സൃഷ്‌ടിക്കുന്നത്. 

ആയിരക്കണക്കിന് ആളുകളാണ് നാനോ ബനാന ട്രെൻഡ് തിരഞ്ഞ് ഗൂഗിളിലെത്തുന്നത്. ഗൂഗിളിന്റെ ഔദ്യോഗിക കണക്ക് അനുസരിച്ച് അൻപതിനായിരത്തിലധികം ആളുകളാണ്  നാനോ ബനാന എഐ ഫിഗറൈൻ തിരഞ്ഞ് ഗൂഗിളിലെത്തിയത്. നിലവിൽ ഗൂഗിൾ ട്രെൻഡിങ്ങിൽ നാലാം സ്ഥാനത്താണ്.

നാനോ ബനാന എഐ ഫിഗറൈൻ ഇമേജുകള്‍ എങ്ങനെയുണ്ടാക്കാം?
ആർക്കും സൗജന്യമായി തങ്ങളുടെ കയ്യിലുള്ള ചിത്രങ്ങൾ ഉപയോഗിച്ച് ഈ ത്രീഡി രൂപങ്ങൾ സൃഷ്ടിക്കാനാവും. സാധാരണ ഫോട്ടോകൾ ജെമിനിയുടെ സഹായത്തോടെ ആകർഷകമായ 3ഡി മോഡലാക്കി മാറ്റുകയാണ് ഇവിടെ. എങ്ങനെയാണ് ഫിഗറൈൻ ഇമേജുകള്‍ സൃഷ്ടിക്കുന്നത് എന്നു നോക്കാം.

Also Read: പൂർണ ചന്ദ്രഗ്രഹണത്തിന് സാക്ഷ്യം വഹിച്ച് ലോകം; രക്തചന്ദ്രൻ ഗൂഗിളിലും താരം

ചിത്രം നിര്‍മ്മിക്കാനായി ആദ്യം ഫോണിൽ ഗൂഗിൾ ജെമിനി ആപ്പ് ഡൗൺലോഡ് ചെയ്യണം. അതല്ല, കമ്പ്യൂട്ടറിൽ ആണ് ചെയ്യുന്നതെങ്കിൽ ഗൂഗിളിൽ ജെമിനി സെർച്ച് ചെയ്യുക. ജെമിനി ആപ്പില്‍ പ്രവേശിക്കുമ്പോൾ ഇടതുവശത്തായി താഴെ + ചിഹ്നം കാണാം. ഇതിൽ ക്ലിക്ക് ചെയ്‌ത് നല്ല ക്വാളിറ്റിയുള്ള നിങ്ങളുടെ ഒരു ഫോട്ടോ അപ്‌ലോഡ് ചെയ്യുക. ഫോട്ടോയ്ക്ക് ഒപ്പം തന്നെ ഒരു പ്രോംപ്റ്റും നൽകണം. ഉടൻ തന്നെ ജെമിനി നിങ്ങളുടെ ത്രിഡി ഫിഗറൈൻ ഇമേജ് നിര്‍മ്മിച്ചുതരും.

Also Read: പിഞ്ചുകുഞ്ഞിനെ മാലിന്യകൂമ്പാരത്തിൽ കളഞ്ഞ് യുവാവ്; രക്ഷകനായി കുട്ടിക്കുരങ്ങൻ റിയോ

ചിത്രത്തിനൊപ്പം നൽകേണ്ട പ്രോംപ്റ്റ് താഴെ കൊടുക്കുന്നു.
Create a 1/6 scale commercialized figurine of the character in the picture, in a realistic style, in a real environment. The figurine is placed on a computer desk. The figurine has a round transparent acrylic base, with no text on the base. The content on the computer screen is the ZBrush modeling process of this figurine. Next to the computer screen is a toy packaging box designed in a style reminiscent of high-quality collectible figures, printed with the original artwork. The packaging features two-dimensional flat illustrations.

Read More: ഏയ് ചേട്ടാ, അവനെ കൂടി കൊണ്ട് പോകൂ; ടിക്കറ്റെടുത്തില്ലെന്ന് പറഞ്ഞ് ഇറക്കി വിട്ട് ക്രൂരത