'ഇടക്കു വരും ഇൻസ്റ്റ കത്തിക്കും തിരിച്ചു പോകും;' മമ്മൂട്ടിയുടെ ചിത്രത്തിൽ കമന്റുമായി ആരാധകർ

സോഷ്യൽ മീഡിയയ്ക്ക് എന്നും പ്രിയങ്കരനാണ് മെഗാസ്റ്റാര്‍ മമ്മൂട്ടി. മമ്മൂട്ടി പങ്കുവയ്ക്കുന്ന ചിത്രങ്ങളും, വീഡിയോകളുമെല്ലാം നിമിഷങ്ങൾക്ക് ഉള്ളിൽ വൈറലാകാറുമുണ്ട്. ഇപ്പോഴിതാ ദുൽഖറിന്റെ സുഹൃത്തും ഫൊട്ടോഗ്രാഫറുമായ ഷാനി ഷകി പങ്കുവച്ച മമ്മൂട്ടിയുടെ പുതിയ ചിത്രങ്ങളാണ് ശ്രദ്ധനേടുന്നത്.

കഴിഞ്ഞ കുറച്ചുദിവസങ്ങളായി വിശ്രമജീവിതത്തിലായിരുന്ന മമ്മൂക്കയെ കണ്ട ആവേശത്തിലാണ് ആരാധകർ. ഓഫ് വൈറ്റ് വസത്രത്തിൽ സ്റ്റൈലിഷ് ലുക്കിലുള്ള ചിത്രങ്ങളായിരുന്നു ഇത്. "നിമിഷങ്ങൾക്കിടയിലുള്ള നിമിഷങ്ങൾ" എന്ന ക്യാപ്ഷനോടെയായിരുന്നു ഫൊട്ടോഷൂട്ടിനിടെ പകർത്തിയ ചിത്രങ്ങൾ ഇൻസ്റ്റഗ്രാമിൽ പങ്കുവച്ചത്.

Also Read: മോഹൻലാലോ മമ്മൂട്ടിയോ അല്ല, ജൂഹി ചൗളയെ സ്വന്തമാക്കേണ്ടിയിരുന്നത് ഷാരൂഖ് ഖാൻ; ആ ക്ലൈമാക്സ് മാറിയത് ഇങ്ങനെ

View this post on Instagram

A post shared by Shani Shaki (@shanishaki)

Also Read: മെറ്റ് ഗാലയിൽ തിളങ്ങി മോഹൻലാലും മമ്മൂട്ടിയും; ഒപ്പം മലയാളികളുടെ പ്രിയ താരങ്ങളും; വീഡിയോ

നിരവധി ആരാധകരാണ് പോസ്റ്റിൽ കമന്റുമായെത്തിയത്. "ഹാവൂ... മനസിന്‌ സമാധാനം... ഇക്ക വേഗം ഇറങ്ങൂ" എന്നായിരുന്നു ഒരാളുടെ കമന്റ്. "ഇടക്ക് വരും ഇൻസ്റ്റ കത്തിക്കും പോകും," "ബിലാൽ ഇക്കാ..." എന്നിങ്ങനെയാണ് കമന്റുകളിൽ ചിലത്.

Also Read: മമ്മൂട്ടിയുടെ മകളായും പെങ്ങളായും ഭാര്യയായും അഭിനയിച്ച നടി; ആളെ മനസ്സിലായോ?

അതേസമയം, ആരാധകർ ആകാംക്ഷയോടെ കാത്തിരിക്കുന്ന നിരവധി ചിത്രങ്ങളാണ് മമ്മൂട്ടി നായകനായി ഒരുങ്ങുന്നത്. ഡിനോ ഡെന്നിസ് തിരക്കഥ രചിച്ച് സംവിധാനം ചെയ്ത 'ബസൂക്ക'യാണ് അവസാനമായി തിയേറ്ററുകളിലെത്തിയ മമ്മൂട്ടി ചിത്രം. ഗെയിം ത്രില്ലറായെത്തിയ ചിത്രത്തിൽ, സംവിധായകൻ ഗൗതം വാസുദേവ് മേനോൻ അടക്കം നിരവധി താരങ്ങൾ അഭിനയിച്ചിട്ടുണ്ട്.

Read More: ഇത് മെഗാസ്റ്റൈൽ;  മൂപ്പരിത് ഇന്നും ഇന്നലെയുമൊന്നും തുടങ്ങിയതല്ലെന്ന് ആരാധകർ