'മൂന്നാർ ഗ്രാൻഡ് പ്രിക്സ്;' ഗ്യാപ് റോഡിലൂടെ ചീറിപ്പാഞ്ഞ് എഫ് 1 കാറുകൾ; വീഡിയോ

ഫോര്‍മുല 1 റേസിങ് മത്സരങ്ങൾ പണ്ട് ടിവിയിൽ കാണുമ്പോൾ, ഗ്രൗണ്ട് ക്ലിയറൻസ് കുറഞ്ഞ ഈ കാറുകൾ എങ്ങനെയാകും റോഡുകളിലൂടെ അനായാസം സഞ്ചരിക്കുക എന്നു ചിന്തിച്ചിട്ടുള്ളവരായിരിക്കും നമ്മളിൽ പലരും. കേരളത്തിലെ റോഡുകളിലൂടെ ഫോര്‍മുല 1 റേസിങ് മത്സരങ്ങൾ നടന്നാലോ?

മൂന്നാറിലെ തേയില തോട്ടങ്ങൾക്കു നടുവിലൂടെ കുതിച്ചുപായുന്ന എഫ് 1 കാറുകളുടെ ഒരു എഐ വീഡിയോയാണ് സോഷ്യൽ മീഡിയയിൽ ഇപ്പോൾ വൈറലാകുന്നത്. 'കേരളത്തിൽ ആദ്യമായി ഫോർമുല 1 റേസിങ് നടക്കുന്നു' എന്ന തരത്തിൽ വാർത്താ രൂപത്തിലാണ് വീഡിയോ സൃഷ്ടിച്ചിരിക്കുന്നത്.

Also Read:'കണ്ണാം തുമ്പീ പോരാമോ...;' പാട്ടും സംസാരവും മനുഷ്യരെ പോലെ; കുട്ടുമോൻ സോഷ്യൽ മീഡിയയിൽ വൈറൽ; വീഡിയോ

റേസിന് മുന്നോടിയായി മൂന്നാറിലെ ഗ്യാപ് റേഡിൽ സംഘടിപ്പിച്ച ടെസ്റ്റ് റേസിങ്ങാണ് വീഡിയോയിൽ കാണിക്കുന്നത്. മഴയത്ത് കോടമഞ്ഞിലൂടെ ചീറിപ്പായുന്ന കാറുകളും റേസ് കാണാനെത്തിയ ആളുകളുമെല്ലാം വീഡിയോയിൽ ഉണ്ട്. "മൂന്നാർ ഗ്രാൻഡ് പ്രിക്സ്", "റോഡിൽ കുഴി ഇല്ലാത്ത കേരളം ആണോ", "1-ാം സ്ഥാനം തെക്കേടത്ത് ചുണ്ടൻ തൂക്കും," എന്നിങ്ങനെ നിരവധി കമന്റുകളും വീഡിയോയ്ക്ക് ലഭിക്കുന്നുണ്ട്.

Also Read: "സ്റ്റീഫാ... ആ ഹരിമുരളീരവം ഒന്നു വായിച്ചേ;" ഈ ട്വിസ്റ്റ് സ്വപ്നത്തിൽ പോലും പ്രതീക്ഷിച്ചു കാണില്ല; വീഡിയോ

"glitch in the matrix" എന്ന അക്കൗണ്ടിലൂടെയാണ് വീഡിയോ ഇൻസ്റ്റഗ്രാമിൽ പങ്കുവച്ചിരിക്കുന്നത്. രസകരമായ മറ്റു നിരവധി എഐ വീഡിയോകളും അക്കൗണ്ടിൽ പോസ്റ്റു ചെയ്തിട്ടുണ്ട്. ഗൂഗിളിന്‍റെ ഏറ്റവും പുതിയ എഐ വീഡിയോ ജനറേറ്ററായ വിയോ 3 എന്ന അത്യാധുനിക ടെക്സ്റ്റ്-ടു-വീഡിയോ മോഡൽ ഉപയോഗിച്ചാണ് വീഡിയോകൾ നിർമ്മിച്ചത്.

Read More:"ഞാൻ ഇവിടെ ഒറ്റയ്ക്കാ, ഈ ജിറാഫുകളുടെ കൂടെ;" പേടിയുണ്ടെങ്കിലും അപ്പൂപ്പൻ കൂളാ; വീഡിയോ