സഹദേവന്റെ മരണത്തിന് കാരണം ജോർജുകുട്ടി; ഇത് ഏത് യൂണിവേഴ്സ് എന്ന് ഫാൻസ്

ജോർജുകുട്ടിയുടെ അടുത്ത വരവിനായി കാത്തിരിക്കുകയാണ് മലയാളികൾ. ഇതിനിടയിൽ ദൃശ്യം ആദ്യ ഭാഗത്തിലെ ഒരു ട്വിസ്റ്റ് വിഡിയോയാണ് ഇപ്പോൾ സമൂഹമാധ്യമങ്ങളിൽ വൈറലാവുന്നത്. ജോർജുകുട്ടിയും രാജക്കാട് സ്റ്റേഷനിലെ പോലീസ് കോൺസ്റ്റബിൾ ആയ സഹദേവനും കവലയിൽ വെച്ച് ഏറ്റുമുട്ടിയതിന് പിന്നാലെയാണ് ഈ നിർണായക ട്വിസ്റ്റ് വരുന്നത്. 

നിനക്കെന്താടാ ഇത്ര വലിയ ചൊറിച്ചിൽ എന്ന് പറഞ്ഞ് ജോർജുകുട്ടിയെ സഹദേവൻ പ്രകോപിപ്പിക്കുന്നു. കാശ് തന്നാൽ സഹദേവൻ എന്ത് പണിയും ചെയ്യും എന്ന് ജോർജുകുട്ടി പറയുന്നത് സഹദേവന് താങ്ങാനായില്ല. കവലയിൽ വെച്ച് പൊട്ടിക്കരഞ്ഞുകൊണ്ടാണ് സഹദേവൻ പോകുന്നത്. 

Also Read: "അതിന് ജീവൻ ഉണ്ട്"; വീട്ടുമുറ്റത്തെ കൂറ്റൻ പാമ്പിനെ കണ്ട് അമ്പരന്ന് സോഷ്യൽ മീഡിയ; വീഡിയോ

പിന്നാലെ വാർത്തയിൽ പറയുന്നത് കവലയിൽ വെച്ച് ആളാവാനുള്ള ശ്രമം പാളിയതോടെ സഹദേവൻ അടുത്തുള്ള പാറമടയിൽ ചാടി മരിച്ചതായാണ്. ദൃശ്യത്തിലെ ഈ എഐ ട്വിസ്റ്റ് വിഡിയോ സമൂഹമാധ്യമങ്ങളിൽ​ ചിരി പടർത്തി വൈറലായി കഴിഞ്ഞു. 'അപ്പോ  സിദ്ദിഖിനെ റോൾ ഇല്ലേ' എന്ന ക്യാപ്ഷനോടെ പങ്കുവെച്ചിരിക്കുന്ന വിഡിയോയ്ക്ക് നിരവധി രസകരമായ കമന്റുകളാണ് വരുന്നത്. 

View this post on Instagram

A post shared by Kadhai (@kadhai4u)

Also Read: "മോഹൻലാലിന്റെ പേര് പറയരുത്; ആ ബോളിങ് കണ്ടിട്ടുണ്ട്"; ലാലേട്ടനെ ട്രോളി അശ്വിൻ?

എന്നാൽ സിദ്ദിഖിന് റോൾ കൊടുക്കാനുള്ള വഴി കണ്ടുപിടിച്ച് ഒരാൾ കമന്റ് ബോക്സിൽ വരുന്നുണ്ട്. "പാറമടേന്ന് സഹദേവന്റെ ബോഡി എടുക്കാനിറങ്ങിയ പോലീസിന് ഒരു മഞ്ഞക്കാറും കിട്ടി. ട്വിസ്റ്റ് എപ്പടി, അപ്പോ സിദ്ധിക്കിനും റോൾ കിട്ടീല്ലേ," ഇങ്ങനെയാണ് കമന്റ്. "സഹദേവൻ ഒരു പാവാ.ഒരു സാധു.." 'ലെ വരുൺ: അപ്പൊ ഞാൻ ഇതിൽ ഇല്ലേ," ഇങ്ങനെ പല രസകരമായ കമന്റുകളാണ് വരുന്നത്. 

Read More: 'നന്നായി നോക്കണം, 'കാട്ടിൽനിന്നു കിട്ടിയതാ ഇവനെ'; കടുവക്കുട്ടിയെ ഓമനിച്ച് യുവതി; വീഡിയോ