"ഇന്ദുചൂഡൻ്റെ ഭാവി പ്ലാൻ എന്തായാലും കൊള്ളാം;" വൈറലായി കുഞ്ഞാവയുടെ വലിയ ആഗ്രഹങ്ങൾ

അത്ഭുതപ്പെടുത്തുന്ന എഐ വിഡിയോകളാണ് ഇപ്പോൾ സോഷ്യൽ മീഡിയയിൽ തരംഗം. യാഥാർത്ഥ്യമെന്ന് തോന്നിപ്പിക്കുന്ന നിരവധി എഐ വീഡിയോകൾ ഇതിനകം വൈറലായിട്ടുണ്ട്. കേരളത്തിലെ റോഡുകളിലൂടെ വിലസുന്ന ദിനോസറുകൾ മുതൽ സിംഹങ്ങളെ വളർത്തുന്ന മലയാളി വീട്ടമ്മമാർ വരെ അക്കൂട്ടത്തിലുണ്ട്. 

ഇപ്പോഴിതാ, എഐ ഉപയോഗിച്ച് നിർമ്മിച്ച ഒരു കുഞ്ഞിന്റെ വീഡിയോയാണ് സൈബറിടത്ത് ശ്രദ്ധനേടുന്നത്. നഴ്സിന്റെ ചോദ്യത്തിനു കുഞ്ഞ് മറുപടി നൽകുന്നതായാണ് വീഡിയോ ഒരുക്കിയിരിക്കുന്നത്. 'ഇന് എന്താണ് പ്ലാൻ' എന്ന ചോദ്യത്തിനു, 'എങ്ങനെയെങ്കിലും ഒരു നഴ്സുകൊച്ചിനെ സെറ്റാക്കി കാനഡയിലേക്കോ, അമേരിക്കയിലേക്കോ ചാടണം' എന്നാണ് കുഞ്ഞിന്റെ മറുപടി.

Also Read: "അതിന് ജീവൻ ഉണ്ട്"; വീട്ടുമുറ്റത്തെ കൂറ്റൻ പാമ്പിനെ കണ്ട് അമ്പരന്ന് സോഷ്യൽ മീഡിയ; വീഡിയോ

രസകരമായ വീഡിയോയിൽ നിരവധി ആളുകളാണ് കമന്റുമായെത്തുന്നത്. ഒരുകൂട്ടർ എഐയുടെ കഴുവുകളെ പ്രശംസിച്ചപ്പോൾ, ഇത്തരം തമാശകൾക്ക് കുഞ്ഞുങ്ങളെ ഉപയോഗിക്കേണ്ടിയിരുന്നില്ലാ എന്നാണ് മറ്റൊരു കൂട്ടർ കമന്റിൽ പറയുന്നത്.

Also Read: "മോഹൻലാലിന്റെ പേര് പറയരുത്; ആ ബോളിങ് കണ്ടിട്ടുണ്ട്"; ലാലേട്ടനെ ട്രോളി അശ്വിൻ?

ഫേസ്ബുക്കിൽ വൈറലാകുന്ന വീഡിയോ ഇതിനകം 2.3 മില്യൺ കാഴ്ചകൾ നേടിയിട്ടുണ്ട്. "Zx media" അക്കൗണ്ടാണ് പോസ്റ്റ് പങ്കുവച്ചിരിക്കുന്നത്. കുട്ടികളുടെ മറ്റു രസകരമായ എഐ വീഡിയോകളും അക്കൗണ്ടിൽ പങ്കുവച്ചിട്ടുണ്ട്.

Read More: 'നന്നായി നോക്കണം, 'കാട്ടിൽനിന്നു കിട്ടിയതാ ഇവനെ'; കടുവക്കുട്ടിയെ ഓമനിച്ച് യുവതി; വീഡിയോ