എല്ലാവരും ഒന്നാണെന്ന് സന്ദേശം ശ്രീനാരായണ ഗുരു ലോകത്തിന് നൽകി;ഫ്രാൻസിസ് മാർപാപ്പ

വത്തിക്കാൻ: ശ്രീ നാരായണ ഗുരുവിന്റെ സന്ദേശത്തിന് ഏറെ പ്രസക്തിയുള്ള കാലമെന്ന് ഫ്രാൻസിസ് മാർപാപ്പ. വേർതിരിവില്ലാത്തെ മനുഷ്യർ ഒന്നെന്ന സന്ദേശം നൽകിയത് ശ്രീനാരായണ ഗുരുവാണ്. ഗുരു ലോകത്തിന് നൽകിയത് എല്ലാവരും മനുഷ്യകുടുംബത്തിലെ അംഗങ്ങളാണെന്ന സന്ദേശമാണ്.-പോപ്പ് പറഞ്ഞു.

ശിവഗിരി മഠം സംഘടിപ്പിക്കുന്ന സർവ്വ മത സമ്മേളനത്തിനുള്ള ആശീർവാദ പ്രഭാഷണത്തിൽ ആണ് മാർപാപ്പ ഗുരുവിനെ അനുസ്മരിച്ച് സംസാരിച്ചത്. ശ്രീനാരായണഗുരു തന്റെ ജീവിതം സമൂഹത്തിന്റെ വീണ്ടെടുപ്പിനായി സമർപ്പിച്ച വ്യക്തിയാണ്. രാഷ്ട്രങ്ങൾക്കിടയിലും വ്യക്തികൾക്ക് ഇടയിലും അസഹിഷ്ണുതയും വിദ്വേഷവും വർദ്ധിച്ചുവരുന്ന ഈ കാലത്ത് ഗുരുവിന്റെ സന്ദേശം ഏറെ പ്രസക്തമാണെന്നും അദ്ദേഹം പറഞ്ഞു.

വെള്ളിയാഴ്ച തുടങ്ങിയ സമ്മേളനം ഡിസംബർ മൂന്നിന് സമാപിക്കും. വിവിധ രാജ്യങ്ങളിൽനിന്നുള്ള നൂറോളം പ്രതിനിധികൾക്കൊപ്പം ഇന്ത്യയിൽ നിന്നുള്ള ജനപ്രതിനിധികളും സന്യാസിമാരും, ഇറ്റലിയിലെ ജനപ്രതിനിധികളും പങ്കെടുക്കും. ഇന്ത്യയ്ക്കു പുറമേ ഇറ്റലി, ബഹ്‌റൈൻ, ഇൻഡൊനീഷ്യ, അയർലൻഡ്, ദുബായ്, അബുദാബി, ഇംഗ്‌ളണ്ട്, അമേരിക്ക തുടങ്ങി 15ൽ പരം രാജ്യങ്ങളിൽനിന്നുള്ള പ്രതിനിധികളാണ് ഒത്തുചേരുന്നത്.

Read More

• പശ്ചിമേഷ്യയിൽ ആശ്വാസം; ഇസ്രയേൽ - ഹിസ്ബുല്ല വെടിനിർത്തൽ പ്രാബല്യത്തിൽ
• ചൈനയെ ലക്ഷ്യമിട്ട് ട്രംപ്; അധിക നികുതി ഏർപ്പെടുത്തുമെന്ന് പ്രഖ്യാപനം; കാനഡയ്ക്കും മെക്സിക്കോയ്ക്കും 25 ശതമാനം
• അദാനി ഫൗണ്ടേഷന്റെ 100 കോടി വേണ്ട; സര്‍വകലാശാലയ്ക്ക് വാഗ്ദാനം ചെയ്ത നിക്ഷേപം നിരസിച്ച് തെലങ്കാന സര്‍ക്കാര്‍
• അദാനി ഗ്രൂപ്പുമായുള്ള കരാർ പുനഃപരിശോധിക്കാൻ ബംഗ്ലാദേശ്, തീരുമാനം മന്ത്രിസഭയ്ക്ക് വിട്ട് ശ്രീലങ്ക