'പുഷ്പക്' റണ്‍വേയില്‍ പറന്നിറങ്ങി, ലാൻഡിങ് പരീക്ഷണം വിജയകരം

ന്യൂഡൽഹി: ഐഎസ്ആർഒയുടെ പുനരുപയോഗിക്കാവുന്ന ബഹിരാകാശ വിക്ഷേപണ വാഹനമായ പുഷ്പക്കിന്റെ രണ്ടാം ലാൻഡിങ് വിജയകരം. കർണാടകയിലെ ചിത്രദുർഗയിലുള്ള എയറോനോട്ടിക്കൽ ടെറ്റ് റേഞ്ചിലായിരുന്നു പരീക്ഷണം നടത്തിയത്. പുഷ്പകിന്റെ രണ്ടാമത്തെ ലാൻഡിങ് പരീക്ഷണമാണിത്. ആദ്യ പരീക്ഷണം കഴിഞ്ഞ വര്‍ഷം ഏപ്രിലിലാണ് ആദ്യ പരീക്ഷണം നടത്തിയത്.

വ്യോമസേനയുടെ ചിനൂക് ഹെലികോപ്റ്ററിൽ ആര്‍എല്‍വി എല്‍എക്‌സ്2 എന്ന പുഷ്പകിനെ 4.5 കിലോമീറ്റർ ഉയരത്തിൽ എത്തിച്ചശേഷം വേർപെടുത്തി. റണ്‍വേയില്‍ നിന്ന് 4 കിമീ ഉയരത്തില്‍ വെച്ച് പുഷ്പക് സ്വയം നിയന്ത്രണം ഏറ്റെടുത്ത് ലാൻഡ് ചെയ്തു. ബ്രേക്ക് പാരച്യൂട്ടൂം, ലാന്റിങ് ഗിയര്‍ ബ്രേക്കുകളും, നോസ് വീല്‍ സ്റ്റിയറിങ് സംവിധാനവും ഉപയോഗിച്ച് റൺവേയിൽ തിരിച്ചിറങ്ങി. 

വിക്രം സാരാഭായ് ബഹിരാകാശ കേന്ദ്രവും, ലിക്വിഡ് പ്രൊപ്പല്‍ഷന്‍ സിസ്റ്റം സെന്റും, ഐഎസ്ആര്‍ഒ ഇനേര്‍ഷ്യല്‍ സിസ്റ്റംസ് യൂണിറ്റും ചേര്‍ന്നാണ് ഈ പരീക്ഷണ ദൗത്യം സംഘടിപ്പിച്ചത്. ഐഎസ്ആർഒ ചെയർമാൻ എസ്.സോമനാഥ് ഉൾപ്പെടെയുള്ള അധികൃതർ പരീക്ഷണം നേരിട്ട് വിലയിരുത്തി. ദൗത്യത്തിന് നേതൃത്വം നല്‍കിയ സംഘത്തെ ഐഎസ്ആര്‍ഒ മേധാവി അഭിനന്ദിച്ചു.

Pushpak captured during its autonomous landing📸 pic.twitter.com/zx9JqbeslX

— ISRO (@isro) March 22, 2024

യുഎസിന്റെ സ്‌പേസ് ഷട്ടിലിന് സമാനമായ റീ യൂസബിള്‍ ലോഞ്ച് വെഹിക്കിളാണ് ഐഎസ്ആർഒ വികസിപ്പിച്ച 'പുഷ്പക്'. ബഹിരാകാശ ദൗത്യങ്ങളുടെ ചെലവ് കുറയ്ക്കുന്നതിന്റെ ഭാഗമായാണ് റീയൂസബിൾ ലോഞ്ചിങ് വെഹിക്കിൾ വികസിപ്പിച്ചത്.

Read More

• അരവിന്ദ് കേജ്‌രിവാളിന്റെ അറസ്റ്റിലെ ഏത് തിരിച്ചടിയും നേരിടാമെന്ന ആത്മവിശ്വാസം ബിജെപിക്കുണ്ട്, എന്തുകൊണ്ട്?
• കേജ്‌രിവാളിന്റെ അറസ്റ്റ്: ഡൽഹിയിൽ ബിജെപി ഓഫീസുകൾക്കുമുന്നിൽ എഎപി പ്രതിഷേധം
• ഡൽഹി മദ്യക്കേസ്: എഎപി നേതാക്കൾക്കെതിരായ ഇഡിയുടെ ആരോപണങ്ങൾ എന്തൊക്കെയാണ്?
• അരവിന്ദ് കേജ്‌രിവാളിന്റെ ഹർജി സുപ്രീം കോടതി ഇന്നു പരിഗണിക്കും