Iran-Israel War News: ട്രംപിന്റെ നിർദേശവും അംഗീകരിച്ചില്ല; ഇറാനിൽ വീണ്ടും സ്‌ഫോടനം

Iran-Israel War News: ടെഹ്‌റാൻ: അമേരിക്കൻ പ്രസിഡന്റ് ഡൊണാൾഡ് ട്രംപിന്റെ വെടിനിർത്തൽ പ്രഖ്യാപനത്തിന് പിന്നാലെയും ഇറാൻ തലസ്ഥാനമായ ടെഹ്‌റാനിൽ സ്‌ഫോടനങ്ങൾ നടന്നെന്ന് റിപ്പോർട്ട്. ചൊവ്വാഴ്ച വൈകീട്ടോടെ ഇസ്രായേൽ ടെഹ്റാനിനടുത്തുള്ള ഒരു റഡാർ സൈറ്റ് ആക്രമിച്ചതായി റോയിട്ടേഴ്സ് റിപ്പോർട്ട് ചെയ്യുന്നു. 

Also Read:ഇറാനിൽ ബോംബ് ഇടരുത്: ഇസ്രായേലിനോട് ട്രംപ്

അതേസമയം, ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവുമായി അമേരിക്കൻ പ്രസിഡന്റ് ഡൊണാൾഡ് ട്രംപ് ഫോണിലൂടെ ആശയവിനിമയം നടത്തിയെന്നാണ് റിപ്പോർട്ടുകൾ. നേരത്തെ ഇറാനിൽ ബോംബ് ഇടരുതെന്ന്് നിർദേശം ഇസ്രായേലിന് അമേരിക്ക നൽകിയിരുന്നു. ഇതിനുശേഷവും ഇറാനിൽ ആക്രമണം തുടരുന്നുവെന്നാണ് ഏറ്റവും ഒടുവിൽ പുറത്തുവരുന്ന റിപ്പോർട്ടുകൾ സൂചിപ്പിക്കുന്നത്. 

നേരത്തെ ട്രംപ് വെടിനിർത്തൽ പ്രഖ്യാപനം നടത്തിയതിന് പിന്നാലെ ഇറാൻ ഇസ്രായേലിൽ ആക്രമണം നടത്തിയെന്നാരോപിച്ച് ഇസ്രായേൽ രംഗത്തെത്തിയിരുന്നു. ഇറാനിൽ നിന്നുള്ള മിസൈലുകൾ തെക്കൻ ഇസ്രായേലിലെ ഒരു റെസിഡൻഷ്യൽ കെട്ടിടത്തിൽ പതിക്കുകയും നാല് പേർ കൊല്ലപ്പെടുകയും ചെയ്തെന്നാണ് ഇസ്രായേൽ സൈന്യം പറഞ്ഞത്. ഇതിനുപിന്നാലെ ഇറാന് ശക്തമായ തിരിച്ചടി നൽകാൻ ഇസ്രായേൽ ഭരണകൂടം ഉത്തരവിട്ടു. ഇതോടെയാണ് പശ്ചിമേഷ്യ വീണ്ടും സംഘർഷഭരിതമായത്. 

Also Read:വെടിനിർത്തൽ പ്രഖ്യാപനത്തിലൊതുങ്ങി ; ഇറാൻ ആക്രമണത്തിന് ശക്തമായി തിരിച്ചടിക്കാൻ സൈന്യത്തിനോട് ഇസ്രായേൽ

ഇറാൻ തൊടുത്തുവിട്ട രണ്ട് ബാലിസ്റ്റിക്ക് മിസൈലുകൾ ഇസ്രായേലിന്റെ പ്രതിരോധ സംവിധാനം തടഞ്ഞെന്ന് ഇസ്രായേൽ മാധ്യമങ്ങൾ റിപ്പോർട്ട് ചെയ്തു. നോർത്തേൺ ഇസ്രയേലിൽ അപായ സൈറണുകൾ മുഴങ്ങുകയാണ്. നിലവിൽ ജനങ്ങൾക്ക് ഷെൽട്ടറുകളിൽ തുടരാൻ അധികൃതർ നിർദേശം നൽകിയിട്ടുണ്ട്.

Also Read: വെടിനിർത്തലിന് പിന്നാലെ ഇസ്രായേലിൽ ആക്രമണം നടത്തി ഇറാൻ

അതേസമയം, ഇസ്രായേലിൽ മിസൈൽ ആക്രമണം നടത്തിയെന്ന ആരോപണം ഇറാൻ നിഷേധിച്ചതായി അന്താരാഷ്ട്ര വാർത്താ ഏജൻസിയായ എ.എഫ്.പി. റിപ്പോർട്ട് ചെയ്യുന്നു. ഇസ്രായേലിന്റെ ഒരുമേഖലയിലേക്കും തങ്ങൾ മിസൈൽ ആക്രമണം നടത്തിയിട്ടില്ലെന്ന് ഇറാൻ സൈന്യത്തിന്റെ ഔദ്യോഗിക വക്താവിനെ ഉദ്ധരിച്ച് എ.എഫ്.പി. റിപ്പോർട്ട് ചെയ്യുന്നു.

Read More

ഹോർമുസ് കടലിടുക്ക് അടയ്ക്കാൻ ഇറാൻ; ആശങ്കയിൽ ലോകം