ഇലക്ടറൽ ബോണ്ട് വഴി പണം നൽകിയ റെഡ്ഡിയുമായുള്ള ബന്ധമെന്ത്? ബിജെപിക്കെതിരെ ആം ആദ്മി

ഡൽഹി: എക്സൈസ് നയ കേസുമായി ബന്ധപ്പെട്ട് അറബിന്ദോ ഫാർമസ്യൂട്ടിക്കൽസ് ഡയറക്ടർ ശരത് ചന്ദ്ര റെഡ്ഡിയുടെ അറസ്റ്റിന് പിന്നാലെ ബിജെപി 60 കോടി രൂപയുടെ ഇലക്ടറൽ ബോണ്ടുകൾ റെഡ്ഡിയിൽ നിന്നും കൈപ്പറ്റിയതിന്റെ വിവരങ്ങൾ ജനങ്ങളോട് പറയണമെന്ന് ആം ആദ്മി പാർട്ടി. ഇക്കാര്യത്തിൽ സത്യം പൊതുസമൂഹത്തിന് മുന്നിൽ വെളിപ്പെടുത്തണമെന്ന്  ആവശ്യപ്പെട്ട് എഎപി ദേശീയ സെക്രട്ടറി പങ്കജ് ഗുപ്ത ബിജെപി അധ്യക്ഷൻ ജെപി നദ്ദയ്ക്ക് കത്തെഴുതി

റെഡ്ഡി കഴിഞ്ഞ വർഷം ഈ കേസിൽ അപ്പ്രൂവറായി മാറുകയും ജാമ്യം ലഭിക്കുകയും ചെയ്തു. റെഡ്ഡിയുടെ അറസ്റ്റിന് മുമ്പ്, അരബിന്ദോ ഫാർമ വാങ്ങിയ ബോണ്ടുകൾ ഭാരത് രാഷ്ട്ര സമിതി (ബിആർഎസ്), തെലുങ്ക് ദേശം പാർട്ടി (ടിഡിപി), ബിജെപി എന്നിവയുൾപ്പെടെയുള്ള രാഷ്ട്രീയ പാർട്ടികൾ എൻക്യാഷ് ചെയ്തതായി ഇലക്ടറൽ ബോണ്ട് പർച്ചേസ് പാറ്റേണുകൾ കാണിക്കുന്നു. എന്നാൽ അറസ്റ്റിന് ശേഷം, ബി.ജെ.പി മാത്രമാണ് ബോണ്ടുകൾ എൻ-ക്യാഷ് ചെയ്തിരിക്കുന്നത്. 

റെഡ്ഡിയും ബിജെപിയും തമ്മിലുള്ള ബന്ധം വെളിപ്പെടുത്തണമെന്നും പാർട്ടി തന്നിൽ നിന്ന് 60 കോടി രൂപ കൈപ്പറ്റിയത് എന്തുകൊണ്ടാണെന്ന് പൊതുജനങ്ങളോട് പറയണമെന്നും ഗുപ്ത തന്റെ കത്തിൽ നദ്ദയോട് ആവശ്യപ്പെട്ടു.

വിഷയത്തിൽ ബിജെപിയുടെ മൗനം ആശ്ചര്യകരമാണെന്ന് എഎപി പറഞ്ഞു. 'തെരഞ്ഞെടുപ്പ് ബോണ്ടുകളുടെ പേരിൽ 60 കോടിയോളം രൂപ ബിജെപി രഹസ്യമായി പിരിച്ചെടുത്തത് എങ്ങനെയെന്ന് ഞങ്ങൾ എല്ലാവരോടും പറഞ്ഞു. ഇത് ബിജെപിക്കെതിരെയുള്ള ആരോപണമല്ല, വസ്തുതയാണ്. ഞങ്ങൾ വ്യക്തമായ തെളിവ് പുറത്തുവിട്ടിട്ടുണ്ട്... ബിജെപി സംഭാവനകൾ പിരിച്ചെടുത്തതായി ഇന്ത്യൻ തിരഞ്ഞെടുപ്പ് കമ്മീഷൻ വെബ്‌സൈറ്റിൽ വ്യക്തമാണ്... ആരോപണവിധേയനായ ഡൽഹി എക്‌സൈസ് നയത്തിലെ പ്രധാന പ്രതിയായ ശരത് ചന്ദ്ര റെഡ്ഡി'കിംഗ്പിൻ' എന്ന് വിശേഷിപ്പിക്കപ്പെടുന്നു. 

ഇതേ ആശങ്ക പ്രകടിപ്പിച്ചുകൊണ്ട് ഡയലോഗ് ആൻഡ് ഡെവലപ്‌മെന്റ് കമ്മീഷൻ വൈസ് ചെയർപേഴ്‌സൺ ജാസ്മിൻ ഷായും രംഗത്തെത്തി. “ഒരു തരത്തിൽ, ഈ വിഷയത്തിൽ നിശബ്ദത പാലിക്കുന്നതിലൂടെ, ബിജെപിയും അതിന്റെ നേതാക്കളും ഞങ്ങൾ പണം വാങ്ങിയത് ശരത് ചന്ദ്ര റെഡ്ഡിയിൽ നിന്ന് ആണെന്ന് വ്യക്തമായി അംഗീകരിക്കുന്നു. മദ്യനയ കേസിൽ നിങ്ങൾ ആഗ്രഹിക്കുന്നതെന്തും ചെയ്യുക. ബിജെപിക്ക് ഇപ്പോൾ ഒന്നും നിഷേധിക്കാനാവില്ല, ഈ ഡാറ്റ തിരഞ്ഞെടുപ്പ് കമ്മീഷന്റെ വെബ്‌സൈറ്റിൽ നിന്നുള്ളതാണ്.

അതേസമയം, പാർട്ടി മേധാവിയും ഡൽഹി മുഖ്യമന്ത്രിയുമായ അരവിന്ദ് കെജ്‌രിവാളിന്റെ തെറ്റായ അഴിമതികളിൽ നിന്ന് ജനങ്ങളുടെ ശ്രദ്ധ തിരിക്കാനാണ് എഎപി ശ്രമിക്കുന്നതെന്ന് ബിജെപി പറഞ്ഞു. എഎപിക്കെതിരെ തങ്ങളുടെ പ്രവർത്തകർ പ്രതിഷേധം തുടരുമെന്നും ബിജെപി ഡൽഹി നേതൃത്വം വ്യക്തമാക്കി.

Read More

• ജയിലിൽ നിന്നും ഭരണം നിയന്ത്രിച്ച് കേജ്രിവാൾ; ഡൽഹിയിലെ ജലപ്രശ്നങ്ങൾ പരിഹരിക്കാൻ സർക്കാർ ഉത്തരവ് പുറത്തിറക്കി 
• അരവിന്ദ് കേജ്‌രിവാളിന്റെ അറസ്റ്റിലെ ഏത് തിരിച്ചടിയും നേരിടാമെന്ന ആത്മവിശ്വാസം ബിജെപിക്കുണ്ട്, എന്തുകൊണ്ട്?
• കേജ്‌രിവാളിന്റെ അറസ്റ്റ്: ഡൽഹിയിൽ ബിജെപി ഓഫീസുകൾക്കുമുന്നിൽ എഎപി പ്രതിഷേധം