മണാലിയിൽ 15 കോടിയുടെ ബംഗ്ലാവ്, 7 കിലോ സ്വർണാഭരണങ്ങൾ, 91 കോടിയുടെ ആസ്തി; കങ്കണയുടെ ലക്ഷ്വറി ജീവിതമിങ്ങനെ

ബോളിവുഡിൽ എന്നും വേറിട്ടു നിൽക്കുന്ന നടിമാരിൽ ഒരാളാണ് കങ്കണ റണാവത്ത്. താരത്തിന്റെ നിലപാടുകൾ പലപ്പോഴും വലിയ വിവാദങ്ങൾക്ക് വഴിയൊരുക്കിയിട്ടുണ്ട്. എന്നാൽ, അതൊന്നും കൂസാതെ നടിയായും സംവിധായികയായുമൊക്കെ തന്റേതായ തീരുമാനങ്ങൾക്കു പിറകെ സഞ്ചരിക്കാനാണ് കങ്കണയ്ക്കിഷ്ടം.

നെപ്പോട്ടിസത്തിനു ആഴത്തിൽ വേരുകളുള്ള ബോളിവുഡിൽ തലതൊട്ടപ്പൻമാർ ആരുമില്ലാതെ എത്തി സ്വന്തം ഇടം കണ്ടെത്തിയ ആളാണ് കങ്കണ. കഠിന പ്രയത്നത്താൽ കോടികളുടെ സമ്പത്തും വിവിധ നഗരങ്ങളിൽ വസ്തുവകകളും പിൽക്കാലത്ത് കങ്കണ സ്വന്തമാക്കുകയുണ്ടായി. കങ്കണയുടെ ആസ്തി എത്രയെന്നറിയേണ്ടേ? 

View this post on Instagram

A post shared by Kangana Ranaut (@kanganaranaut)

2024 ലെ ലോക്‌സഭാ തെരഞ്ഞെടുപ്പിൽ മാണ്ഡി സീറ്റിൽ നിന്ന് ഭാരതീയ ജനതാ പാർട്ടി (ബിജെപി) സ്ഥാനാർത്ഥിയായി മത്സരിക്കുന്നതിനു മുന്നോടിയായി കങ്കണ റണാവത്ത് തന്റെ സ്വത്തുവകകളുടെ വിശദാംശങ്ങൾ വെളിപ്പെടുത്തിയിരുന്നു. കങ്കണയുടെ തിരഞ്ഞെടുപ്പ് സത്യവാങ്മൂലം അനുസരിച്ച്, താരത്തിന് 91.5 കോടിയിലധികം ആസ്തിയുണ്ട്. അതിൽ 28.7 കോടി രൂപ ജംഗമ ആസ്തിയും 62.9 കോടി രൂപ സ്ഥാവര ആസ്തിയുമാണ്. 

Also Read: മമ്മൂട്ടിയുടെയും മോഹൻലാലിന്റെയും നായിക, 4600 കോടിയുടെ ആസ്തി; ആളെ മനസ്സിലായോ?

6.7 കിലോഗ്രാം സ്വർണ്ണാഭരണങ്ങൾ കങ്കണയ്ക്കുണ്ടെന്നാണ് സത്യവാങ്മൂലത്തിൽ പറയുന്നത്. ഇവയ്ക്ക് ഏകദേശം 5 കോടി രൂപ വിലമതിക്കും. 50 ലക്ഷം രൂപ വിലമതിക്കുന്ന പാത്രങ്ങളുടെയും ആഭരണങ്ങളുടെയും രൂപത്തിൽ 60 കിലോഗ്രാം വെള്ളിയും 3 കോടി രൂപയുടെ വജ്രാഭരണങ്ങളും കങ്കണയുടെ കയ്യിലുണ്ട്. 

View this post on Instagram

A post shared by Kangana Ranaut (@kanganaranaut)

Also Read: സമ്പത്തിന്റെ കാര്യത്തിൽ ബോളിവുഡ് താരങ്ങളെ തോൽപ്പിക്കും; നാഗാർജുനയുടെ ആസ്തി എത്രയെന്നറിയാമോ?

98 ലക്ഷം രൂപ വിലമതിക്കുന്ന ബിഎംഡബ്ല്യു, 58 ലക്ഷം രൂപ വിലമതിക്കുന്ന മെഴ്‌സിഡസ് ബെൻസ്, 3.91 കോടി രൂപ വിലമതിക്കുന്ന മെഴ്‌സിഡസ് മെയ്‌ബാക്ക് എന്നിവയുൾപ്പെടെ മൂന്ന് ആഡംബര കാറുകളും താരത്തിനു സ്വന്തമായുണ്ട്. ഇവ കൂടാതെ 53,000 രൂപ വിലമതിക്കുന്ന വെസ്പ സ്‌കൂട്ടറും  താരത്തിന്റെ പേരിലുണ്ട്. സത്യവാങ്മൂലം പ്രകാരം, 1.35 കോടി രൂപയുടെ ബാങ്ക് ബാലൻസും 17 കോടി രൂപയുടെ കടവും താരം വെളിപ്പെടുത്തിയിരുന്നു. 

View this post on Instagram

A post shared by Kangana Ranaut (@kanganaranaut)

രാജ്യത്തുടനീളം കങ്കണയ്ക്ക് പ്രോപ്പർട്ടികളുണ്ട്. ചണ്ഡീഗഡിലെ നാല് വാണിജ്യ യൂണിറ്റുകൾ, മുംബൈയിലെ ഒരു പ്രോപ്പർട്ടി, മണാലിയിലെ ഒരു വാണിജ്യ കെട്ടിടം എന്നിവ ഇതിൽ ഉൾപ്പെടുന്നു. മുംബൈയിൽ 16 കോടി രൂപ വിലമതിക്കുന്ന മൂന്ന് ഫ്ലാറ്റുകളും മണാലിയിൽ 15 കോടി രൂപ വിലമതിക്കുന്ന ഒരു ബംഗ്ലാവും കങ്കണയ്ക്ക് സ്വന്തമായുണ്ട്. 2022-23 സാമ്പത്തിക വർഷത്തിലെ തന്റെ വരുമാനം 4 കോടി രൂപയാണെന്നാണ് കങ്കണ വെളിപ്പെടുത്തിയത്. എന്നാൽ അതിനു തൊട്ടുമുമ്പുള്ള വർഷം അവർ 12.3 കോടി രൂപ സമ്പാദിച്ചു. 

Also Read: മഞ്ജു വാര്യരുടെ ആസ്തി അറിയാമോ?

കങ്കണയുടെ പേരിൽ 50 എൽഐസി പോളിസികളും എട്ട് ക്രിമിനൽ കേസുകളും ഉണ്ട്. ചണ്ഡീഗഡിലെ ഒരു സ്വകാര്യ സ്കൂളിൽ നിന്നാണ് പന്ത്രണ്ടാം ക്ലാസ് പൂർത്തിയാക്കിയതെന്നും അതാണ് തന്റെ വിദ്യഭ്യാസ യോഗ്യതയെന്നും കങ്കണ സത്യവാങ്മൂലത്തിൽ വ്യക്തമാക്കിയിരുന്നു. 

മണാലിയിലെ ബംഗ്ലാവ്

മൗണ്ടൻ സ്റ്റൈലിലുള്ളതാണ് മണാലിയിലെ കങ്കണയുടെ വീട്. ഹിമാചലി പെയിന്റിങ്ങുകൾ, നെയ്‌ത്ത്, പരവതാനികൾ, എംബ്രോയ്ഡറികൾ എന്നിവയൊക്കെ വീടിന്റെ ആകർഷണമാണ്. രാജകീയത നിറഞ്ഞതാണ് വീടിന്റെ അകക്കാഴ്ചകൾ. പ്രിന്റഡ് റഗ്, ബ്രൗൺ സോഫ സെറ്റ്, പ്രിന്റ് ചെയ്ത തലയണകൾ, വിവിധ ഷോപീസുകൾ ഘടിപ്പിച്ച മേശ, ഭിത്തിയിൽ വലിയ വർണ്ണാഭമായ പരമ്പരാഗത പെയിന്റിംഗ്, ഫ്രഞ്ച് ജനലുകളോചുകൂടിയ ഒരു കൂറ്റൻ ചാൻഡിലിയർ എന്നിവ ഉൾക്കൊള്ളുന്നതാണ് വിശാലമായ സ്വീകരണമുറി. 

മൂന്ന് വലിയ കിടപ്പുമുറികളിൽ സൈഡ് ടേബിളുകൾ, പ്രിന്റഡ് റഗ്ഗുകൾ, കൂറ്റൻ ജനാലകൾ എന്നിവയോടുകൂടിയ കിങ്-സൈസ് കിടക്കകൾ ഉണ്ടായിരുന്നു. ഹിമാചലിന്റെ വിവിധ പാരമ്പര്യങ്ങളും കലകളും ആളുകളെയും പ്രതിഫലിപ്പിക്കുന്ന നിരവധി ഛായാചിത്രങ്ങളാൽ നിറഞ്ഞതാണ് കങ്കണയുടെ വീട്. 

Also Read: ഇതൊക്കെയെന്ത്! രജിഷയെ പുഷ്പം പോലെ പൊക്കിയെടുത്ത് ഗ്രേസ് ആന്റണി; ചിത്രങ്ങൾ