മുഖത്ത് അമിതമായി എണ്ണ മയം തോന്നുന്നുണ്ടോ? എങ്കിൽ ഈ 5 കാര്യങ്ങൾ ശീലമാക്കൂ

മുഖത്ത് അമിതമായി എണ്ണമയം അടിഞ്ഞുകൂടുന്നത് പലപ്പോഴും മുഖക്കുരുവിനും മറ്റ് ചർമ്മ പ്രശ്നങ്ങൾക്കും കാരണമാകും. ഈർപ്പം നിലനിർത്താൻ എണ്ണ  ആവശ്യമാണെങ്കിലും, ഇതിൻ്റെ അളവ് കൂടുമ്പോൾ ചർമ്മം മങ്ങിയതായും, സൗന്ദര്യത്തെ ബാധിക്കുകയും ചെയ്യും. വീട്ടിൽ തന്നെ സ്വയം ചെയ്യാവു്ന ചില കാര്യങ്ങൾ ഇതിന് ഉത്തമ പരിഹാരമാണ്.

Also Read:  തിളക്കമുള്ള ചർമ്മത്തിന് നിയ ശർമ്മയുടെ രഹസ്യം ഈ ഗ്രീൻ ജ്യൂസ്

പതിവായി ക്ലെൻസ് ചെയ്യാം

മുഖത്തെ എണ്ണമയം നിയന്ത്രിക്കാനുള്ള ഏറ്റവും പ്രധാനപ്പെട്ട മാർഗ്ഗം ദിവസവും രണ്ടുതവണ മുഖം കഴുകുക എന്നതാണ്. സാലിസൈലിക് ആസിഡ് അടങ്ങിയതോ ജെൽ രൂപത്തിലുള്ളതോ ആയ വീര്യം കുറഞ്ഞ ഫേസ് വാഷ് ഉപയോഗിക്കുക. അമിതമായി ഉരച്ചു കഴുകുന്നത് ചർമ്മത്തെ വരണ്ടതാക്കുകയും കൂടുതൽ എണ്ണ ഉത്പാദിപ്പിക്കാൻ പ്രേരിപ്പിക്കുകയും ചെയ്യും.

കളിമൺ മാസ്ക് 

മുൾട്ടാണി മിട്ടി അല്ലെങ്കിൽ ബെന്റോണൈറ്റ് കളിമണ്ണ്  എന്നിവ ഉപയോഗിച്ചുള്ള മാസ്കുകൾ ചർമ്മത്തിലെ അധിക എണ്ണയെ വലിച്ചെടുക്കാൻ സഹായിക്കും. ആഴ്ചയിൽ ഒന്നോ രണ്ടോ തവണ ഈ കളിമൺ മാസ്ക് റോസ് വാട്ടറിൽ കലർത്തി മുഖത്തിടുന്നത് എണ്ണമയം കുറയ്ക്കാൻ ഉത്തമമാണ്.

കറ്റാർ വാഴ ജെൽ 

രാത്രി ഉറങ്ങുന്നതിനു മുൻപ് മുഖത്ത് കറ്റാർവാഴ ജെൽ പുരട്ടുന്നത് എണ്ണമയം കുറയ്ക്കുന്നതിനും ചർമ്മത്തിന് ഈർപ്പം നൽകുന്നതിനും സഹായിക്കും. കറ്റാർവാഴ ചർമ്മ സുഷിരങ്ങൾ അടയ്ക്കാതെ തന്നെ ചർമ്മത്തെ ശാന്തമാക്കുന്നു.

Also Read: പ്രായം ഏതുമാകട്ടെ ചർമ്മം തിളക്കമുള്ളതാക്കാൻ ഒരൽപം കാപ്പിപ്പൊടി മതി

ടോണറായി റോസ് വാട്ടർ

മുഖം കഴുകിയ ശേഷം രാസവസ്തുക്കൾ കുറഞ്ഞ റോസ് വാട്ടർ (പനിനീർ) ഒരു കോട്ടൺ പാഡിൽ എടുത്ത് ടോണറായി ഉപയോഗിക്കുക. ഇത് ചർമ്മത്തിന്റെ പിഎച്ച് നില സന്തുലിതമാക്കുകയും സുഷിരങ്ങൾ അടയ്ക്കുകയും എണ്ണ ഉത്പാദനം കുറയ്ക്കുകയും ചെയ്യും.

Also Read: ശരിയായി ഉറങ്ങിയിട്ടും കണ്ണിനടിയിലെ കറുപ്പ് നിറം മായുന്നില്ലേ? എങ്കിൽ ദിവസവും ഇത് പുരട്ടൂ

ബ്ലോട്ടിംഗ് പേപ്പർ

ദിവസത്തിനിടയിൽ മുഖത്ത് എണ്ണമയം അധികമായി തോന്നുകയാണെങ്കിൽ, മേക്കപ്പ് ഇളകാതെ തന്നെ എണ്ണ വലിച്ചെടുക്കാൻ സഹായിക്കുന്ന ബ്ലോട്ടിംഗ് പേപ്പറുകൾ ഉപയോഗിക്കുക. ഈ പേപ്പർ മുഖത്ത് വെച്ച് പതിയെ ഒപ്പിയെടുക്കുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഇത്തിരി കുഞ്ഞൻ ബ്ലാക്ക്ഹെഡ്സ് ഇനി വില്ലനാകില്ല, ഇവ ട്രൈ ചെയ്യൂ