താരൻ കുറയ്ക്കാൻ വേപ്പില ഈ 5 രീതിയിൽ ഉപയോഗിക്കൂ

താരനും തലമുടി കൊഴിച്ചിലുമാണ് പലരുടെയും പ്രശ്നം. കേശ സംരക്ഷണത്തില്‍ കുറച്ചധികം ശ്രദ്ധിച്ചാല്‍ തന്നെ താരനെ തടയാന്‍ സാധിക്കും. സ്ത്രീകളും പുരുഷന്മാരും ഒരു പോലെ നേരിടുന്ന ബുദ്ധിമുട്ടാണ് താരൻ. അമിതമായ വിയർപ്പ്, പൊടി, രാസപദാർത്ഥങ്ങൾ അടങ്ങിയ ഷാമ്പൂവിൻ്റെ ഉപയോഗം എന്നിങ്ങനെ പല കാരണങ്ങൾ കൊണ്ട് താരൻ ഉണ്ടാകാം. ഇത് ശ്രദ്ധിക്കാതെ പോയാൽ പിന്നീട് പരിഹരിക്കാൻ സാധിക്കാത്ത പ്രശ്നമായി മാറിയേക്കാം.

Also Read: മുടിയഴകിന് ചെത്തിപ്പൂവ്, ഇങ്ങനെ ഉപയോഗിക്കൂ

താരൻ എന്നത് ഒരു തരത്തിലുള്ള ഫംഗസാണ്. ഇതു മൂലം അമിതമായ ചൊറിച്ചിൽ, വരൾച്ച, മുടികൊഴിച്ചിൽ കൂടാതെ മുഖക്കുരു വരെ ഉണ്ടായേക്കാം. തലമുടി കഴുകാതിരുന്നാൽ ഇത് വീണ്ടും വർധിച്ചു വരികയേ ഉള്ളൂവെന്നാണ് വിദഗ്ധർ പറയുന്നത്. എന്നാൽ എല്ലാ ദിവസവും ഇങ്ങനെ ചെയ്യുന്നതു കൊണ്ട് താരൻ അകറ്റാൻ സാധിക്കും എന്നതിനു ശാസ്ത്രീയമായ തെളിവുകളില്ല. ചർമ്മത്തിൻ്റെ അവസ്ഥ ഓരോരുത്തരിലും വ്യത്യസ്തമായിരിക്കും. 

തലമുടി പരിചരണത്തിനായി ആഴ്ച്ചയിൽ ഒരിക്കൽ ഹെയർ മാസ്ക് ഉപയോഗിക്കുന്നത് ഗുണം ചെയ്തേക്കും. അതിനായി വേപ്പില ഉപയോഗിക്കാം. ആൻ്റി ബാക്ടീരിയൽ ആൻ്റി ഫംഗഷ സവിശേഷതകൾ ഉള്ളതിനാൽ ഈ ഇല മുടിയുടെ ആരോഗ്യത്തിന് ഏറെ ഗുണകരമാണ്.

Also Read: ഏതുപ്രായത്തിലും മുടി കറുപ്പിക്കാം, ഈ ഹെയർ ഡൈ ഉപയോഗിക്കൂ

വേപ്പില ഹെയർമാസ്ക്

വേപ്പില അരച്ചെടുത്ത് ശിരോചർമ്മത്തിൽ പുരട്ടാം. 30 മിനിറ്റിനു ശേഷം ചെറുചൂടുള്ള വെള്ളത്തിൽ കഴുകി കളയാം. ഇത് താരൻ, ചൊറിച്ചിൽ എന്നിവ തടയാൻ സഹായിക്കും. 

വേപ്പില വെള്ളം

കുറച്ച് വെള്ളത്തിൽ വേപ്പില ചേർത്ത് നന്നായി തിളപ്പിക്കാം. ഇത് അരിച്ചെടുത്തു വയ്ക്കാം. ഷാമ്പൂ പുരട്ടിയതിനു ശേഷം  ഈ വെള്ളം ഉപയോഗിച്ച് നന്നായി കഴുകി കളയാം. 

വേപ്പില വെളിച്ചെണ്ണ

വെളിച്ചെണ്ണയിലേയ്ക്ക് വേപ്പെണ്ണ ചേർത്തു ചൂടാക്കാം. അത് ശിരോചർമ്മത്തിലേയ്ക്ക് പുരട്ടി മൃദുവായി മസാജ് ചെയ്യാം. ഒരു മണിക്കൂറിനു ശേഷം ഷാമ്പൂ ഉപയോഗിച്ച് കഴുകി കളയാം.

Also Read: ആരോഗ്യവും തിളക്കവുമുള്ള തലമുടിക്കു വേണ്ടി ശീലമാക്കാം ഈ 6 കാര്യങ്ങൾ

വേപ്പില കറ്റാർവാഴ

വേപ്പിലയിലേയ്ക്ക് കറ്റാർവാഴ ജെൽ ചേർത്ത് അരച്ചെടുക്കാം. ഇത് മുടിയിൽ പുരട്ടി 20 മിനിറ്റിനു ശേഷം കഴുകി കളയാം.

വേപ്പില ഷാമ്പൂ

വീര്യം കുറഞ്ഞ ഷാമ്പൂവിലേയ്ക്ക് വേപ്പിൻ പൊടി കലർത്തി. ഇത് ശിരോചർമ്മത്തിൽ പുരട്ടി മസാജ് ചെയ്ത് കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: കട്ട കറുപ്പുള്ള തലമുടി നേടാൻ ഹെർബൽ ഹെയർ ഡൈ തയ്യാറാക്കുമ്പോൾ ഇവ കൂടി ചേർക്കൂ